Uhispania yashuhudia mafuriko yalioua watu wasiopungua 95

Manusura wa maafa makubwa zaidi ya asili kuwahi kuikumba Uhispania karne hii waliamka na kuona hali ya uharibifu siku ya Alhamisi baada ya vijiji kuangamizwa na mafuriko makubwa yaliyogharimu maisha ya watu 95.

Idadi ya waliofariki huenda ikaongezeka huku juhudi za kuwatafuta zikiendelea huku idadi isiyojulikana ya watu wakiwa bado hawajapatikana.

Matokeo yalionekana sawa na uharibifu ulioachwa na tufani kali au tsunami.

Magari yaliyoharibika, matawi ya miti, nyaya za umeme na vifaa vya nyumbani vyote vikiwa vimezama kwenye tabaka la matope lililofunika mitaa ya Utiel, mojawapo tu ya miji kadhaa katika eneo lililoathiriwa sana la Valencia, ambapo watu 92 walikufa kati ya Jumanne na Jumatano asubuhi.

Kuta za maji yanayotiririka ziligeuza barabara nyembamba kuwa mitego ya vifo na kuzaa mito ambayo ilipasua sakafu ya nyumba na kufagia magari, watu na kitu kingine chochote kwenye njia yake.

“Mtaa umeharibiwa, magari yote yapo juu ya jingine, yamevunjwa kihalisi,” Christian Viena, mmiliki wa baa katika kijiji cha Valencia cha Barrio de la Torre.

Mamlaka za mkoa zilisema Jumatano marehemu ilionekana hakuna mtu aliyebaki kwenye paa za paa au kwenye gari anayehitaji uokoaji baada ya helikopta kuokoa watu 70.

Lakini wafanyakazi wa ardhini na wananchi waliendelea kukagua magari na nyumba zilizoharibiwa na maji.

Mvua kubwa kunyesha nchini,Tahadhari yatolewa na TMA

TMA imedai kuwa maeneo machache yanatarajiwa kupokea mvua nyingi kwanzia kesho. Kulingana na taarifa tulizozipata, mikoa ya ukanda wa ziwa Victoria na Magharibi inatarajiwa kupokea mvua nyingi na ngurumo za radi wikendi.

Utabiri wa hali ya hewa nchini Tanzania kwa saa 24 zijazo: Mikoa ya Katavi, Kigoma, Kagera, Geita, Mwanza, Shinyangu, Mara na Simiyu hali ya mawingu kiasi, mvua na ngurumo zinatarajiwa katika maeneo machache na vipindi vya jua wakati wa asubuhi hadi wakati wa mchana.

Vile vile visiwa vya Unguja na Pemba, mkoa ya Daresalaam na Tanga, Mikoa ya pwani, kulingana na habari tulizozipata mvua nyepesi wakati wa jioni na usiku zinatarajiwa. Pia vipindi vya jua vinatarajiwa wakati wa mchana. Wakazi wahimizwa kujiandaa ipasavyo.

Kanda ya ziwa Victoria, mikoa ya Kagera, Geita, Shinyangu, Mwanza, Shinyangu. Vipindi vya mvua vitavyoambatana na ngurumo za radi katika baadhi ya maeneo vinatarajiwa kwanzia kesho.

Nyanda za juu Kaskazini-mashariki, Mikoa ya Arusha, Manyara na Kilimanjaro inatarajiwa kupokea kupokea vipindi vya jua wakati wa asubuhi hadi wakati wa mchana. Mvua nyepesi nyepesi ngurumo za radi zinatarajiwa kuendelea maeneo mengi ya ukanda huu.

Mafuriko Sudan Kusini yasababisha Zaidi ya watu 241,000 kutoroka makazi yao

Watu 893,000 wameathiriwa na mafuriko nchini Sudani Kusini na zaidi ya watu 241,000 wameyakimbia makazi yao, kulingana na Ofisi ya Umoja wa Mataifa ya Masuala ya Kibinadamu (OCHA).

"Mafuriko yanaendelea kuathiri na kuwahamisha watu kote nchini," OCHA aimesema. "Mvua kubwa na mafuriko yamefanya barabara kuu 15 kutopitika, na kuzuia ufikiaji" kwa wakaazi.

Kulingana na OCHA, takriban watu 893,000 wameathiriwa na mafuriko katika kaunti 42 na katika eneo la kiutawala la Abyei, eneo linalozozaniwa na Sudani na Sudani Kusini. Zaidi ya 40% ya walioathiriwa wanaishi katika majimbo ya Unity na Warrap kaskazini.

Zaidi ya watu 241,000 waliokimbia makazi yao "ili kupata makazi juu kwenye milima" wanatoka kaunti 16 na eneo la Abyei, OCHA imesema. Sudani Kusini inakabiliwa na mafuriko mabaya zaidi kuwahi kutokea katika miongo kadhaa, kulingana na mashirika ya kibinadamu.

Benki ya Dunia ilibaini mnamo Oktoba 1 kwamba mafuriko yanazidisha "hali ambayo tayari ni mbaya ya kibinadamu, inayokumbwa na uhaba mkubwa wa chakula, kuzorota kwa uchumi, migogoro inayoendelea, magonjwa ya milipuko, na athari za mzozo nchini Sudani."

Vita vya Sudani vimesababisha zaidi ya watu 797,000 kuondoka Sudani Kusini, asilimia 80 kati yao wakiwa ni raia wa Sudani Kusini.

Makubaliano ya amani mwaka 2018 yalimaliza miaka mitano ya vita vya wenyewe kwa wenyewe nchini Sudani Kusini, lakini nchi hiyo, iliyojitawala tangu mwaka 2011, inakabiliwa na hali mbaya ya kibinadamu na ukosefu wa rasilimali. Serikali imepoteza chanzo chake kikuu cha mapato baada ya bomba la mafuta kuharibiwa na mapigano katika nchi jirani ya Sudani.

Idadi ya vifo,mafuriko nchini Myanmar yaongezeka

Idadi ya vifo kutokana na mafuriko makubwa nchini Myanmar kufuatia kimbunga Yagi imeongezeka maradufu hadi kufikia 226. Taarifa hii imeripotiwa na chombo cha habari cha serikali ya Myanmar.

Kimbunga Yagi kilipiga maeneo ya kaskazini mwa Vietnam, Laos, Thailand na Myanmar zaidi ya wiki moja iliyopita huku kikiandamana na upepo mkali na mvua kubwa na kusababisha mafuriko na maporomoko ya tope ambayo yamesababisha vifo zaidi ya 500 kwa mujibu wa takwimu rasmi.

