je ugonjwa wa pumu unaambukiza?

Hili ni Swali ambalo watu wengi huuliza,hata kwenye page za afyaclass, kwa kuliona hilo, tumeona kuna haja ya kukusaidia kujua kuhusu ugonjwa huu wa Pumu.

Pumu au kwa jina lingine Asthma ni ugonjwa/hali inyoathiri na kupunguza uwezo wa mapafu kufanya kazi, kwa kusababisha Njia ya hewa kuwa nyembamba na kuvimba.

Kwa kawaida, mara nyingi huonekana kwanza katika utoto na kuathiri watoto na watu wazima, na karibu watu milioni 25.

Fahamu,Sababu za kimazingira kama vile kukabiliwa na vumbi au moshi zinaweza kusababisha mashambulizi ya pumu kwa baadhi ya watu.

Vichochezi tofauti vinaweza kuleta aina tofauti za pumu. Aina hizo pamoja na:

• adult-onset asthma
• exercise-induced bronchoconstriction (EIB)
• occupational asthma
• asthma-COPD overlap
• nonallergic asthma
• allergic asthma
• Na pediatric asthma

je ugonjwa wa pumu unaambukiza

Je, pumu inaambukiza kwa binadamu?

Pumu haiambukizwi kwa binadamu. Hata hivyo, wataalam wamegundua kwamba pumu huelekea kutokea katika familia,

Kwa hiyo, watoto wa wazazi walio na pumu wako kwenye hatari kubwa ya kupata ugonjwa wa pumu.

Baadhi ya dalili za pumu zinaweza kufanana na hali zinazoweza kuambukizwa (kuambukiza), kama vile tatizo la bronchitis au nimonia. Hata hivyo, ingawa watu walio na dalili za pumu kama kikohozi kinachoendelea wanaweza kuonekana kuwa wagonjwa, pumu haisambai kutoka kwa mtu hadi mtu.

Sababu nyingi zinaweza kusababisha mtu kupata pumu au kusababisha shambulio la pumu. Wakati wa shambulio la pumu, mtu anaweza kupata dalili kali kama vile kupumua kwa shida, kikohozi cha kudumu, au kubana kwa kifua.

Fahamu; Sababu tofauti za kimazingira kama vile kukaa kwenye Mazingira ya vumbi au moshi zinaweza kusababisha mashambulizi ya ghafla ya pumu kwa baadhi ya watu.

Chanzo cha Ugonjwa wa Pumu na Sababu hatarishi za kupata Pumu

Vitu hivi huongeza hatari ya wewe kupata Ugonjwa wa Pumu;

1. Sababu za Kigenetiki

Jenetiki na epigenetics,
Katika miongo michache iliyopita, wanasayansi wameanzisha alama za jeni kadhaa ambazo zinahusishwa na pumu ya utotoni na pumu ya atopiki.

Ingawa, wataalamu pia wanakubali kwamba chembe za urithi ni sababu moja tu ya kuamua hatari ya mtu kupata pumu. Bado inahitajika utafiti Zaidi kuhusu epijenetiki, au jinsi jeni fulani unazobeba zinaweza kuwashwa na kuzimwa kulingana na mazingira yako,

Tafifi zimepata jeni kadhaa ambazo zinahusishwa na kutokea kwa ugonjwa wa pumu – Na pia zipo baadhi ya jeni zinaweza kuwa kinga dhidi ya pumu.

2. Tatizo la Mzio au Allergies

Mzio ni mojawapo ya vichochezi vikubwa vya dalili za pumu. Mwili wako huweza kuleta reactions kwa vitu mbali mbali kama vile ukungu,wadudu, vumbi, nyama,mafuta,n.k kwa kuamsha mfumo wa kinga ya mwili wako kufanya kazi.

Wakati mfumo wako wa kinga unapochochewa na vitu hivo(allergener), inaweza kusababisha uvimbe katika njia ya hewa ya mapafu yako, na kuifanya iwe vigumu kupumua.

3. Uchafuzi wa hewa, Kuwa kwenye mazingira ya Moshi n.k

Ubora wa hewa na mazingira kwa ujumla,
Pumu huathiri vibaya baadhi ya Watu  ambao – kutokana na ubaguzi wa kimfumo – wana uwezekano mkubwa wa kuishi na kufanya kazi karibu na uchafuzi hatari wa hewa.

