Afyaclass

Showing posts with label Mpox. Show all posts

Rasmi DRC imeanza kutoa chanjo ya Mpox

Jamhuri ya Kidemokrasia ya Congo (DRC) leo imeanza chanjo ya mpox, na kuongeza hatua muhimu ya kukamilisha juhudi zinazoendelea za kudhibiti mlipuko,kuzuia kuenea kwa ugonjwa wa virusi vya homa ya nyani (mpox) na kuokoa maisha.

Chanjo hiyo, iliyozinduliwa katika mkoa wa Kivu Kaskazini mashariki, itawapa kipaumbele wafanyakazi wa afya na watoa huduma wa mstari wa mbele, watu waliokutana na watu waliothibitishwa kuwa na maambuki, watu wengine waliokutana na watu hao waliokutana na wagonjwa, na vikundi vingine vilivyo hatarini. Baadaye chanjo hiyo itatolewa katika maeneo 11 ya afya yaliyoathirika zaidi katika majimbo ya Equateur, Kivu Kaskazini, Sankuru, Kivu Kusini, Sud-Ubangi na Tshopo.

Jamhuri ya Kidemokrasia ya Congo imepokea dozi 265,000 za chanjo ya MVA-BN iliyotolewa na Mamlaka ya Kamisheni ya Ulaya ya Maandalizi ya Dharura na Kukabiliana na Afya, Muungano wa chanjo Gavi, na Serikali ya Marekani.

"Tunapokusanya jitihada za kukomesha mlipuko wa mpox, utolewaji wa chanjo hiyo unaashiria hatua muhimu katika kupunguza kuenea kwa virusi hivyo na kuhakikisha usalama wa familia na jamii," anasema Dkt Matshidiso Moeti, Mkurugenzi wa WHO Kanda ya Afrika. "Chanjo ni zana muhimu ya ziada katika kudhibiti milipuko na tunashukuru kwa washirika wetu ambao wametoa dozi. Tunafanya kazi kwa karibu na mamlaka ya kitaifa ili kutoa chanjo kwa wale wanaohitaji zaidi.

Mkakati

WHO inapendekeza kwamba chanjo itekelezwe kama sehemu ya jibu la kina linalojumuisha ufuatiliaji ulioimarishwa, ushirikishwaji wa jamii, ufuatiliaji wa watu walio karibu nao, hatua za afya ya umma na kijamii, na usimamizi unaofaa wa maambukizi. WHO na wadau wake wanafanya kazi kwa karibu na mamlaka ya kitaifa ili kuongeza na kuimarisha hatua zote muhimu za udhibiti ili kuokoa maisha na kukomesha kuzuka.

DRC imeripoti zaidi ya watu 30,000 wanaoshukiwa na kuthibitishwa kimaabara, na vifo 990 tangu kuanza kwa 2024 - ikiwa ni asilimia 90 ya maambukizi yaliyoripotiwa kutoka nchi 15 za kanda ya Afrika hadi sasa mwaka huu.

Watoto chini ya miaka mitano waathiriwa Zaidi na Mpox nchini Burundi.

Vijana wameathiriwa zaidi na milipuko ya Mpox barani Afrika, huku watoto chini ya miaka mitano wakichangia karibu theluthi moja ya visa hivyo nchini Burundi, shirika la Umoja wa Mataifa la kuhudumia watoto lilisema Ijumaa.

Burundi ni nchi ya pili barani humo kukumbwa na matatizo baada ya Jamhuri ya Kidemokrasia ya Kongo.

“Watoto nchini Burundi wanabeba mzigo mkubwa wa mlipuko wa mpox, na viwango vya kutisha vya maambukizo na athari mbaya za kiafya,” Paul Ngwakum, Mshauri wa Afya wa UNICEF Kanda ya Mashariki na Kusini mwa Afrika alisema.

Ngwakum alisema theluthi mbili ya kesi nchini Burundi zilihusu watu wenye umri wa miaka 19 na chini.

“Kinachotia wasi wasi ni kuongezeka kwa ugonjwa wa mpox miongoni mwa watoto walio chini ya umri wa miaka mitano, ikiwa ni asilimia 30 ya kesi zilizoripotiwa,” aliwaambia waandishi wa habari mjini Geneva, akizungumza kupitia kiunga cha video kutoka Bujumbura.

