#PICHA:Wakunga kisiwani Zanzibar wakifurahia wakati wa maadhimisho ya siku ya wakunga duniani yaliyofanyika mjini Unguja.

Kwa mujibu wa miongozo ya afya, mkunga mmoja anatakiwa kuhudumia mjamzito mmoja, huku muuguzi mmoja akihudumia wajawazito wanne.

Unguja. Licha ya wakunga kuwa watendaji wakuu wa kutoa huduma kwa mama na mtoto kwenye sekta ya afya, wamesema wanakabiliwa na changamoto nyingi, hivyo kushusha morali ya utendaji wao.

Miongoni mwa changamoto hizo ni kushindwa kutambuliwa mchango wao wanapofanya vizuri, bali hupokea lawama wanapokosea kutokana na sababu za kibinadamu kama uchovu unaotokana na kufanya kazi nyingi kupitiliza muda wao wa kazi.

Wamebainisha hayo katika risala iliyosomwa leo Mei 5, 2024 na Makamu Mwenyekiti wa Jumuiya ya Wakunga Zanzibar, Sanura Abdala Salim wakati wa maadhimisho ya siku ya wakunga duniani.

Ametaja changamoto nyingine ni ufinyu wa elimu ya utambuzi, upungufu wa vitendea kazi kama vifaa vya kupimia shinikizo la damu, vipimo vya mkojo, na vifaa vya kisasa vya kumfuatilia mtoto tumboni.

“Wakunga wakiwa ndio watendaji wakuu katika sekta ya afya ya uzazi bado wanakosa kutambuliwa wanapofanya vizuri, lakini hushushiwa lawama katika makosa ambayo mengine ni ya kibinadamu kutokana na uchovu wa kazi nyingi,” amesema.

Amesema changamoto nyingine ni upungufu mkubwa wa wauguzi na wakunga katika maeneo ya kutoa huduma za mama na mtoto ikiwemo wodi za wazazi, akieleza mkunga mmoja anahudumia zaidi ya watu 12.

Kwa mujibu wa miongozo ya afya, mkunga mmoja anatakiwa kuhudumia mjamzito mmoja, huku muuguzi mmoja akihudumia wajawazito wanne.

“Tunaomba viongozi wetu wa Wizara ya Afya kuwaangalia kwa jicho la tofauti na kuwapa motisha wauguzi na wakunga wanaofanya kazi katika wodi za wazazi, kwani wanahudumia idadi kubwa ya kina mama,” amesema.

Hata hivyo, kupitia risala hiyo wameahidi  kuyaendeleza mazuri na kuyaboresha kila mwaka ili kutoa huduma bora za afya ya mama na mtoto.

“Pia niwaombe wakunga wenzangu wote kufanya kazi kwa bidii, weledi, heshima, mapenzi, lugha nzuri kwa kina mama, watoto na jamii kwa ujumla,” amesema.

Mkunga mstaafu, Sharifa Hawadh amesema wakunga na wauguzi ni wanasayansi, lakini ili waweze kutenda vyema kazi zao lazima wasome na kujiongezea elimu, ujuzi na maarifa.

Amesema kazi ya ukunga pamoja na uzito wake lakini inahitaji watu wenye upendo na kuwajali wagonjwa.

Mkunga Asha Mkamba amesema kabla ya kufikia kilele cha maadhimisho hayo walifanya shughuli mbalimbali ikiwemo uchunguzi wa lishe na saratani ya kizazi kwa vijana wa umri kati ya mikaa 18 hadi 25 na kubaini kuwapo changamoto.

Katibu Mkuu Wizara ya Afya, Dk Habiba Hassan Juma amesema wizara ina mpango kuona watendaji wanaongezeka, kwani kuna upungufu mkubwa katika vituo vya afya.

Alisema kadri watakavyoruhusiwa na utumishi kuajiri watafanya hivyo ili kufikia uwiano sawa kati ya wauguzi na wagonjwa ili kuimarisha afya ya jamii.

