Tafiti zinaonesha 90% ya Watu hawajui kama Figo zao zina matatizo huku 40% wakifika Hospitali wakati Ugonjwa ukiwa hatua ngumu na za mwisho kutibika na hauwezi hata kusafisha Damu (Dialysis).

Kwa mujibu wa Taasisi ya Chakula na Lishe Tanzania (TFNC), ili kuepuka Magonjwa yanayotokana na Vyakula, Watu wanapasawa kutotumia Vyakula Vilivyopikwa kwa Mafuta Mengi, Vinywaji Venye Sukari Nyingi zikiwemo Soda aina zote na Juisi za Viwandani.

Mtu mwenye Figo Nne agundulika nchini Somalia.

Anakuwa mtu wa nne duniani mwenye figo nne ambapo awali kulikuwa na watu watatu pekee wenye figo za ziada zilizorekodiwa duniani kote.

Na sasa mtu wa nne amepatikana nchini Somalia.

Ni Mvulana mdogo ambaye aliugua na baada ya uchunguzi wa muda mrefu aligundulika kuwa ana figo nne.

Figo zake zina afya nzuri na zinafanya kazi kawaida.

Madaktari wanasema kwamba ubora wa figo zake nne ni sawa na mtu mwenye figo mbili na hakuna faida ya ziada tofauti na wenye figo mbili.

Matumizi ya mitishamba,hatari kwa afya ya Figo

Je, matumizi ya miti shamba kiholela yanaharibu figo?

Matumizi ya mitishamba kwa njia isiyo ya kisayansi au kiholela yanaweza kuwa na athari mbaya kwa afya ya figo. Hii ni kwa sababu ya mambo kadhaa ikiwemo:

1. Mchanganyiko wa Dawa:

Mara nyingi, watu hutumia mitishamba kwa kuchanganya na dawa za kisasa bila kufuata maelekezo sahihi au bila kuelewa jinsi zinavyoweza kuingiliana.

Hii inaweza kusababisha mzigo mkubwa kwa figo kuchakata dawa na dutu nyingine zisizohitajika, na hivyo kusababisha madhara kwa figo.

2. Sumu na Kemikali Hatari:

Baadhi ya mitishamba inaweza kuwa na kemikali hatari au sumu ambazo zinaweza kusababisha uharibifu kwa figo.

Kwa mfano, dawa fulani za mitishamba zinaweza kuwa na viambata vya arseniki au metali nzito ambazo zinaweza kuharibu figo na viungo vingine vya mwili.

Hivo hata kama unatumia dawa za mitishamba, lazima upate maelekzo kwa wataalam husika.

3. Kuongezeka kwa Magonjwa ya Figo:

Matumizi ya mitishamba kwa wingi au bila usimamizi wa kitaalamu yanaweza kusababisha kuongezeka kwa hatari ya magonjwa ya figo kama vile mawe kwenye figo, kuvimba kwa figo (glomerulonephritis), au hata kushindwa kwa figo kufanya kazi(kidney failure).

Soma Zaidi hapa; Tatizo la mawe kwenye Figo(Kidney stones)

Soma Zaidi hapa; Tatizo la Figo kushindwa kufanya kazi(kidney failure)

4. Kupotosha Kipimo:

Watu mara nyingi hutumia mitishamba kama njia mbadala ya matibabu bila kufuata ushauri wa kitaalamu au bila kufanya uchunguzi wa kutosha wa hali yao ya kiafya.

Hii inaweza kusababisha kucheleweshwa kwa utambuzi na matibabu sahihi ya hali inayohusiana na figo.

5. Kupunguza Mzunguko wa Damu kwenye Figo:

Baadhi ya mitishamba inaweza kusababisha kupungua kwa mzunguko wa damu kwenye figo au kusababisha shinikizo la damu, ambayo inaweza kuharibu tishu za figo na kusababisha matatizo ya figo.

Hitimisho;

Kwa hiyo, ni muhimu sana kushauriana na daktari au mtaalamu wa afya kabla ya kuanza matumizi ya mitishamba au virutubisho vingine vya asili. Aidha, ni muhimu kufuata maelekezo yote ya matumizi yaliyopendekezwa na kuepuka matumizi ya kiholela au yasiyodhibitiwa.

Kwa kufanya hivyo, unaweza kuhakikisha kuwa figo zako zinalindwa na afya yako ya mwili kwa ujumla inadumishwa.