Mpoksi, ambayo awali ilijulikana kama monkeypox, husababishwa na virusi vinavyopitishwa kwa wanadamu na wanyama walioambukizwa lakini pia inaweza kupitishwa kutoka kwa binadamu hadi kwa binadamu kwa kuwasiliana karibu kimwili.

Husababisha homa, maumivu ya misuli na vidonda vikubwa vya ngozi kama majipu, na wakati mwingine inaweza kuwa mbaya.

Ugonjwa Wa Homa ya Nyani,chanzo,dalili Na Tiba yake

Ugonjwa wa homa ya nyani au Mpox ni ugonjwa ambalo unasababishwa na virusi, Ugonjwa huu unasababishwa na virusi ambao hujulikana kwa jina la Mpox ambapo hapo awali vilijulikana kama MonkeyPox. Mpox Virus wapo kwenye kundi la Orthopoxvirus genus ndani ya familia ya Poxviridae.
Ugonjwa wa homa ya nyani kwa binadamu(Human Mpox),Mara ya kwanza kabsa uliripotiwa Mwaka 1970 nchini DRC(Democratic Republic of the Congo) kwa kijana mmoja wa Miaka 9 aliyekuwepo kwenye eneo ambalo ugonjwa wa Smallpox ulishaondolewa tangu mwaka 1968. Ndipo visa vingine vikaanza kuripotiwa na maeneo mengine, (Disease history Source:WHO)
Dalili za Ugonjwa wa Homa ya Nyani
DALILI ZA UGONJWA HUU WA Homa ya Nyani NI PAMOJA NA;
– Mtu kuwa na homa pamoja na mwili kutetemeka
– Kupata maumivu makali ya kichwa
– Mwili kuchoka kupita kawaida
– Mwili kukosa nguvu na kuwa dhaifu sana
– Lymph nodes kuanza kuvimba ambapo kwa lugha nyingine hujulikana kama lymphadenopathy
– Kupata maumivu ya viungo,joints pamoja na misuli ya mwili
– Kupata maumivu ya mgongo(back ache)
– Kutokewa na UPELE kwenye maeneo mbali mbali ya mwili wako kama vile; Usoni, kwenye mikono pamoja na viganja vya mikono,
miguuni,machoni,,mdomoni,sehemu za siri n.k
Upele huu unaweza kuwasha sana, na hata baadae huweza kutumbuka kabsa,
Mwili huweza kubaki na makovu au alama alama.
UGONJWA HUU WA HOMA YA NYANI(MPOX) husambaa kutokana na ukaribu(Close contact) kwa mtu,wanyama au vitu ambavyo tayari vina virusi hawa wa Mpox.
Unaweza kuupata kwa njia ya ya mgusano sehemu zenye majeraha, kupitia body fluids zote kama vile damu,mate,jasho n.k, kutoka kwa Mtu au wanyama wenye Virusi hawa(Mpox virus).
Virusi vya MPox vinaweza kuingia mwilini kupitia kwenye ngozi iliyo na jeraha au michubuko yoyote, au kwa njia nyingine kama vile njia ya upumuaji au kupitia macho, pua pamoja na mdomo.
Pia Uenezwaji wake unaweza kuwa kwa kugusana na wanyama walioambukizwa kama vile nyani, panya na kindi ,kupitia vitu kama vile matandiko au nguo za mgonjwa mwenye virusi hawa.
- Ugonjwa wa Homa ya Nyani unaweza kusambaa kutoka kwa mtu mwenye maambukizi kwenda kwa mwingine kwa njia zifuatazo; kupitia maji maji ya mwili ikiwemo mate, matapishi, jasho, mkojo, matone ya mfumo wa njia ya hewa na ngozi kupitia kugusana na kujamiana na mtu mwenye maambukizi ama kutumia vifaa, matandiko au kugusa sehemu zilizo na vimelea vya ugonjwa huu. Aidha, ugonjwa huu unaweza pia kuenezwa kutoka kwa wanyama kwenda kwa binadamu.
- Dalili kuu ya Homa ya Nyani ni upele, malengelenge au vidonda kwenye mwili hasa, mikono na miguu, kifuani, usoni na wakati mwingine sehemu za siri. Dalili nyingine ni homa, uchovu, maumivu ya kichwa, misuli, mgongo, uchovu na kuvimba mitoki.
- Ugonjwa huu wa homa ya nyani haujaingia nchini, hivyo, ni vyema tukashirikiana kuhakikisha nchi yetu inabaki kuwa salama. Wizara inatoa tahadhari kwa Wananchi wote kuchukua hatua za kujikinga na ugonjwa wa huu kwa kutekeleza yafuatayo;-
i. Kutoa taarifa kupitia namba 199 bila malipo endapo utamuona mtu mwenye dalili za Homa ya Nyani(Mpox).
ii. Kuepuka kugusa majimaji ya mwili au ngozi ya mtu mwenye dalili za ugonjwa wa Homa ya nyani(Mpox).
iii. Kuepuka kusalimiana kwa kupeana mikono, kukumbatiana na kubusiana mtu mwenye dalili za Ugonjwa wa homa ya nyani(Mpox).
iv. Kuepuka kugusana na mtu yeyote mwenye dalili za ugonjwa wa Homa ya Nyani(Mpox).
v. Kunawa mikono kila mara kwa maji tiririka na sabuni au kutumia vitakasa mikono.
vi. Epuka kula au kugusa mizoga au wanyama mfano nyani au swala wa msituni.
vii. Safisha na kutakasa vyombo vilivyotumika na mhisiwa au mgonjwa pamoja na maeneo yote yanayoguswa mara kwa mara.
viii. Kuvaa barakoa iwapo itabidi kukaa na kuongea kwa karibu na mtu mwenye dalili za Ugonjwa wa Homa ya Nyani(Mpox).
ix. Kuwahi katika vituo vya huduma za afya unapoona dalili za ugonjwa wa Homa ya Nyani(Mpox).
x. Watoa huduma za afya kuzingatia miongozo ya kuzuia kusambaa kwa maambukizi (IPC) wakati wote wanapowahudumia wagonjwa.
MATIBABU YA UGONJWA WA HOMA YA NYANI
Ugonjwa huu wa Homa ya Nyani hauna tiba(no cure),bali watalaam wa afya hudhibiti dalili zinazotokana na ugonjwa huu wa homa ya nyani.
Kwa Sasa Shirika la Afya Duniani(WHO) limeidhinisha Chanjo za Kutumika Kuzuia Ugonjwa huu wa Homa ya Nyani. #SOMA Zaidi hapa Kuhusu WHO na Chanjo hii ya Mpox
Hata hivo ugonjwa huu huisha wenyewe kwa kipindi flani baada ya kumpata mtu.
Fahamu pia,Maambukizi haya ya ugonjwa wa homa ya nyani(Mpox) huisha yenyewe na hudumu kati ya siku 14 na 21.
#Mpox #Hom ya Nyani