“Tunatakiwa kuwa na subira kwani kazi hii ni nzito na ni ya wito wa kujitolea,” amesema.

Naibu Waziri wa Afya, Hafid Hassan, akisoma risala kwa niaba ya Mariam Mwinyi, mke wa Rais wa Znzibar, Dk Hussein Mwinyi amesema amepokea changamoto zinazowakabili lakini wasivunjike moyo.

Ameiagiza Wizara ya Afya kuzifanyia kazi na kutatua changamoto hizo kama zilivyojieleza katika risala yao.

Amesema Serikali ya Mapinduzi ya Zanzibar ipo katika mikakaki ya kuimarisha afya ya uzazi kwa kuzuia na kupunguza vifo vya wajawazito na watoto wachanga.

Amesema ili kukamilisha malengo hayo wanahitaji kuwatumia wakunga ambao wana mchango mkubwa wa kufanikisha malengo ya nchi.

Ofisa uzazi salama kitengo shirikishi cha afya ya uzazi na mtoto, Safia Haidhuru Ramadhan amesema takwimu za mwaka 2022 zinaonyesha kulikuwa na vifo vya uzazi 52 ikilinganishwa na vifo 70 vilivyotokea mwaka 2021.

Kwa upande wa vifo vya watoto vilivyotokana na changamoto za uzazi amesema ni 1,727 kiwango ambacho kinaonekana kuwa bado kipo juu.

Serikali kupitia Wizara ya Afya imesema tayari bunge limepitisha Sheria ya Udhibiti wa Tumbaku ijulikanayo kama “The Tobacco Products (Regulation) Act, 2003” ambayo imetoa katazo la uvutaji wa Sigara hadharani.

Naibu Waziri wa Afya, Dkt. Godwin Mollel amebainisha hayo leo Aprili 30,2024 Jijini Dodoma wakati akijibu swali Namba 215 kutoka kwa Mbunge wa Tumbe, Mhe. Amour Khamis Mbarouk aliyeuliza Je, ni lini Serikali italeta Sheria ya Kuzuia uvutaji wa sigara na mazao mengine hadharani.

Aidha amesema sheria hiyo imezuia matangazo ya tumbaku na bidhaa zitokanazo na tumbaku kwenye maeneo ya umma ikiwemo vyombo vya habari, billboards na kwenye matamasha mbalimbali.

Vile vile Dkt. Mollel ametoa wito kwa wabunge kuwa mabalozi wa Udhibiti wa Tumbaku katika jamii ili kusaidia wananchi kuepuka magonjwa yasiyoyakuambukiza

Bunge limeendelea ambapo leo ni mkutano wa 15 kikao cha 16.

Serikali kuanzisha taasisi upasuaji ubongo

Wizara ya Afya imedhamiria kuanzisha taasisi mahususi itakayoshughulikia masuala ya upasuaji wa ubongo na mishipa ya fahamu ili kuboresha huduma hizo za ubingwa na kutoa katika Taasisi ya Mifupa Ubongo (MOI) ambapo itabakia na masuala ya upasuaji wa mifupa pekee.

Waziri wa Afya. Ummy Mwalimu amesema hayo leo Aprili 27, 2024 baada ya uzinduzi wa chama cha madaktari bingwa wa ubongo na mishipa ya fahamu kikiongozwa na Rais wa chama hicho Dk Othmani Kiloloma Jijini Dar Es Salaam.

“Lengo la chama hiki ni kuunga mkono jitihada za Serikali za kuhakikisha Watanzania wanapata huduma bora na salama za upasuaji wa ubongo na mishipa ya fahamu, ikiwemo upatikanaji wa madaktari bingwa wa upasuaji ubongo na mishipa ya fahamu,” amesema Waziri Ummy.

Amesema Tanzania kuna madaktari bingwa wa upasuaji wa ubongo na mishipa ya fahamu 25 tu, ambapo kwa mujibu wa Shirika la Afya Duniani (WHO) inapendekeza angalau katika kila watu 150,000 kuwe na daktari bigwa wa upasuaji wa ubongo na mishipa ya fahamu mmoja.