 Wakala wa kushughulikia majanga wa Afisi ya Umoja wa Mataifa ya utatibu wa misaada ya kibinadamu UNOCHA, umesema watu wanaokadiriwa kufikia 631,000 wameathiriwa na mafuriko kote nchini Myanmar.

UNOCHA imesema chakula, maji ya kunywa na nguo vinahitajika kwa dharura na imetahadharisha kwamba barabara zilizofungwa na madaraja yaliyohabiriwa yanakwamisha kwa kiwango kikubwa juhudi za utoaji wa misaada. 

Kimbunga Yagi chawasili Vietnam baada ya kuipiga China

Kimbunga Yagi ambacho ndiyo kikubwa zaidi kurikodiwa kwa mwaka huu barani Asia, kimewasili kaskazini mwa Vietnam leo baada ya kulipiga eneo la kusini mwa China jana na kusababisha maafa ikiwamo vifo vya watu wawili.

Kimbunga hicho kilianzia nchini Ufilipino mapema wiki hii na kusababisha vifo vya watu 16 na hapo jana kiliwasili kwenye kisiwa cha China cha Hainan, na dhoruba yake iling´oa miti na kuharibu miundombinu ya nishati na barabara.

Mamlaka za Vietnam zimesema kilipowasili mapema leo asubuhi kwenye mji wa pwani wa Haiphong kilikuwa kinasafiri kwa kasi ya kilometa 160 kwa saa.

Sehemu ya mji huo ulio na idadi kubwa ya viwanda imeshuhudia uharibifu kidogo kwenye majengo na huduma ya umeme pia imetatizika.

Mafuriko nchini Sudan Kusini yameathiri zaidi ya watu 710,000

Shirika la misaada ya kibinadamu la Umoja wa Mataifa (OCHA) limesema kuwa, mafuriko yanayoendelea Sudan Kusini yameshaathiri zaidi ya watu 710,000 katika kaunti 30 kati ya 78 za nchi hiyo.

Ofisi ya Umoja wa Mataifa ya Kuratibu Masuala ya Kibinadamu (OCHA) imesema kuwa, mafuriko yaliyosababishwa na mvua kubwa iliyoanza mwezi Mei yamezidisha hali mbaya ya kibinadamu ambayo tangu zamani ni mbaya hasa katika masuala ya uhaba mkubwa wa chakula, kuzorota uchumi, kuendelea migogoro, miripuko ya magonjwa na athari za vita baina ya majenerali wa kijeshi katika nchi jirani ya Sudan.

Tarehe 29 mwezi uliopita wa Agosti, shirika hilo la Umoja wa Mataifa lilikadiria kuwa katika kilele cha msimu wa mvua yaani kati ya Septemba na Oktoba, mafuriko yanaweza kuathiri hadi watu milioni 3.3 katika maeneo yote ya Sudan Kusini, ikiwa ni pamoja na jamii ambazo ndio kwanza zinapata nafuu kutokana na mafuriko makubwa ya 2019-2022, ambayo yalipelekea watu wasiopungua milioni moja kupoteza makazi yao.

Taarifa ya OCHA imeongeza kuwa, mashauriano ya ngazi ya juu yaliyofanyika Juba siku za Jumatatu na Jumanne yalizingatia jinsi Sudan Kusini ilivyojiandaa kukabiliana na mafuriko kupitia mpango uliopangwa kabla ya kukabiliana na mafuriko. Shirika hilo la Umoja wa Mataifa limetoa mwito wa kuchukuliwa hatua makini za kushughulikia maafa yanayozidi kuongezeka.

TMA yafafanua Mvua zinazoendelea kunyesha nchini.

Mamlaka ya Hali ya Hewa Tanzania (TMA) imesema, mvua zinazoendelea kunyesha kwenye maeneo mengi nchini Tanzania hivi sasa ni za nje ya msimu ambazo zinasababishwa na upepo unaotoka baharini.

Imesema, mvua za msimu wa vuli bado hazijaanza na zitaanza mwanzoni mwa Oktoba hadi Desemba huku zikitarajiwa kuwa za wastani na chini ya wastani nchini.

Akizungumza na Mwananchi Digital leo Alhamisi Septemba 5, 2024,  Meneja Utabiri wa TMA, Dk Mafuru Kantamla amesema, mvua zinazonyesha kwa sasa ni za nje ya msimu ambazo zinapita.

"Zinasababishwa na upepo unaotoka Mashariki ambao tunao mpaka sasa unaotoka baharini kuja kwenye maeneo yetu.

"Upepo huo unachukua unyevunyevu ambao upo baharini hivyo kusababisha hizi mvua zinazoendelea ambazo hazimaanishi msimu umeanza," amesema.

Amesema, msimu wa vuli utaanza mwanzoni mwa Oktoba ingawa amebainisha utakuwa na mvua za kusuasua na za mtawanyiko usioridhishia kutokana na uwepo wa hali ya La-Nina katika eneo la kati la Kitropiki la Bahari ya Pasifiki.

#mwananchiupdates

Tishio jipya la homa ya dengue, kisa Ongezeko la mbu Aedes hasa Mijini

Wanasayansi wamesema kuna tishio jipya la homa ya dengue, kutokana na kuongezeka kwa uzalianaji wa mbu aina ya ‘Aedes’ kutokana na mabadiliko ya tabianchi, katika maeneo mbalimbali, hasa ya mijini.

Magonjwa yanayoambukizwa na mbu katika maeneo mbalimbali, hasa ya maeneo ya mijini, yametajwa kuongezeka katika ukanda wa Afrika.

Hali hiyo imewafanya wanasayansi kutoa wito wa dharura kwa watafiti kuja na majibu ya kutosha, ili kukabiliana na tishio hilo linalosababishwa na mabadiliko ya tabianchi.

Magonjwa hayo ni dengue, Zika, chikungunya na homa ya manjano yanayoambukizwa na mbu anayejulikana kwa jina la ‘Aedes’.

Kutokana na tishio hilo, jumla ya Sh4.1 bilioni zimetolewa na Umoja wa Ulaya kwa taasisi 25 nchini, ili zianze kufanya tafiti kuhusu mbu huyo na kuwajengea uwezo wataalamu kuhusu mbinu za kumkabili.

Wamesema wakati idadi ya wagonjwa wa malaria ikipungua, watu wanaougua homa ya dengue wanazidi kuongezeka na tayari zaidi ya asilimia 17 ya nchi za Afrika zimeathiriwa na ugonjwa huo.

Kwa mujibu wa Shirika la Afya Duniani (WHO), Afrika ni miongoni mwa kanda nne zinazoongoza kwa kuathiriwa na dengue, ikiwa na wagonjwa 171,991 na vifo 753 mwaka 2023.