Ugonjwa Wa Homa ya Nyani,chanzo,dalili Na Tiba yake

Mpox ni nini? Mpox/Homa ya Nyani

Kumekua na mlipuko barani Africa, nchi za jirani pia zimetangaza kua na wagonjwa wa mpox. Hivi karibuni hata mabara mengine yameanza kutangaza uwepo wa ugonjwa huu kwa kasi, hiii imepelekea WHO kuutangaza ugonjwa wa homa ya nyani kama janga la kimataifa. Hata hivyo nchini Tanzania bado hakujatangazwa kupatikana kesi ya ugonjwa huu.

Homa ya nyani ni ugonjwa unaosababishwa na virusi.virusi hivi ni familia moja na virusi vinavyosababisha smallpox au ndui kwa kiswahili.

Tuone historia ya Homa ya nyani kifupi.

Homa ya nyani sio ugonjwa mpya, umegundulika mwaka 1958 katika nyani waliokua wakifanyiwa tafiti. Kesi ya kwanza ya homa ya nyani kwa binadamu iligundulika mwaka 1970 nchini DRC.

Tangu wakati huo kumekua na kesi chache barani africa hasa africa ya kati na afrika ya magharibi. Lakini mwaka 2022 tumeanza kuona ugonjwa huu ukienea kwa kasi maeneo ambayo sio endemic na hata nje ya bara la Africa.

