Ugonjwa wa ngozi kwa watoto,chanzo,dalili na Tiba.

Ugonjwa wa ngozi kwa watoto ni tatizo la kawaida ambalo linaweza kusababishwa na sababu mbalimbali, ikiwa ni pamoja na maambukizi, mzio (allergies), na hali ya hewa.

Ugonjwa wa ngozi unaweza kuwa na athari kubwa kwa ustawi wa mtoto, ukisababisha usumbufu, maumivu, na hata aibu. Hapa tutaangazia baadhi ya magonjwa ya ngozi yanayowakumba watoto mara kwa mara, dalili zake, sababu, na matibabu yanayoweza kutumika.

1. Pumu ya ngozi au Eczema (Atopic Dermatitis)

Eczema ni hali ya kudumu ya ngozi inayosababisha ukavu, muwasho, na vipele vinavyoweza kutokea sehemu yoyote ya mwili lakini mara nyingi hutokea kwenye;

• mikono,
• miguu,
• shingo,
• kuzunguka macho,
• na kwenye vifundo vya viungo.

Sababu za eczema zinaweza kuwa za kijenetiki na mazingira, ikiwemo mzio.

Matibabu: Kujiepusha na visababishi vya mzio, kutumia moisturizers kwa ajili ya kulainisha ngozi, na dawa za kupaka zinazopunguza muwasho na uchochezi.

2. Mashambulizi ya Fangasi

Maambukizi ya fungasi kama vile ringworm (tinea) yanaweza kuathiri ngozi, nywele, na kucha, yakiwa na dalili za duara zenye ukavu na vipele vinavyowasha.

Matibabu: Matumizi ya dawa za antifungal zinazopakwa kwenye ngozi au dawa za kumeza kwa maambukizi makubwa.

3. Mzio wa Ngozi(allergic reactions)

Mzio wa ngozi kama vile hives (urticaria) unaweza kusababishwa na chakula, dawa, na visababishi vingine vya mazingira, ukisababisha vipele vinavyowasha vinavyoweza kutokea haraka na kupotea.

Matibabu: Kuepuka visababishi, kutumia dawa jamii ya antihistamines kupunguza muwasho, na corticosteroids kwa hali kali.

4. Maambukizi ya Bakteria

Maambukizi ya bakteria kama impetigo yanaweza kuathiri uso na mikono ya watoto, yakiwa na dalili za malengelenge yanayovuja na kuunda gamba.

Matibabu: Antibiotics zinazopakwa au kumezwa kulingana na ushauri wa daktari.

5. Magonjwa ya Virusi

Magonjwa kama molluscum contagiosum na warts ni maambukizi ya virusi yanayoathiri ngozi ya watoto, yakisababisha uvimbe mdogo, mgumu na unaoweza kusambaa kwa kugusana.

Matibabu: Mara nyingi haya yanaweza kupotea yenyewe, lakini matibabu ya kuondoa uvimbe yanaweza kuhitajika.

6. Magonjwa mengine ambayo huweza kuthiri watoto ni kama vile;

• Chickenpox
• Fifth diseases
• Hives
• Cellulitis
• Surua au Measles
• Roseola
• Psoriasis
• Acne
• Scabies
• Pityriasis rosea
• Diaper rash
• Scarlet fever
• Saratani ya ngozi n.k

Kuzuia na Ushauri juu ya ugonjwa wa ngozi kwa Watoto

– Usafi Bora: Kuhakikisha watoto wananawa mikono mara kwa mara na kuoga kwa maji safi na sabuni.

– Mazingira Yenye Afya: Kuepuka mazingira yaliyojaa vumbi, kemikali kali, na visababishi vya mzio.

– Lishe Bora: Kutoa chakula chenye afya kwa watoto kinachojumuisha matunda na mboga kwa ajili ya ngozi yenye afya.

– Kujiepusha na Visababishi: Kama mtoto ana mzio kwa kitu maalum, jitahidi kuepuka kitu hicho.

Kila mtoto ni tofauti, na hivyo ni muhimu kushauriana na daktari wa watoto au mtaalamu wa ngozi kwa ushauri na matibabu sahihi.