Shirika hilo limesema pia watu bilioni 3.9 waishio mijini katika nchi 129, wapo hatarini kuugua homa ya dengue.

Hayo yamesemwa Agosti 26, 2024 na Dk Raman Velayudhan, mkuu wa kitengo cha afya ya umma ya mifugo, udhibiti wa vekta na mazingira katika Mpango wa kimataifa wa magonjwa ya kitropiki yaliyosahaulika wa WHO, wakati wa ufunguzi wa kongamano la kimataifa kuhusu maendeleo ya ufuatiliaji na udhibiti wa magonjwa yanayoenezwa na Aedes.

Amesema ni vyema kufanyia kazi njia bora za kukabiliana na magonjwa hayo, ili kuepuka madhara ya kiafya na gharama zinazotokana na wimbi la pili la magonjwa hayo.

“Huu ni mkutano mkubwa kwa wanasayansi wa Kiafrika unaolenga kuzingatia zaidi juhudi za kupambana na magonjwa ya mijini ikiwemo dengue, ambao utaongezeka kutokana na mabadiliko ya hali ya hewa.

“Kwa kweli tunatakiwa kufanya kazi zaidi na kuhakikisha tunapunguza vifo vya watu wa mijini kwa ugonjwa wa dengue, tofauti na malaria,” amesema Dk Velayudhan.

“Kwa kawaida homa ya dengue ina awamu tatu katika maisha ya binadamu. Awamu ya pili ni hatari zaidi ukilinganisha na ya kwanza na ya tatu, kwa sababu inaathiri idadi kubwa ya watu wenye matatizo zaidi ya kiafya, tusisubiri itokee,” amesema Dk Velayudhan.

Amesema juhudi za kuipunguza dengue hadi kufikia sifuri zinahitajika kwa kuhusisha jamii, ili kujilinda na kuhakikisha watoto wa shule wanatumia na kupaka dawa ya kuua mbu kabla ya kwenda shuleni.

Akitoa mada kuhusu hali ya kimataifa ya homa ya dengue na mpango wa kimataifa wa ‘arbovirus’, Dk Velayudhan amesema inaonyesha kuanzia Januari hadi Julai mwaka huu, kulikuwa na nchi 109 zilizothibitika kuwa na maambukizi ya dengue.

Amesema tathmini hiyo inaendelea na huenda maambukizi yakatokea katika nchi nyingine ambazo bado hazijanaswa na mifumo rasmi ya ufuatiliaji.

“Jumla ya wagonjwa 148,871 na vifo 105 viliripotiwa na WHO kutoka nchi 20 hadi kufikia Julai 2024. Idadi kubwa zimerekodiwa nchini Malaysia, ikiwa na waathirika 83, 131,” amesema Dk Velayudhan.

Mkurugenzi Mtendaji wa Taasisi ya Afya ya Ifakara (IHI), Dk Honorati Masanja amesema tayari wameandaa kikao kwa ajili ya kukabiliana na tatizo hilo na kuwa changamoto hiyo si Tanzania pekee, bali hata sehemu nyingine za dunia ambako mbu hao hawafuatiliwi, ili kuendeleza uelewa wa kisayansi.

Katika siku tatu zijazo, tutashiriki ujuzi, kuchunguza zana na teknolojia za kisasa na kuunda ushirikiano mpya ili kuimarisha jitihada zetu dhidi ya magonjwa yatokanayo na Aedes,” amesema Dk Masanja.

Mkurugenzi wa Utafiti katika Taasisi ya Utafiti wa Umma ya Ufaransa (IRD), Profesa Vincent Corbel amesema mkutano huo utakuza zana mpya na za ubunifu zitakazosaidia kuboresha ufuatiliaji wa kudhibiti mbu na kuimarisha ushirikiano kati ya nchi na nchi.

NEW:Tetemeko la ardhi lazua taharuki Moshi

Tetemeko la ardhi lenye ukubwa wa ‘Ritcher’ 4.6 lililopita usiku wa Julai 16, 2024, likitokea Nairobi, Kenya na kuzua taharuki kwa wakazi wa Wilaya ya Moshi, mkoani Kilimanjaro, halijasababisha madhara.

Moshi. Tetemeko la ardhi lenye ukubwa wa ‘Ritcher’ 4.6 lililopita usiku wa Julai 16, 2024, likitokea Nairobi, Kenya na kuzua taharuki kwa wakazi wa Wilaya ya Moshi, mkoani Kilimanjaro.

Hata hivyo inaelezwa kuwa mbali ya kuzua taharuki, tetemeko hilo halijasababisha madhara.

Kwa mujibu wa Mjiolojia Mwandamizi kutoka Taasisi ya Jiolojia na Utafiti wa Madini Tanzania, Gabriel Mbogoni, tetemeko hilo lilitokea saa 2:32 usiku jana likitokea nchi jirani ya Kenya.

Akizungumzia kutokea kwa tetemeko hilo, Mkuu wa Wilaya ya Moshi, Zephania Sumaye amesema hakuna madhara yaliyoripotiwa kuhusiana na tetemeko hilo.

“Mpaka sasa hakuna madhara yoyote ambayo yameripotiwa kuhusiana na tetemeko hilo la ardhi,” amesema Sumaye.

Wakizungumzia taharuki ya tetemeko hilo leo Jumatano Julai 17, 2024, baadhi ya wananchi wa Moshi wamesema walipata mshituko baada ya kuona viti walivyokuwa wamekalia vikisogea.

Jenrose Makashi, mmoja wa wakazi wa Kata ya Msaranga, wilayani Moshi, amesema alishangaa kuona mtikisiko mkubwa umepita kwenye nyumba yao huku baadhi ya vitu kama meza na viti vikisogea.

“Jana jioni tulikuwa tumekaa, tunakula chakula cha jioni nyumbani, tulishangaa ghafla kuona mtetemo mkubwa. Tulifikiri tunanyanyuliwa kwenye viti tulivyokuwa tumekaa. Tulipata mshituko tukafikiri nyumba inaanguka,” amesema Makashi.

Naye Joseph Matei, mmoja wa wananchi wanaoishi Moshi Mjini amesema wakati tetemeko hilo linapita alikuwa amelala akashituka baada ya kusikia kishindo kikubwa kwenye nyumba yao, hali ambayo iliwapa hofu yeye na familia yake.

“Nilikuwa nimelala ghafla nikasikia kama kitanda kinatikiswa, sikujua ni nini. Baadaye nikasikia wenzangu wakisema ilikuwa ni tetemeko la ardhi,” amesema Matei.