Aina hii ya uchafuzi wa mazingira inajulikana kuongeza kwa kasi hatari ya mtu kupata pumu.

4.Mabadiliko ya hali ya hewa

Wanasayansi wanaochunguza uhusiano kati ya afya ya binadamu na mazingira wamegundua kuwa athari za mabadiliko ya hali ya hewa, kama vile theluji kuongezeka, mvua, na mafuriko, zinahusishwa na hatari ya kupata Ugonjwa wa pumu..

5. Vichocheo vya Mwili au Hormones

Inaonekana kwamba homoni za jinsia ya kike zinaweza pia kuchangia katika hatari ya mtu kupata pumu. Tafiti zinaonyesha Viwango vya pumu vimeenea zaidi kwa wanawake walioko kwenye umri wa kubalehe na kuendelea.

Viwango vya pumu ni vya juu zaidi kwa wanawake waliopata hedhi za mapema na mimba nyingi, na Hii inafanya Tafiti kupendekeza kipengele cha homoni za jinsia ya kike katika kupata pumu.

Wakati homoni za kike zinapoongezeka, kama vile wakati wa hedhi na ujauzito, hatari ya kupata pumu inaweza kuongezeka. Homoni hizi zinaweza kuongeza uvimbe katika mwili, na kuathiri njia ya hewa.

6. Unene au Uzito Mkubwa(Obesity/Overweight)

Wanasayansi wamegundua kuwa Unene au Obesity ni sababu nyingine inayoweza kuongeza hatari ya mtu kupata pumu. Haijulikani jinsi hali hizi mbili zimeunganishwa, ingawa wataalam wanafikiri inahusiana na kuvimba na kupunguza uwezo wa mapafu kufanya kazi,hali inayosababishwa na uzito Kuzidi.

7. Kupata Maambukizi kwenye Mapafu(Lung infections)

Maambukizi kwenye Mapafu kama vile; RSV,Chlamydia pneumoniae (CP), n.k huweza kuongeza hatari ya wewe kupata ugonjwa wa pumu,

hasa ikiwa ulipata maambukizi mapema maishani. Inaonekana kwamba maambukizi ya kwenye mapafu ya utotoni yanaweza kubadilisha mazingira ya vijiumbe vidogo kwenye mapafu, na kuyafanya kuwa na uwezekano mkubwa wa kupata uvimbe na kupungua kwa njia ya hewa,hali inayosababishwa na pumu.

>>Soma hapa kuhusu Dalili za ugonjwa wa pumu.

8. Mtoto kuzaliwa mapema,kabla ya wakati,Mtoto njiti(Premature birth)

Mtoto Kuzaliwa kabla ya wakati kunaweza kusababisha mtoto kupata matatizo ya mapafu na kupumua, ikiwa ni pamoja na pumu.

Miili ya watoto wanaozaliwa kabla ya wakati haijakomaa vizuri, na ukuaji huu wa mapema unaweza kusababisha shida kwa watoto katika maisha yao yote hadi utu uzima.

Vichochezi vya Kupata Pumu(Triggers)

Kuwa kwenye Mazingira yenye vichochezi vya Pumu kuna uwezekano wa kusababisha dalili za pumu kwa watu walio na pumu. Wakati mwingine dalili hizi zinaweza kuwa kali. Vichochezi vya kawaida vya shambulio la pumu ni pamoja na:

• Uchafuzi wa hewa(air pollution),mfano Uchafuzi wa hewa kutokana na moshi kutoka kwenye viwanda,magari,Moto wa nyika n.k
• Tatizo la acid reflux
• Hewa kuwa kavu na baridi
• disinfectants na bidhaa nyingine za kusafisha
• Baadhi ya Sabuni
• Vumbi
• Baadhi ya vyakula
• Maambukizi ya Viruses kama ya Mafua n.k
• Baadhi ya Dawa
• Uvutaji wa Sigara n.k

#SOMA Zaidi hapa; Kuhusu ugonjwa wa pumu.

Rejea Link;

•https://www.healthline.com/health/asthma/is-asthma-contagious#what-causes-asthma

•https://afyaclass.com/2021/07/asthmacauses-risks-of-ashtma-symptoms_20.html

Ugonjwa wa ngozi kwa watoto,chanzo,dalili na Tiba.