Ugonjwa wa Homa ya Nyani Unaambukizwaje

Mji maji au mate yanatotoka kinywani wakati wa Kuongea, kukohoa au kuoiga chafya. (Droplets)
Aina zote za ngono zinaweza kuambukiza, hii inajuimuisha kumbusu mtu mwenye mpox(All forms of sexual contact including kissing)
Kukutana au kugusana ngozi na mtu mwenye homa ya nyani (Skin to skin contact)
Kuvaa nguo au kutumia mashuka na foronya za mtu mwenye homa ya nyani. (Sharing clothes and/or bedding)
KUgusa au kula wanya walioathirika au mizoga.

Dalili za Ugonjwa wa Homa ya Nyani

Upele (una wezakutokea kwenye ngozi, mdomoni, ukeni, au ndani ya njia ya haja kubwa)
Homa
KUskia maumivu kwenye koo. (Sore throat)
Maumivu Kichwa
Maumivu ya Misuli
Maumivu ya mgongo
Uchovu wa kupitiliza usio elezeka
Kuvimba tezi

Tiba na chanjo ya Ugonjwa wa homa ya Nyani

Homa ya nyani isiokua na dalili kali (severe) hupona yenyewe ndani ya wiki 2-4 ( self limiting)
Nenda kituo cha afya kuhakiki kama ni mpox na sio kitu kingine.
Matibabu ya upele na kutibu dalili zingine kama homa kali na maumivu ya misuli yanaweza kupatikana

Chanjo ya homa nyani ipo lakini bado haipatikani nchi nyingi za Africa.

Watu walio katika hatari Ya kupata Homa ya nyani yenye Dalili Kali (severe).

Watoto chini ya mwaka mmoja
Wajawazito
Watu wenye upungufu wa kinga mwilini.

Watu walio katika hatari ya kupata homa ya nyani

Watoa huduma ya afya
Wanaofanya kazi katika mkusanyiko/msongamano wa watu wengi
Watu wenye wenza wengi ( multiple sexual partners)
Watu wenye kujihusisha na biashara ya ngono
Wanaume wanaojihusisha na mapenzi ya jinsia moja pia wametajwa kuwa na hatari ya kupata.

Jinsi ya kujikinga na Ugonjwa wa Homa ya Nyani

Epuka sehemu zenye msongamano ambazo utagusana na watu
Nawa mikono kabla ya kujigusa, kula, au unapotoka kwenye mizunguko
Tumia kinga wakati wa kujamiiana
Epuka kugusa wanyama wanaumwa au mizoga bila kujua ugonjwa au sababu ya kifo.

Jinsi ya kuwalinda wengine endapo wewe umeathirika na Ugonjwa wa Homa ya Nyani.

Kaa nyumbani au katika chumba chako mwenyewe kama inawezekana.
Osha mikono mara nyingi kwa sabuni na maji au na vitakasa mikono, hasa kabla au baada ya kugusa vidonda.
Vaa barakoa na funika vidonda unapokuwa karibu na watu wengine hadi upele wako upone.
Weka ngozi yako kavu na bila kufunikwa (isipokuwa unapokuwa chumbani na mtu mwingine).
Epuka kugusa vitu katika maeneo ya pamoja na safisha maeneo ya pamoja mara kwa mara.
Fuata maelekezo ya daktari katika kutibu vipele/vidonda.
Tumia dawa za kupunguza maumivu zinazopatikana bila agizo la daktari kama vile paracetamol au ibuprofen.

Nini cha kuepuka kuhusu Ugonjwa wa Homa ya Nyani

Kupasua au kukuna vipele/malengelenge. Hii inaweza kuweka vijidudu kwenye vidonda na kusababisha vishambuliwe na bakteria au kuchelewa kupona kwa vidoonda. Au kusambaza zaidi mwilili.

Kwa Taarifa, msaada na ushauri zaidi piga simu namba 199

Credits|Article By;

Dr Ladina Msigwa

WHO imetangaza kuidhinishwa kwa chanjo ya MVA-BN kama chanjo ya kwanza ya ugonjwa wa mpox

Shirika la Afya Ulimwenguni (WHO) limetangaza kuidhinishwa kwa chanjo ya MVA-BN kama chanjo ya kwanza dhidi ya ugonjwa wa mpox. Hatua hii inatarajiwa kurahisisha upatikanaji wa haraka wa chanjo hiyo, hususani katika maeneo yaliyoathirika zaidi, ili kupunguza maambukizi na kudhibiti mlipuko wa ugonjwa huo hatari.