Akinukuliwa siku za hivi karibuni, Mjiolojia Mbogoni alisema matetemeko hayo ya ardhi ambayo hujitokeza mara kwa mara maeneo ya Mkoa wa Kilimanjaro huwa yanapita kutokea  maeneo ambayo yako ukanda wa bonde la ufa na kwa kuwa Mkoa wa Kilimanjaro ni miongoni mwa maeneo hayo, ndiyo maana hupita mara kwa mara.

Amesema chanzo chake kinatokana na nguvu za asili ambazo zimejikusanya kwa miaka mingi na  Kilimanjaro iko jirani na mlima wa Oldonyo Lengai ambao huwa unalipuka mara kwa mara.

“Kipande hiki cha ardhi kinajaribu kujigawa kutoka bara la Afrika kuingia baharini, kwa hiyo nguvu ambazo ziligawanya mabara saba duniani, ndiyo yanayoendelea hadi sasa, ndiyo maana Afrika kuna ukanda wa bonde la ufa la Afrika Mashariki ambalo kwa sasa linataka kutenga hiki kipande cha Afrika kiingie baharini,” amesema Mbogoni.

Via:Mwananchi.

 NEW:Tetemeko la ardhi lazua taharuki Moshi

Tetemeko la ardhi lenye ukubwa wa 'Ritcher' 4.6 lililopita usiku wa Julai 16, 2024, likitokea Nairobi, Kenya na kuzua taharuki kwa wakazi wa Wilaya ya Moshi, mkoani Kilimanjaro, halijasababisha madhara.

Moshi. Tetemeko la ardhi lenye ukubwa wa 'Ritcher' 4.6 lililopita usiku wa Julai 16, 2024, likitokea Nairobi, Kenya na kuzua taharuki kwa wakazi wa Wilaya ya Moshi, mkoani Kilimanjaro.

Hata hivyo inaelezwa kuwa mbali ya kuzua taharuki, tetemeko hilo halijasababisha madhara.

Kwa mujibu wa Mjiolojia Mwandamizi kutoka Taasisi ya Jiolojia na Utafiti wa Madini Tanzania, Gabriel Mbogoni, tetemeko hilo lilitokea saa 2:32 usiku jana likitokea nchi jirani ya Kenya.

Akizungumzia kutokea kwa tetemeko hilo, Mkuu wa Wilaya ya Moshi, Zephania Sumaye amesema hakuna madhara yaliyoripotiwa kuhusiana na tetemeko hilo.

"Mpaka sasa hakuna madhara yoyote ambayo yameripotiwa kuhusiana na tetemeko hilo la ardhi," amesema Sumaye.

Wakizungumzia taharuki ya tetemeko hilo leo Jumatano Julai 17, 2024, baadhi ya wananchi wa Moshi wamesema walipata mshituko baada ya kuona viti walivyokuwa wamekalia vikisogea.

Jenrose Makashi, mmoja wa wakazi wa Kata ya Msaranga, wilayani Moshi, amesema alishangaa kuona mtikisiko mkubwa umepita kwenye nyumba yao huku baadhi ya vitu kama meza na viti vikisogea.

"Jana jioni tulikuwa tumekaa, tunakula chakula cha jioni nyumbani, tulishangaa ghafla kuona mtetemo mkubwa. Tulifikiri tunanyanyuliwa kwenye viti tulivyokuwa tumekaa. Tulipata mshituko tukafikiri nyumba inaanguka," amesema Makashi.

Naye Joseph Matei, mmoja wa wananchi wanaoishi Moshi Mjini amesema wakati tetemeko hilo linapita alikuwa amelala akashituka baada ya kusikia kishindo kikubwa kwenye nyumba yao, hali ambayo iliwapa hofu yeye na familia yake.

"Nilikuwa nimelala ghafla nikasikia kama kitanda kinatikiswa, sikujua ni nini. Baadaye nikasikia wenzangu wakisema ilikuwa ni tetemeko la ardhi," amesema Matei.

Akinukuliwa siku za hivi karibuni, Mjiolojia Mbogoni alisema matetemeko hayo ya ardhi ambayo hujitokeza mara kwa mara maeneo ya Mkoa wa Kilimanjaro huwa yanapita kutokea  maeneo ambayo yako ukanda wa bonde la ufa na kwa kuwa Mkoa wa Kilimanjaro ni miongoni mwa maeneo hayo, ndiyo maana hupita mara kwa mara.

Amesema chanzo chake kinatokana na nguvu za asili ambazo zimejikusanya kwa miaka mingi na  Kilimanjaro iko jirani na mlima wa Oldonyo Lengai ambao huwa unalipuka mara kwa mara.

"Kipande hiki cha ardhi kinajaribu kujigawa kutoka bara la Afrika kuingia baharini, kwa hiyo nguvu ambazo ziligawanya mabara saba duniani, ndiyo yanayoendelea hadi sasa, ndiyo maana Afrika kuna ukanda wa bonde la ufa la Afrika Mashariki ambalo kwa sasa linataka kutenga hiki kipande cha Afrika kiingie baharini,” amesema Mbogoni.

Via:Mwananchi.

Takribani Watu 36,000 wahamishwa chanzo mafuriko makubwa China

Watu wapatao 36,000 wamehamishwa na kupelekwa sehemu salama kufuatia mafuriko yaliyosababishwa na mvua kubwa katika mkoa wa kusini mashariki mwa China wa Fujian.

#PICHA:Sehemu za kuchezea watoto iliyozama kwenye bustani baada ya mvua kubwa kunyesha mkoani Guangdong kusini mwa China.Picha: AFP/Getty Images

Shirika la habari la serikali la Xinhua limeripoti jana kuwa sehemu kubwa ya mkoa huo umeharibiwa na mvua kubwa na kuilazimisha mamlaka kutoa agizo la kuhamisha watu.

Watu 179,800 waliathirika na mvua hiyo kufikia Jumamosi jioni huku mafuriko yakiharibu hekta 12,350 za mavuno sawa na hasara ya dola milioni 225.

Mwishoni mwa wiki, mamlaka ya hali ya hewa iliripoti ongezeko la viwango vya maji katika mito 11 hadi mita 3.65 juu ya kiwango cha tahadhari.

Mamlaka nchini humo imetahadharisha kuwa mvua kubwa inatabiriwa kunyesha katika mikoa kadhaa ikiwemo Zheijan, Fujian, Jiangxi, Hunan, Guangdong na Sichuan.