Ugonjwa wa ngozi kwa watoto ni tatizo la kawaida ambalo linaweza kusababishwa na sababu mbalimbali, ikiwa ni pamoja na maambukizi, mzio (allergies), na hali ya hewa.

Ugonjwa wa ngozi unaweza kuwa na athari kubwa kwa ustawi wa mtoto, ukisababisha usumbufu, maumivu, na hata aibu. Hapa tutaangazia baadhi ya magonjwa ya ngozi yanayowakumba watoto mara kwa mara, dalili zake, sababu, na matibabu yanayoweza kutumika.

1. Pumu ya ngozi au Eczema (Atopic Dermatitis)

Eczema ni hali ya kudumu ya ngozi inayosababisha ukavu, muwasho, na vipele vinavyoweza kutokea sehemu yoyote ya mwili lakini mara nyingi hutokea kwenye;

• mikono,
• miguu,
• shingo,
• kuzunguka macho,
• na kwenye vifundo vya viungo.

Sababu za eczema zinaweza kuwa za kijenetiki na mazingira, ikiwemo mzio.

Matibabu: Kujiepusha na visababishi vya mzio, kutumia moisturizers kwa ajili ya kulainisha ngozi, na dawa za kupaka zinazopunguza muwasho na uchochezi.

2. Mashambulizi ya Fangasi

Maambukizi ya fungasi kama vile ringworm (tinea) yanaweza kuathiri ngozi, nywele, na kucha, yakiwa na dalili za duara zenye ukavu na vipele vinavyowasha.

Matibabu: Matumizi ya dawa za antifungal zinazopakwa kwenye ngozi au dawa za kumeza kwa maambukizi makubwa.

3. Mzio wa Ngozi(allergic reactions)

Mzio wa ngozi kama vile hives (urticaria) unaweza kusababishwa na chakula, dawa, na visababishi vingine vya mazingira, ukisababisha vipele vinavyowasha vinavyoweza kutokea haraka na kupotea.

Matibabu: Kuepuka visababishi, kutumia dawa jamii ya antihistamines kupunguza muwasho, na corticosteroids kwa hali kali.

4. Maambukizi ya Bakteria

Maambukizi ya bakteria kama impetigo yanaweza kuathiri uso na mikono ya watoto, yakiwa na dalili za malengelenge yanayovuja na kuunda gamba.

Matibabu: Antibiotics zinazopakwa au kumezwa kulingana na ushauri wa daktari.

5. Magonjwa ya Virusi

Magonjwa kama molluscum contagiosum na warts ni maambukizi ya virusi yanayoathiri ngozi ya watoto, yakisababisha uvimbe mdogo, mgumu na unaoweza kusambaa kwa kugusana.

Matibabu: Mara nyingi haya yanaweza kupotea yenyewe, lakini matibabu ya kuondoa uvimbe yanaweza kuhitajika.

6. Magonjwa mengine ambayo huweza kuthiri watoto ni kama vile;

• Chickenpox
• Fifth diseases
• Hives
• Cellulitis
• Surua au Measles
• Roseola
• Psoriasis
• Acne
• Scabies
• Pityriasis rosea
• Diaper rash
• Scarlet fever
• Saratani ya ngozi n.k

Kuzuia na Ushauri juu ya ugonjwa wa ngozi kwa Watoto

– Usafi Bora: Kuhakikisha watoto wananawa mikono mara kwa mara na kuoga kwa maji safi na sabuni.

– Mazingira Yenye Afya: Kuepuka mazingira yaliyojaa vumbi, kemikali kali, na visababishi vya mzio.

– Lishe Bora: Kutoa chakula chenye afya kwa watoto kinachojumuisha matunda na mboga kwa ajili ya ngozi yenye afya.

– Kujiepusha na Visababishi: Kama mtoto ana mzio kwa kitu maalum, jitahidi kuepuka kitu hicho.

Kila mtoto ni tofauti, na hivyo ni muhimu kushauriana na daktari wa watoto au mtaalamu wa ngozi kwa ushauri na matibabu sahihi.

Ufuatiliaji wa karibu na matibabu yanayofaa yanaweza kusaidia kudhibiti au kutibu magonjwa ya ngozi kwa watoto, kuhakikisha wanaishi maisha yenye afya na furaha.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.