Chanjo hii imeidhinishwa kufuatia tathmini ya shirika la udhibiti la Ulaya pamoja na taarifa zilizotolewa na mtengenezaji, Bavarian Nordic A/S.

"Kupitishwa kwa chanjo hii ni hatua muhimu katika mapambano yetu dhidi ya mpox, hasa kwa mlipuko wa sasa barani Afrika na kwa siku za usoni. Tunahitaji kuharakisha upatikanaji wa chanjo, michango na usambazaji ili kuhakikisha upatikanaji sawa katika maeneo yenye uhitaji mkubwa, pamoja na matumizi ya zana nyingine za afya ya umma ili kuzuia maambukizi, kukomesha usambazaji na kuokoa maisha." Amesema Mkurugenzi mkuu wa WHO, Dkt. Tedros Adhanom Ghebreyesus.

Chanjo ya MVA-BN inapaswa kutolewa kwa watu wenye umri wa zaidi ya miaka 18 kama sindano mbili zenye wiki nne kati ya dozi. Chanjo hiyo inaweza kuhifadhiwa kwa hadi wiki nane katika joto la nyuzi 2-8°C baada ya kuhifadhiwa kwenye hali ya baridi kali.

WHO imesisitiza kwamba licha ya chanjo hii kutokuwa na leseni kwa watoto chini ya miaka 18, inaweza kutumika kwa watu wenye umri mdogo katika mazingira ya mlipuko. Aidha, WHO inapendekeza matumizi ya dozi moja ya chanjo wakati wa uhaba wa chanjo.

Ripoti zinaonesha kwamba dozi moja ya chanjo ya MVA-BN inatoa kinga ya asilimia 76 dhidi ya mpox, huku dozi mbili zikifikia asilimia 82. Usalama wa chanjo hii umethibitishwa katika tafiti za kliniki na matumizi ya ulimwenguni kote tangu mlipuko wa mwaka 2022.

Hivi sasa, WHO inashirikiana na mashirika mengine kuharakisha upatikanaji wa chanjo nyingine mbili dhidi ya mpox, LC-16 na ACAM2000 huku mlango wa dharura kwa bidhaa za uchunguzi wa mpox pia umefunguliwa, WHO ikipokea maombi sita ya matumizi ya dharura.

Mpox imeendelea kuwa tishio kubwa, hususani katika Jamhuri ya Kidemokrasia ya Congo (DRC) ambapo mlipuko umeongezeka, na WHO ilitangaza hali hiyo kuwa dharura ya afya ya umma ya kimataifa mnamo Agosti 14, 2024 huku tangu kuanza kwa mlipuko wa kimataifa mwaka 2022, zaidi ya nchi 120 zimethibitisha kesi 103,000 za mpox, huku vifo 723 vikirekodiwa mwaka 2024 pekee.

UNICEF yatangaza zabuni ya dharura ya chanjo za mpox

Shirika la Umoja wa Mataifa la kuhumia watoto UNICEF limetangaza zabuni ya dharura kwa ajili ya Kununua chanjo za ugonjwa wa homa ya nyani au mpox. Chanjo ambazo zinaaminika kuwa na jukumu muhimu katika kudhibiti mlipuko wa ugonjwa wa mpox ambao umetangazwa kuwa dharura ya afya ya umma na shirika la afya ulimwenguni WHO pamoja na kituo cha kudhibiti na kuzuia magonjwa barani afrika CDC.

Zabuni hii ya dharura imetolewa rasmi ili kuhakikisha chanjo zinazopatikana kwa haraka na pia kupanua uzalishaji. Makubaliano ya uzalishaji wa hadi dozi milioni 12 ifikapo mwaka 2025 yanaweza kufikiwa hii itategemea mahitaji na uwezo wa uzalishaji wa watengenezaji pamoja na ufadhili.

Katika zabuni hii ya dharura, UNICEF itaweka mikataba itakayo ainisha masharti ya ugavi kwa watengenezaji wa chanjo. Hatua hii itawezesha UNICEF kununua na kusafirisha chanjo bila kuchelewa mara tu nchi na wadau watakapokuwa wamepata ufadhili, wamethibitisha mahitaji na utayari, na mahitaji ya udhibiti wa kukubali chanjo yamewekwa.