Mafuriko Afrika Mashariki na Pembe ya Afrika yaathiri watu 637,000

IOM na Shirika la Msalaba mwekundu Kenya, kwa mchango wa ukarimu kutoka Japani wanasaidia watu waliohamishwa makazi yao Tana River, Kenya kwa malazi na vifaa muhimu vya nyumbani.

Wiki za mvua kubwa na mafuriko huko Afrika Mashariki na Pembe ya Afrika kumechochea ukimbizi ambapo mamia ya maelfu ya watu wamefurushwa makwao huko Burundi, Kenya, Rwanda, Somalia na Tanzania ambapo Umoja wa Mataifa unasema hadi tarehe 3 mwezi huu wa Mei, jumla ya watu 637,000 wameathiriwa, 234,000 kati yao hao wamelazimika kukimbia makwao.

Shirika la Umoja wa Mataifa la uhamiaji IOM limetoa takwimu hizo likinukuu ofisi ya Umoja wa Mataifa ya kuratibu misaada ya kibinadamu, OCHA, huku ikisema kuwa idadi inazidi kuongezeka kila uchao.

IOM kupitia taarifa yake iliyotolewa leo Geneva, Uswisi na Nairobi, Kenya inasema mvua hizo za masika zimesababisha mafuriko makubwa, maporomoko ya udongo na kuharibu miundombinu muihmu kama vile barabara, madaraja na mabwawa ya maji.

IOM na Shirika la Msalaba mwekundu Kenya, kwa mchango wa ukarimu kutoka Japani wanasaidia watu waliohamishwa makazi yao Tana River, Kenya kwa malazi na vifaa muhimu vya nyumbani.

Mkurugenzi wa IOM Kanda ya Afrika MAshariki na Pembe ya Afrika Rana Jaber anasema mafuriko hayo ya kipekee na yaliyosababisha uharibifu yameibua ukweli mchungu wa mabadiliko ya tabianchi, kwa kusababisha vifo na kufurusha watu makwao, watu ambao sasa wanakabiliwa na kazi kubwa ya kujijenga upya huku hali zao zikizidi kuwa taabani.

Ni kwa mantiki hiyo anaesema katika nyakati hizi muhimu, wito wa IOM unasalia kuchukuliwa kwa hatua endelevu na za dharura za kutatua ukimbizi wa binadamu unaochochewa na mabadiliko ya tabianchi.

Pamoja na kushirikiana na serikali na wadau kusambaza misaada ya hali na mali ya kuokoa maisha ikiwemo fedha taslimu kwa walioathiriwa huko Burundi, Kenya, Somalia, Ethiopia na Tanzania, IOM inasema mjadala ujao huko Ujerumani kuhusu Mkataba wa Kimataifa wa Mabadiliko ya tabianchi, UNFCCC ni dhahiri shairi kuwa mazungumzo kuhusu tabianchi lazima yazingatie ukimbizi utokanao na janga hilo.

Afrika inaathiriwa zaidi na mabadiliko ya tabianchi licha ya kuchangia asilimia 4 pekee ya hewa chafuzi duniani.

KIMBUNGA HIDAYA KINASOGEA HUKU KIKIPUNGUA NGUVU – TMA

Mamlaka ya Hali ya Hewa Tanzania (TMA) imetoa taarifa ya mwenendo wa kimbunga “HIDAYA” kilichopo karibu na maeneo ya Pwani ya nchi ambapo hadi kufikia saa 9 usiku wa kuamkia leo, Kimbunga “HIDAYA” kilikuwa katika eneo la bahari takribani kilomita 125 kutoka Pwani ya Kilwa (Mkoa wa Lindi), kilomita 93 kutoka pwani ya Mafia na kilomita 128 kutoka pwani ya Dar es Salaam kikiwa na mgandamizo wa hewa wa kiasi cha 985 hPa na kasi ya upepo unaofika kilomita 120 kwa saa.

Taarifa ya TMA imeeleza kuwa tangu usiku wa kuamkia leo, matukio ya upepo mkali na mvua kubwa zinazosababishwa na uwepo wa kimbunga “HIDAYA” yameendelea kujitokeza ambapo hadi kufika saa 3 asubuhi, kituo cha hali ya hewa cha Kilwa Masoko (Lindi) kimeripoti mvua ya jumla ya kiasi cha milimita 111.3 kwa kipindi cha masaa 6 yaliyopita.

Hata hivyo Kiwango hicho cha mvua ni kikubwa sana ukizingatia kuwa wastani wa mvua kwa mwezi Mei kwa kituo cha Kilwa Masoko ni milimita 96.6 tu.

TMA imesema kiasi cha mvua kilichonyesha ndani ya saa 24 katika kituo cha Kilwa Masoko ni takribani asilimia 115 ya wastani wa mvua kwa mwezi Mei kwa kituo cha Kilwa Masoko.

Viwango vya mvua vilivyopimwa katika vituo vingine katika kipindi hicho ni milimita 90.7 kwa Mtwara na milimita 85.3 katika kituo cha hali ya hewa Naliendele (Mtwara).

Kiwango cha mvua cha milimita 90.7 kilichonyesha Mtwara ndani ya saa 24 ni takribani asilimia 168 ya wastani wa mvua kwa mwezi Mei kwa Mtwara (milimita 54), vipindi vya mvua kubwa bado vinaendelea katika maeneo hayo ya ukanda wa Pwani ya Kusini.

Hata hivyo TMA imebainisha kuwa katika vituo vya hali ya hewa vya Mtwara, Kilwa, Zanzibar, Tanga na Dar es Salaam, upepo mkali unaozidi kilomita 50 kwa saa umeweza kupimwa katika nyakati tofauti kuanzia usiku wa kuamkia leo hadi asubuhi hii.

Aidha, kimbunga “HIDAYA” kinatarajiwa kuendelea kusogea karibu zaidi na ukanda wa pwani ya nchi yetu huku kikipungua nguvu taratibu kuelekea usiku wa kuamkia Jumapili tarehe 05 Mei 2024.

Via:ITV

Kimbunga Hidaya na kinachoendelea kwa sasa

Pwani ya Afrika Mashariki hususan Tanzania inatazamiwa kukumbwa na Kimbunga Hidaya ambacho kitasababisha mvua kubwa.

Mapema wiki hii Mamlaka ya hali ya Hewa Tanzania (TMA) ilitangaza kuwepo kwa mgandamizo mdogo wa hewa ambao ulitarajiwa kutawala na kusababisha mvua kubwa na upepo mkali katika mikoa mitano nchini ikiwa ni pamoja na Mtwara, Dar es Salaam, Lindi, maeneo ya Tanga, Morogoro, visiwa vya Pemba na Unguja pamoja na maeneo jirani.