Ufuatiliaji wa karibu na matibabu yanayofaa yanaweza kusaidia kudhibiti au kutibu magonjwa ya ngozi kwa watoto, kuhakikisha wanaishi maisha yenye afya na furaha.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

Ugonjwa wa ngozi “Psoriasis” Wakata Nywele za Beyonce

Mwanamuziki kutoka nchini Marekani #Beyoncé, ametaja sababu ya kukatika nywele zake akisema anasumbuliwa na ugonjwa wa ngozi unaofahamika kama ‘#Psoriasis’.

Kwa mujibu wa Jarida la The People msanii huyo, ameeleza kuwa ugonjwa huo umekuwa ukimsumbua tangu mwaka 2013.

Amesema ugonjwa huo unatokana na hitilafu katika mwili wa binadamu ambapo chembe hai zinazotengeneza ngozi zinakua haraka kuliko kawaida, matokeo yake ngozi inakuwa na mabaka na nywele kuanza kukatika.

Hata hivyo, msanii huyo mwenye umri wa miaka 42, ameeleza kuwa licha ya kupitia changamoto hiyo anakumbukumbu nzuri ya nywele zake tokea akiwa mtoto namna baba yake alivyokuwa akiziosha na kuzipaka mafuta.

Mbali na hayo, amesema leo Februari 20, katika onyesho lake la ‘#Beyonce’s Formidable Fashion Evolution From Destiny’s Child’, litakalofanyika #Texas nchini #Marekani, atatoa huduma bure kwa watu kuosha nywele zao na kuzipaka mafuta kwa lengo la kukumbuka zake ambazo zimekuwa zikikatika siku hadi siku.

Soma Zaidi hapa kuhusu ugonjwa wa ngozi unaofahamika kama Scalp Psoriasis’.

Aeleza alivyosaidiwa na Lowassa kupata matibabu ya ngozi KCMC

Asterina Banzi, aliyesaidiwa na Waziri Mkuu mstaafu, hayati Edward Lowassa kupata matibabu ya ngozi katika Hospitali ya KCMC

Asterina Banzi, mwenye ulemavu wa ngozi, ametoa ushuhuda wa msaada wa matibabu ya ngozi alioupata kwa Waziri Mkuu mstaafu, Edward Lowassa.

Ugumu wa kukutana na mwanasiasa aliyewahi kushika nafasi za juu za uongozi na ukamweleza shida zako, haukuwepo kwa Waziri Mkuu mstaafu, Edward Lowassa.

Hilo linathibitishwa na Asterina Banzi, mwenye ualbino anayeeleza alivyokutana na mwanasiasa huyo na kupatiwa msaada wa gharama za matibabu ya ugonjwa wa ngozi uliomsumbua kwa muda mrefu.

Kwa mujibu wa Asterina, mara yake ya kwanza kukutana na Lowassa ilikuwa mwaka 2015, katika kikao cha mwanasiasa huyo na watu wa makundi maalumu jijini Dar es Salaam.

Mwanadada huyo ameiambia Mwananchi Digital leo Jumanne, Februari 13, 2024 kuwa walipokutana na Lowassa katika kikao hicho aliomba namba zake za simu na alipewa na baadaye alimwandikia ujumbe mfupi wa kumweleza tatizo lake na siku chache baadaye alitafutwa na Lowassa kwa ajili ya kukutana kwa mazungumzo ya kina.

“Alinitaka tukutane, nilipofika eneo alilotaka tukutane akanambia nimweleze kuhusu tatizo langu. Nilimweleza, akanipa pole na kuniambia kwa sababu ya umri aliokuwa nao wakati huo asingeweza kunisaidia yeye binafsi, lakini atanipeleka kwa mtu atakayenisaidia,” amesema.

Amesema Lowassa alimpeleka kwa mtu huyo na hatimaye alipata msaada wa matibabu katika Hospitali ya KCMC na hadi sasa tatizo hilo limeisha.

“Ni mtu ambaye akishindwa kukusaidia yeye, anakupa namna anayoona utaupata msaada na nilifanikiwa hadi sasa nimepona,” amesema Asterina.

Asterina amesema tukio hilo litabaki kama kumbukumbu yake kwa Lowassa na kwamba hatamsahau mwanasiasa huyo.