Akizungumzia kuhusu umuhimu wa chanjo hizo, mkurugenzi wa kitengo cha ugavi wa UNICEF, Leila Pakkala amesema “Kushughulikia uhaba wa sasa wa chanjo ya mpox na kupeleka chanjo kwa jamii zenye uhitaji kwasasa ni jambo muhimu sana. Pia kuna haja kubwa ya kuweka utaratibu wa ugawaji wa kimataifa na wa uwazi ili kuhakikisha kuna upatikanaji sawa wa chanjo ya mpox.”

Nchini jamhuri ya Kidemokrasia Kongo DRC ambako ndiko kitovu cha ugonjwa huu kuna zaidi ya washukiwa wa ugonjwa wa mpox 18,000 na tayari vifo 629 vimeripotiwa mwaka huu pekee. Vifo vinne kati ya vitano vinavyoripotiwa ni vya watoto.

Mkurugenzi Mkuu wa CDC Afrika Dkt. Jean Kaseya amesema wakati huu wanapokabiliana na mlipuko wa mpox unaoendelea, ununuzi na usambazaji wa chanjo kwa wakati ni muhimu katika kulinda idadi ya watu walio hatarini zaidi, haswa katika kanda zilizo athirika zaidi.

Dkt. Kaseya amesema ushirikiano ndio suala muhimu kwasasa “Zabuni hii ya dharura ni hatua muhimu katika juhudi zetu za pamoja za kudhibiti kuenea kwa ugonjwa huu. Afrika CDC imejitolea kuhakikisha kuwa chanjo zinatolewa kwa haraka na kwa usawa katika bara zima, kwa ushirikiano na UNICEF, Gavi, WHO, na wadau wengine muhimu. Mwitikio wetu wa umoja ni muhimu ili kupunguza athari za dharura hii ya afya ya umma na kulinda afya na ustawi wa jamii zetu.”

Chanjo ni mojawapo ya zana kadhaa zinazotumiwa kukabiliana na maambukizi na kulinda watoto na jamii dhidi ya mpox. Afrika CDC, Gavi, UNICEF, WHO, na wadau wengine wanatanguliza uzuiaji na udhibiti wa maambukizi, na mawasiliano ya hatari ya ugonjwa huu na ushiriki wa jamii katika mapambano.

Ugonjwa Wa Mpox,chanzo,dalili Na Tiba yake

Ugonjwa wa homa ya nyani kwa binadamu(Human Mpox),Mara ya kwanza kabsa uliripotiwa Mwaka 1970 nchini DRC(Democratic Republic of the Congo) kwa kijana mmoja wa Miaka 9 aliyekuwepo kwenye eneo ambalo ugonjwa wa Smallpox ulishaondolewa tangu mwaka 1968. Ndipo visa vingine vikaanza kuripotiwa na maeneo mengine, (Disease history Source:WHO)

Dalili za Mpox

DALILI ZA UGONJWA HUU WA MPOX NI PAMOJA NA;

– Mtu kuwa na homa pamoja na mwili kutetemeka

– Kupata maumivu makali ya kichwa

– Mwili kuchoka kupita kawaida

– Mwili kukosa nguvu na kuwa dhaifu sana

– Lymph nodes kuanza kuvimba ambapo kwa lugha nyingine hujulikana kama lymphadenopathy

– Kupata maumivu ya viungo,joints pamoja na misuli ya mwili

– Kupata maumivu ya mgongo(back ache)

– Kutokewa na UPELE kwenye maeneo mbali mbali ya mwili wako kama vile; Usoni, kwenye mikono pamoja na viganja vya mikono,
miguuni,machoni,,mdomoni,sehemu za siri n.k

Upele huu unaweza kuwasha sana, na hata baadae huweza kutumbuka kabsa,

Mwili huweza kubaki na makovu au alama alama.

UGONJWA HUU WA HOMA YA NYANI(MPOX) husambaa kutokana na ukaribu(Close contact) kwa mtu,wanyama au vitu ambavyo tayari vina virusi hawa wa Mpox.

Unaweza kuupata kwa njia ya ya mgusano sehemu zenye majeraha, kupitia body fluids zote kama vile damu,mate,jasho n.k, kutoka kwa Mtu au wanyama wenye Virusi hawa(Mpox virus).

Virusi vya MPox vinaweza kuingia mwilini kupitia kwenye ngozi iliyo na jeraha au michubuko yoyote, au kwa njia nyingine kama vile njia ya upumuaji au kupitia macho, pua pamoja na mdomo.