Kimbunga Hidaya kilianza kujitengeza siku ya Jumatano kusini mwa Bahari ya Hindi kuelekea mashariki mwa Tanzania na kaskazini-mashariki mwa visiwa vya Komoro.

Kwa mujibu wa TMA, kufikia sasa mienendo ya mifumo ya hali ya hewa baharini bado inaonesha uwezekano mkubwa wa Kimbunga Hidaya kuendelea kusogea karibu na pwani ya Tanzania na kuendelea kuwepo hadi Jumatatu, Mei 6 2024.

Kulingana na mamlaka hiyo, kimbunga hicho kinaendelea kuimarika na kwamba hadi kufikia usiku wa kuamkia leo kasi yake ilikuwa imeimarika na kufikia kilomita 110 kwa saa.

Taarifa ya mamlaka hiyo aidha ilisema kwamba kimbunga hicho kitaendelea kuimarika na kuwa kikubwa zaidi katika saa 24 zijazo.

Tahadhari zilizotolewa na TMA?

Serikali imewashauri wananchi kuendelea kufuatilia na kuzingatia taarifa za utabiri wa hali ya hewa ili kupata ushauri na mwongozo wa wataalamu katika sekta husika kwa lengo la kujikinga na athari zinazoweza kuibuka.

TMA imesema kwamba ongezeko la mvua na upepo mkali utakaoambatana na mawimbi makubwa baharini vinatarajiwa kusambaa katika maeneo mengi ya ukanda wa pwani kuelekea tarehe 4 hadi 6 mwezi Mei 2024.

Kutokana na hilo, TMA imetoa tahadhari kwa wananchi katika maeneo husika na wote wanaojihusisha na shuguli mbalimbali baharini .

Vilevile Mamlaka hiyo imewataka Watanzania kuendelea kufuatilia na kuzingatia taarifa za utabiri wa hali ya Hewa.

Kenya imesema nini?

Serikali ya Kenya siku ya Alhamisi tarehe 2, Mei ilionya kwamba eneo la Pwani huenda likakumbwa na kimbunga Hidaya ndani ya siku chache zijazo kutokana na mvua kubwa inayoshuhudiwa kwa sasa kote nchini humo.

Onyo hilo lilitolewa baada ya kikao maalum cha Baraza la Mawaziri kilichofanyika Alhamisi kujadili hatua za ziada za kukabiliana na athari mbaya zinazoendelea za mafuriko, maporomoko ya udongo na maporomoko ya ardhi.

Baraza la Mawaziri lilifahamishwa kuhusu utabiri wa hali ya hewa kwa muda wa miezi mitatu ijayo, ambao ulionyesha kuwa mvua za wastani hadi juu ya wastani zitaendelea kunyesha katika maeneo yote ya nchi.

Kimbunga ni nini?

Kulingana na Shirika la Hali ya Hewa Ulimwenguni, kimbunga cha kitropiki – ni dhoruba inayozunguka kwa kasi ambayo huanza juu ya bahari ya kitropiki.

Kimbunga cha Kitropiki katika Bahari ya Hindi kina nguvu zaidi kuliko dhoruba ya kitropiki.

Ilipewa jina la ‘Hidaya’ na Meteo France La Reunion, huku mifano ya utabiri ikiifuatilia magharibi-kaskazini-magharibi kati ya Mei 2-4, 2024.

Kimbunga cha mwisho kuikumba Tanzania ilikuwa mwaka 1952 (wakati huo koloni la Tanganyika) na kilitua mkoani Lindi katika pwani ya kusini ya Tanzania.

Kimbunga cha mwisho kuikumba Zanzibar kilikuwa mwaka 1872 na athari zake zilifika mpaka upande wab ara katika eneo la Bagamoyo, kaskazini mwa Dar Es Salaam.

Ikiwa Kimbunga Hidaya kitatua kwa kasi, itakuwa ni mara ya kwanza katika historia kwa Dar Es Salaam kukumbwa na kimbunga.

Katika miaka ya hivi karibuni, Tanzania pia ilikuwa katika ya kupigwa na vimbunga vingine viwili, mwaka 2019 Kimbunga Kenneth kilitabiriwa kupiga mkoa wa Mtwara lakini hata hivyo kilibadili mwelekeo na kutua nchini Msumbiji.

Mwaka 2021 ilitolewa tahadhari ya Kimbunga Jobo lakini hata hivyo kilipunguza makali na hakikusababisha maafa yeyote makubwa.

Kenya Mafuriko, shughuli za baharini zazuiwa tahadhari ya Kimbunga Hidaya

Wakazi wa kaunti ya Lamu hawataruhusiwa kusafiri baharini kuanzia leo jioni hadi siku ya Jumanne kufuatia tahadhari ya Kimbinga Hidaya.

Wavuvi na abiria wameshauriwa kukatiza safari zao.

Viongozi wa Lamu walikutana kujadili namna ya kuepuka maafa wakati Kimbunga Hidaya kikitarajiwa.

William Samoe, Kamanda wa Polisi eneo la Lamu ametoa wito kwa wakaazi kutii maagizo wanayopewa na kwamba suala hili litachukuliwa kwa uzito mkubwa.

Abiria kwa sasa wametakiwa kuvaa majaketi ya kuokoa maisha na pia kutopakia abiria wengi kupita kiasi kwasababu kwasasa bahari itakuwa inashuhudia mawimbi makali na mvua.

Chanzo: Bbc

TMA: Tahadhari juu ya Upepo mkali kutokea Leo,uwepo wa mgandamizo mdogo wa hewa

Mamlaka ya Hali ya Hewa Tanzania (TMA) imetoa taarifa ya uwepo wa mgandamizo mdogo wa hewa katika Bahari ya Hindi mashariki mwa Pwani ya Mtwara ambapo mifumo ya hali ya hewa iliyopo kwa sasa inaonesha kuwa mgandamizo huo mdogo wa hewa unatarajiwa kuimarika na kufikia hadhi ya kimbunga kamili Leo May 2, 2024.

TMA imesema wakati mgandamizo huo mdogo wa hewa ukiendelea kuimarika, unatarajiwa pia kusogea kuelekea baadhi ya maeneo ya Pwani ya Tanzania kuanzia usiku wa kuamkia siku ya Ijumaa May 3, 2024 na kuendelea kuwepo katika maeneo ya ukanda huo hadi May 6,2024 kisha utapungua nguvu baada ya May 6, 2024.

