Msichana wa miaka 8 aliye na uharibifu wa ubongo uliopooza afanyiwa upasuaji wa kwanza duniani na roboti.

Msichana wa miaka 8 aliye na uharibifu wa ubongo uliopooza apata uwezo wa kujisogeza mwenyewe baada ya kufanyiwa upasuaji wa kwanza duniani na roboti.

Msichana wa miaka minane aliyepooza ubongo amepata tena uwezo wa kujisogeza mwenyewe baada ya kufanyiwa upasuaji wa kupandikizwa na roboti.

Karleigh Fry, kutoka Oklahoma, alikuwa amepooza na hakuweza kula, kutembea au hata kuketi peke yake. Lakini sasa, anaweza kuinua mikono yake juu ya kichwa chake, na kuna dalili kwamba anaanza kusogeza viungo vingine vya mwili, kulingana na Mail Online.

Kifaa cha roboti kiliweka kipandikizi cha umeme kwenye ubongo wake ili ‘kuamsha’ maeneo yanayohusika katika harakati,Hii ni mara ya kwanza utaratibu huu unafanywa kwa mtoto.

Dk Amber Stocco, daktari wa magonjwa ya mishipa ya fahamu kwa watoto aliyehusika katika upasuaji huo alielezea upasuaji huo kuwa ni ‘hatua muhimu’.

“Mgonjwa wetu mchanga tayari anaonyesha matokeo Mazuri na tunatumai utaratibu huu utafungua njia kwa wagonjwa zaidi ambao ni watoto duniani kote.”

Wakati huo huo, mamake Karleigh, Trisha Fry, alisema familia iliona maboresho wakati madaktari walipowasha kifaa cha umeme, na kuongeza, ‘Nadhani atakuwa na mustakabali mzuri kwa hakika.’

Karleigh anaugua ugonjwa wa kurithi unaoitwa rapid-onset primary dystonia, ugonjwa wa neva ambao husababisha mikazo ya misuli yenye uchungu au maumivu makali na miondoko isiyo ya kawaida.

Madaktari wanaamini kwamba hali hiyo husababisha mifumo isiyo ya kawaida ya umeme katika ubongo, hasa katika maeneo ambayo yanahusu harakati zisizo za hiari.

Kifaa hicho kinahusisha uwekaji wa jenereta ya mapigo ambayo hutuma ishara za umeme kwenye sehemu za ubongo zinazodhibiti mwendo wa mwili. Inaweza kuzuia miunganisho ya mishipa ya fahamu iliyokithiri au kuwasha miunganisho isiyofanya kazi, kulingana na hali.

Chombo hiki pia hutumiwa kutibu ugonjwa wa Parkinson, kutetemeka, kifafa, ugonjwa wa obsessive-compulsive, na dnoepression.

Dk Andrew Jea, daktari bingwa wa upasuaji wa neva wa Hospitali ya Watoto ya Oklahoma ambaye alimfanyia upasuaji, alisema: “Hii ilionyesha mwanzo wa kimataifa wa kutumia roboti kutoka vyumba vyetu vya upasuaji kufanya kitendo cha kusisimua ubongo wa mtoto, Hii inakuwa mfano sio tu huko Oklahoma lakini pia kote. Marekani na duniani kote.’