Mtoto Mchanga Kukosa Choo,Sababu Au Chanzo

Mtoto Mchanga Kukosa Choo,Sababu Au Chanzo

Kama huoni mtoto wako akijisaidia kabsa,hiki ndyo chanzo cha Mtoto mchanga kukosa choo.

Chanzo cha tatizo la Mtoto mchanga Kukosa Choo na Tiba Yake

Baada ya  mtoto kuzaliwa huanza kunyonya maziwa ya mama yake, na baada ya muda huanza kujisaidia haja ndogo na haja kubwa pia. Lakini kukaa kwa muda mrefu bila mtoto kupata choo huweza kuleta mashaka hata kwa mama wa mtoto pia.

Swala la mtoto kukosa choo kwa muda mrefu huweza kusababisha mtoto kulia lia mara kwa mara, Mtoto kupata maumivu ya tumbo,tumbo kujaa n.k

CHANZO CHA TATIZO LA KUKOSA CHOO KWA WATOTO

Wengine tatizo la kukosa choo kabsa, huanza na haja kubwa kuwa ngumu sana wakati wa kujisaidia, Kujisaidia kinyesi kama cha mbuzi na baadae hali ya kukosa choo kabsa hujitokeza.

Watoto wadogo sana huweza kupatwa na shida hii, Watoto ambao ni kuanzia mwaka mmoja mpaka miaka mitano pia huweza kusumbuliwa na shida hii.

Maziwa ya mama yanavirutubisho vingi zaidi(So nutritious), hali ambayo huweza kupelekea muda mwingine mwili wa mtoto kufyonza Kila kitu na kuacha kiasi kidogo sana kupita kwenye mfumo wa umeng'enyaji chakula,

Hii pia huweza kusababisha mtoto wako kukosa Choo,

Pia wakati mwingine hunyonyeshi mtoto vizuri akashiba, hawezi kujisaidia maana hana cha kutoa Nje.

Lakini pia Wakati mwingine inaweza kuwa tatizo kubwa kama kuziba Njia ya haja kubwa,ambayo hii huweza kutokea toka mtoto anazaliwa hapati choo, kuambatana na tumbo la mtoto kuvimba n.k

Sababu Za Mtoto Mchanga kukosa Choo

Mtoto mchanga kutokujisaidia inaweza kutokea kutokana na sababu kadhaa, Zipo Sababu za Kawaida kabsa,ila Wakati mwingine hutokana na Sababu za kiafya.

Sababu za Kawaida:

1. Unyonyeshaji kwa Mtoto: 

Ni kawaida kwa watoto wanaonyonyeshwa kukaa kwa siku kadhaa bila kupata choo kwasababu maziwa ya mama humeng’enywa kwa urahisi na kwa kiwango kikubwa, hali ambayo hupelekea kinachobaki kama uchafu kuwa kidogo sana,

Maziwa ya mama yanavirutubisho vingi zaidi(So nutritious), hali ambayo huweza kupelekea muda mwingine mwili wa mtoto kufyonza Kila kitu na kuacha kiasi kidogo sana kupita kwenye mfumo wa umeng'enyaji chakula.

2. Hatua za Ukuaji Kwa Mtoto(Developmental Stage): 

Mifumo ya mmeng'enyo wa chakula kwa watoto wachanga bado inakua, haijakomaa bado, hali ambayo inaweza kusababisha kutokuwa na Mfululizo unaoleweka wa Mtoto kujisaidia haja kubwa kila siku.

Sababu za Kiafya:

1. Tatizo la choo kigumu au Constipation:

Hali hii Ni nadra kutokea kwa watoto wachanga lakini inawezekana, haswa kwa watoto wanaolishwa Maziwa ya Kopo.  Vinyesi vinaweza kuwa vigumu, vikavu sana, au hata kuwa vigumu kinyesi kupita pia.

2. Tatizo la Maji ya mwili kupungua(Dehydration): 

Kwa Mtoto mwenye hali hii ya hatari anaweza asipate choo mara kwa mara, pamoja na dalili zingine kama vile kutokukojoa mara kwa mara,mdomo kukauka sana n.k

3. Tatizo la Ulaji(Feeding Issues):

Mtoto Mchanga kukosa choo inaweza kuwa kutokana na kutonyonyeshwa akashiba vizuri au kutokula vizuri akashiba.

Hivo basi,endapo Mtoto wako hali akashiba mbali na kukosa virutubisho vingine muhimu mwilini,anaweza kupata tatizo la kukosa choo pia.

4. Tatizo la Mzio au Milk Allergy/Intolerance: 

Mzio wa protini ya maziwa ya ng'ombe,maziwa ya kopo au kupitia maziwa ya mama unaweza kusababisha matatizo ya usagaji chakula, ikiwa ni pamoja na tatizo hili la Mtoto mchanga kukosa Choo.

5. Tatizo la kuziba njia ya haja kubwa-Blocked Anus (Imperforated Anus): 

Wakati mwingine mtoto hukosa choo kwa Sababu njia ya haja kubwa imeziba. Hali hii ni nadra kutokea lakini ni hatari, na huweza kutokea ikiwa njia ya haja kubwa haijaundwa vizuri wakati wa Ukuaji wa Mtoto tumboni.

Hakikisha Unatafuta Msaada wa Kitaalam ikiwa;

- Mtoto wako kakosa Choo Zaidi ya Siku 7 na anaonekana hayupo sawa

- Mtoto anaonyesha dalili za tumbo kuuma

- Mtoto anatapika,hasa matapishi ya kijani au Njano

- Mtoto anajisaidia Damu au kinyesi kilichochanganyika na Damu. n.k.

NJIA GANI ITAMSAIDIA MTOTO KUPATA CHOO

- Zipo njia mbali mbali ambazo hutumika kutatua tatizo hili kulingana na Umri wa mtoto, Mfano;

Kwa watoto ambao tayari wanakula vyakula vingine tofauti na maziwa ya mama pekee, hushauriwa ;

• kula matunda ambayo yana nyuzi nyuzi kama maembe,machungwa na matunda yenye kiwango kikubwa cha maji kama matikiti maji,

• Watoto kunywa kiwango kikubwa cha maji kwa siku

• Watoto kuepuka kubana kinyesi kila mara wanapohisi haja kubwa

• Lakini pia kuna njia ya kumassage tumbo la mtoto, hali ambayo itamsaidia mtoto kujisaidia kwa haraka zaidi.

Kama Mtoto hapatu choo Kabsa unaweza kuonana na wataalam wa afya hasa wa mambo ya Watoto kwa ajili ya Msaada zaidi.

#SOMA PIA; Kuhusu tatizo la Mtoto kutokupata Choo

KWA USHAURI ZAIDI,ELIMU AU TIBA TUWASILIANE KWA NAMBA +255758286584.