“Uwepo wa mgandamizo huo mdogo wa hewa unatarajiwa kutawala na kuathiri mifumo ya hali ya hewa hapa Nchini ikiwa ni pamoja na kusababisha vipindi vya mvua kubwa na upepo mkali katika baadhi ya maeneo ya Mikoa ya Mtwara, Lindi, Pwani, Morogoro, Dar es salaam na maeneo ya jirani hivyo Wananchi wanashauriwa kuendelea kufuatilia na kuzingatia taarifa za utabiri kutoka Mamlaka ya Hali ya Hewa Tanzania pamoja na kupata ushauri na miongozo ya Wataalamu katika Sekta husika ili kujikinga na athari zinazoweza kujitokeza.

“Mamlaka ya Hali ya Hewa Tanzania (TMA) inaendelea kufuatilia mwenendo wa mgandamizo huo mdogo wa hewa na athari zake kwa mifumo ya hali ya hewa hapa chini na itaendelea kutoa taarifa mara kwa mara kila inapobidi” – imeeleza taarifa ya TMA

MVUA kubwa kwenye Mikoa 16 Tanzania bara,chukua tahadhari.

Mikoa hiyo ni Dar es Salaam, Tanga, Pwani (ikijumuisha visiwa vya Mafia), Arusha, Manyara, Kilimanjaro, Kagera, Geita, Mwanza, Mara, Shinyanga, Simivu. Kigoma, Tabora, Katavi na Rukwa na visiwa vya Unguja na Pemba.

Mamlaka ya Hali ya Hewa Tanzania (TMA) imesema baadhi ya maeneo katika mikoa 16 ya Tanzania bara na visiwa na Unguja na Pemba zitashuhudia mvua kubwa leo Ijumaa, Aprili 26, 2024.

Mikoa hiyo ni Dar es Salaam, Tanga, Pwani (ikijumuisha visiwa vya Mafia), Arusha, Manyara, Kilimanjaro, Kagera, Geita, Mwanza, Mara, Shinyanga, Simivu, Kigoma, Tabora, Katavi na Rukwa na visiwa vya Unguja na Pemba.

Taarifa hiyo imetolewa leo Aprili 26, 2024 na TMA huku ikiweka angalizo la upepo mkali unaofikia kilomita 40 kwa saa na mawimbi makubwa yanayofikia mita mbili.

Upepo huo ni kwa baadhi ya maeneo ya ukanda wote wa pwani ya  Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara na visiwa vya Unguja na Pemba).

“Athari zinazoweza kujitokeza, baadhi ya makazi kuzungukwa na maji, pamoja na kuathirika kwa baadhi ya shughuli za kiuchumi, uvuvi na usafirishaji baharini,” imeelezwa na TMA.

Kwa siku zilizobaki kuanzia Aprili 27 hadi Aprili 30, TMA imetoa tahadhari ya ya upepo mkali unaozidi kilomita 40 kwa saa na mawimbi makubwa yanayozidi mita mita mbili.

Upepo huo ni kwa baadhi ya maeneo ya ukanda wote wa pwani ya bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba) na ukanda wa ziwa Nyasa (Mikoa ya Songwe, Njombe na Ruvuma).

Aprili 28, 2024, TMA imesema kutakuwa na upepo mkali unaoziDi kilomita 40 kwa saa na mawimbi makubwa yanayozidi mita mbili.

“Tahadhari hiyo ni kwa baadhi ya maeneo ya ukanda wote wa pwani ya bahari ya Hindi (mikon ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba) na ukanda wa ziwa Nyasa (Mikoa ya Songwe, Njombe na Ruvuma,” imeandikwa.

Aprili 29, TMA imesema upepo mkali wa kilomita 40 kwa saa na mawimbi makubwa yanayouzidi mita mbili itakumba baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Aprili 30, Upepo mkali wa kilomita 40 kwa saa na mawimbi makubwa yanayozidi mita mbili pia itashuhudiwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba).

TMA yatoa taarifa ya matarajio ya hali mbaya ya hewa kwa siku tano kuanzia Jumatano Aprili 24, 2024 saa 9.30 mchana.

Mamlaka ya Hali ya Hewa Tanzania (TMA), imetoa taarifa ya matarajio ya hali mbaya ya hewa kwa siku tano kuanzia leo Jumatano Aprili 24, 2024 saa 9.30 mchana.

TMA imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili kwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Alhamisi Aprili 25, 2024

TMA imetoa angalizo la mvua kubwa kwa maeneo machache ya mikoa ya Dar es Salaam, Morogoro, Tanga, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

TMA pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili kwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Ijumaa Aprili 26, 2024

Mamlaka imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia), Arusha, Kagera, Geita, Mwanza, Mara, Shinyanga, Simiyu, Kigoma, Tabora na Katavi, pamoja na visiwa vya Unguja na Pemba.

TMA pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Jumamosi Aprili 27, 2024

Limetolewa angalizo la mvua kubwa kwa maeneo machache ya Mkoa wa Tanga na visiwa vya Unguja na Pemba.

Pia angalizo la upepo mkali unaofikia kilomita 40 kwa saa na mawimbi makubwa yanayofikia mita mbili kwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi Mtwara pamoja na visiwa vya Unguja na Pemba.

Jumapili Aprili 28, 2024

TMA imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wote wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Mamlaka imesema uwezekano wa hali hiyo kutokea ni wastani, sawa na kiwango cha athari zinazoweza kutokea.

TMA imesema athari zinazoweza kujitokeza ni baadhi ya makazi kuzungukwa na maji, pamoja na kuathirika kwa baadhi ya shughuli za kiuchumi, uvuvi na usafirishaji baharini.

TMA imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia) na visiwa vya Unguja na Pemba kuanzia mchana wa leo Aprili 16, 2024.

Mamlaka ya Hali ya Hewa Tanzania (TMA), imetoa taarifa ya matarajio ya hali mbaya ya hewa kwa siku tano kuanzia saa 9:30 mchana wa leo Jumanne Aprili 16, 2024.

TMA imetoa tahadhari ya upepo mkali unaozidi kilomita 40 kwa saa na mawimbi makubwa yanayozidi mita mbili, kwa baadhi ya maeneo ya ukanda wa pwani ya Bahari ya

Hindi.

Maeneo hayo ni ya mikoa ya Dar es Salaam, Tanga, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Mamlaka hiyo imesema uwezekano wa kutokea kwa hali hiyo ni mkubwa na kiwango cha athari zinazoweza kutokea ni wastani.

TMA pia imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia) na visiwa vya Unguja na Pemba.

Mamlaka hiyo imesema uwezekano wa kutokea ni wastani na kiwango cha athari zinazoweza kutokea ni wastani.