Pia Uenezwaji wake unaweza kuwa kwa kugusana na wanyama walioambukizwa kama vile nyani, panya na kindi ,kupitia vitu kama vile matandiko au nguo za mgonjwa mwenye virusi hawa.

🟩 Ugonjwa wa Mpox unaweza kusambaa kutoka kwa mtu mwenye maambukizi kwenda kwa mwingine kwa njia zifuatazo; kupitia maji maji ya mwili ikiwemo mate, matapishi, jasho, mkojo, matone ya mfumo wa njia ya hewa na ngozi kupitia kugusana na kujamiana na mtu mwenye maambukizi ama kutumia vifaa, matandiko au kugusa sehemu zilizo na vimelea vya ugonjwa huu. Aidha, ugonjwa huu unaweza pia kuenezwa kutoka kwa wanyama kwenda kwa binadamu.

🟩 Dalili kuu ya Mpox ni upele, malengelenge au vidonda kwenye mwili hasa, mikono na miguu, kifuani, usoni na wakati mwingine sehemu za siri. Dalili nyingine ni homa, uchovu, maumivu ya kichwa, misuli, mgongo, uchovu na kuvimba mitoki.

🟩 Ugonjwa huu haujaingia nchini, hivyo, ni vyema tukashirikiana kuhakikisha nchi yetu inabaki kuwa salama. Wizara inatoa tahadhari kwa Wananchi wote kuchukua hatua za kujikinga na ugonjwa wa huu kwa kutekeleza yafuatayo;-

i. Kutoa taarifa kupitia namba 199 bila malipo endapo utamuona mtu mwenye dalili za Mpox.

ii. Kuepuka kugusa majimaji ya mwili au ngozi ya mtu mwenye dalili za ugonjwa wa Mpox.

iii. Kuepuka kusalimiana kwa kupeana mikono, kukumbatiana na kubusiana mtu mwenye dalili za Mpox.

iv. Kuepuka kugusana na mtu yeyote mwenye dalili za ugonjwa wa Mpox.

v. Kunawa mikono kila mara kwa maji tiririka na sabuni au kutumia vitakasa mikono.

vi. Epuka kula au kugusa mizoga au wanyama mfano nyani au swala wa msituni.

vii. Safisha na kutakasa vyombo vilivyotumika na mhisiwa au mgonjwa pamoja na maeneo yote yanayoguswa mara kwa mara.

viii. Kuvaa barakoa iwapo itabidi kukaa na kuongea kwa karibu na mtu mwenye dalili za Mpox.

ix. Kuwahi katika vituo vya huduma za afya unapoona dalili za ugonjwa wa Mpox.

x. Watoa huduma za afya kuzingatia miongozo ya kuzuia kusambaa kwa maambukizi (IPC) wakati wote wanapowahudumia wagonjwa.

Via:WizaraafyaTz

#SOMA Zaidi hapa kuhusu Ugonjwa wa Mpox

MATIBABU YA UGONJWA WA MPOX

Ugonjwa huu hauna tiba(no cure),bali watalaam wa afya hudhibiti dalili zinazotokana na ugonjwa huu wa homa ya nyani.

Hata hivo ugonjwa huu huisha wenyewe kwa kipindi flani baada ya kumpata mtu.

Fahamu pia,Maambukizi haya ya ugonjwa wa homa ya nyani(Mpox) huisha yenyewe na hudumu kati ya siku 14 na 21.

Rasmi DRC imeanza kutoa chanjo ya Mpox

Tuone historia ya Homa ya nyani kifupi.

Ugonjwa wa Homa ya Nyani Unaambukizwaje

Dalili za Ugonjwa wa Homa ya Nyani

Tiba na chanjo ya Ugonjwa wa homa ya Nyani

Dr Ladina Msigwa

Ugonjwa Wa Mpox,chanzo,dalili Na Tiba yake

Dalili za Mpox

RECENT POSTS|ARTICLES

ABOUT ME

SUBSCRIBE & FOLLOW

POPULAR POSTS

About Blog

Popular Posts

Maelekezo kwa Mabasi ya Watoto wa shule juu ya Tahadhari Ugonjwa wa CORONA(Video)

Dalili za ukimwi huchukua muda gani kuonekana

Dalili za magonjwa hatari sehemu za siri

FEATURED CATEGORIES