Athari zinazoweza kujitokeza kwa mujibu wa TMA ni mafuriko, kuathirika kwa baadhi ya maeneo na shughuli za kiuchumi, uvuvi na usafirishaji baharini, ikiwataka wahusika kuchukua hatua.

Aprili 17, 2024

Mamlaka imetoa angalizo la mvua kubwa kwa maeneo machache ya mikoa ya Dar es Salaam, Morogoro, Tanga, Pwani (ikijumuisha visiwa vya Mafia), Lindi na Mtwara na visiwa vya Unguja na Pemba.

Pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

TMA imesema uwezekano wa kutokea ni wastani na kiwango cha athari zinazoweza kutokea pia ni wastani.

Athari hizo kwa mujibu wa TMA ni baadhi ya makazi kuzungukwa na maji na kuathirika kwa baadhi ya shughuli za kiuchumi, uvuvi

na usafirishaji baharini.

Aprili 18, 2024

TMA imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia) na Lindi pamoja na visiwa vya Unguja na Pemba.

Pia angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Imesema uwezekano wa hali hiyo kutokea ni wastani na kiwango cha athari pia ni cha wastani.

Mamlaka imetoa taarifa hiyo ikitaka kuzingatiwa na wahusika kujiandaa, kwani athari zinazoweza kutokea ni baadhi ya makazi kuzungukwa na maji na kuathirika kwa baadhi ya shughuli za kiuchumi, uvuvi na usafirishaji baharini.

Aprili 19, 2024

TMA imetoa angalizo la mvua kubwa kwa maeneo machache ya mikoa ya Dar es Salaam, Tanga, Pwani (ikijumuisha visiwa vya Mafia) na Lindi pamoja na visiwa vya Unguja na Pemba.

Mbali na hayo, imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Taarifa ya TMA imesema uwezekano wa kutokea hali hiyo ni wastani na kiwango cha athari zinazoweza kutokea pia ni wastani.

Athari hizo kwa mujibu wa TMA ni baadhi ya makazi kuzungukwa na maji, pamoja na kuathirika kwa baadhi ya shughuli za kiuchumi, uvuvi na usafirishaji baharini. Ikitaka angalizo hilo kuzingatiwa.

Aprili 20, 2024

TMA imetoa angalizo la mvua kubwa kwa maeneo machache ya Mkoa wa Tanga na visiwa vya Unguja na Pemba.

Pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

Mamlaka imesema uwezekano wa hali hiyo kutokea ni wastani na kiwango cha athari zinazoweza kutokea ni wastani.

TMA imesema athari zinazoweza kujitokeza ni baadhi ya makazi kuzungukwa na maji, pamoja na kuathirika kwa baadhi ya shughuli za kiuchumi, uvuvi na usafirishaji baharini.

Uwepo wa Mvua Kubwa,TMA yatoa angalizo

Tahadhari ya upepo mkali unaozidi kilomita 40 kwa saa na mawimbi makubwa yanayozidi mita mbili, imetolewa kwa baadhi ya maeneo ya ukanda wa pwani ya Bahari ya Hindi.

Dar es Salaam. Mamlaka ya Hali ya Hewa Tanzania (TMA) imetangaza uwepo wa mvua kubwa kwa siku tano mfululizo katika mikoa kadhaa kuanzia leo Aprili 13, 2024.

Kwa mujibu wa taarifa ya TMA, mvua zitanyesha kuanzia leo hadi Aprili 17, 2024.

Kwa siku ya leo tahadhari ya uwepo wa mvua kubwa imetolewa kwenye maeneo machache ya mikoa ya Dar es Salaam, Tanga, Morogoro, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba.

“Tahadhari ya upepo mkali unaozidi kilomita 40 kwa saa na mawimbi makubwa yanayozidi mita mbili, imetolewa kwa baadhi ya maeneo ya ukanda wa pwani ya Bahari ya Hindi (mikoa ya Dar es Salaam, Tanga, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba,” imeandikwa kwenye taarifa hiyo.

TMA imetoa pia angalizo la uwepo wa athari kubwa, ikitabiriwa kuwapo mafuriko kwa baadhi ya maeneo na kuathiriwa baadhi ya shughuli za kiuchumi, uvuvi na usafirishaji baharini.

Aprili 14, 2024

TMA imetoa tahadhari ya uwepo wa mvua kubwa Dar es Salaam, Tanga, Morogoro, Pwani (ikijumuisha visiwa vya Mafia) pamoja na visiwa vya Unguja na Pemba.

“Tahadhari ya upepo mkali unaozidi kilomita 40 kwa saa na mawimbi makubwa yanayozidi mita mbili, imetolewa kwa baadhi ya maeneo ya ukanda wa pwani ya Bahari ya Hindi (mikoa ya Dar es Salaam, Tanga, Pwani (ikijumuisha visiwa vya Mafia), Lindi na Mtwara pamoja na visiwa vya Unguja na Pemba),” imeeleza TMA.

Aprili 15, 2024

Mvua kubwa inatarajiwa kunyesha katika Mkoa wa Dar es Salaam, Tanga, Morogoro, Pwani (ikijumuisha visiwa vya Mafia) pamoja na visiwa vya Unguja na Pemba.

Aprili 16, 2024

Angalizo la mvua kubwa limetolewa kwa maeneo machache ya mikoa ya Dar es Salaam, Tanga, Morogoro, Pwani (ikijumuisha visiwa vya Mafia) pamoja na visiwa vya Unguja na Pemba.

Taarifa imeeleza pia uwepo wa upepo mkali unaofikia kilomita 40 kwa saa na mawimbi makubwa yanayofikia mita mbili kwa baadhi ya maeneo ya ukanda wa pwani ya Bahari ya Hindi (mikoa ya Tanga, Dar es Salaam, Pwani (ikijumuisha visiwa vya Mafia), Lindi na Mtwara (pamoja na visiwa vya Unguja na Pemba).

Aprili 17, 2024

Mikoa ya Dar es Salaam, Tanga, Morogoro, Pwani (ikijumuisha visiwa vya Mafia), Lindi na Mtwara (pamoja na visiwa vya Unguja na Pemba) inatarajiwa kuwa na mvua kubwa.

TMA pia imetoa angalizo la upepo mkali unaofikia kilomita 40 kwa saa na mawimbi makubwa yanayofikia mita mbili, kwa baadhi ya maeneo ya ukanda wa pwani ya Bahari ya Hindi mikoa ya Tanga, Dar es Salaam na Pwani (ikijumuisha visiwa vya Mafia), Lindi na Mtwara (pamoja na visiwa vya Unguja na Pemba).