“Ukichukua idadi ya madaktari bigwa wa upasuaji wa ubongo na mishipa ya fahamu 25 tulionao maana yake kwa Tanzania daktari bigwa mmoja anahudumia Watanzania milioni 2,400,000, huduma hizi bado hazijawafikia Watanzania wengi ndio maana chama hiki kimekuja ili pia kujengeana uwezo na kuhamasisha madaktari wengine waweze kusomea fani hiyo ya upasuaji wa ubongo na mishipa ya fahamu”,amesema Waziri Ummy.

Msimamo wa wizara ya afya kuhusu maboresho ya kitita NHIF 2023

Waziri wa Afya Mhe. @ummymwalimu  amevielekeza Vituo Binafsi vilivyoingia mkataba na NHIF Kuzingatia masharti ya Mikataba yao.

Waziri ya Wizara ya Afya Mhe. Ummy Mwalimu amevielekeza vituo vyote vya afya binafsi na vya umma vilivyoingia Mkataba na NHIF kuendelea kutoa huduma kulingana na Mikataba yao waliyoingia, Waziri Ummy ameyasema hayo tatehe 01 Machi, 2024 akiwa Mkoani Lindi.

“Kila mtoa huduma za afya kwa wanachama wa NHIF ameingia mkataba na NHIF, hivyo wazingatie masharti ya mikataba walioingia na NHIF katika kuwahudumia wanachama “.Mhe.Ummy Mwalimu .

1. “Napenda kutoa rai kwa hospitali zote binafsi zilizositisha kutoa huduma kwa wanachama wa NHIF ziendelee kutoa huduma kwa wanachama wa NHIF”

2. “Kamati ya Kitaalam niliyoiunda iendelee kufanya majadiliano na watoa huduma wakati huduma zikiendelea kutolewa, Nasisitiza majadiliano yataendelea wakati huduma zinaendelea kutolewa” .

3. “Nazielekeza hospitali au vituo vyote binafsi na vya umma kuendelea kuwapokea wagonjwa wa dharura pindi wanapofika katika vituo vyao kwani hili ni takwa la kisheria namba 151 la usajili wa vituo  binafsi vya afya na kanuni yake namba 32, kutokuwapokea wagonjwa wa dharura ni kuvunja sheria”.

4. “Hatutamvumilia mtoa huduma yeyote ambaye  atakiuka sheria ya kutoa huduma hivyo naomba wabadilishe matangazo yao isipokua mgonjwa wa dharura, tujikite kwenye kuwahudumia watanzania fedha Baadae.

5. Nimeona habari au tangazo wakisema watawatoa wagonjwa waliopo wodini ndani ya masaa 48 nataka kusema ni marufuku kuondoa wagonjwa waliopo wodini kwasababu kufanya hivyo ni kuvunja sheria ya madakatari”.

“Jambo la Mwisho nazielekeza Hospitali zote za Serikali kujiandaa na kuweka utaratibu mzuri wa kupokea wagonjwa wengi zaidi watakaoshindwa kupata huduma kwenye Vituo binafsi na kuwahudumia hasa kipindi hichi” .

Aidha Waziri wa Afya Mhe.Ummy Mwalimu amewataka Waganga Wakuu wa Mikoa kusimamia maelekezo ya Serikali.

TAARIFA KWA WAMILIKI WA VITUO BINAFSI KUHUSU UPATIKANAJI WA HUDUMA ZA MATIBABU KWA WAGONJWA

Maiti mochwari  kuzuiliwa, Wizara ya Afya yatoa ufafanuzi.

Wizara ya Afya inaendelea kuzikumbusha Hospitali zote za Umma kusimamia na kutekeleza Waraka huu  Namba 1 wa Mwaka 2021 wa KUTOZUIA MAITI NA KUWEKA UTARATIBU WA KULIPIA GHARAMA ZA MATIBABU NA MADENI.

Waraka huu ulisainiwa na aliyekuwa Katibu Mkuu Wizara ya Afya wakati huo Prof. Abel Makubi na kuanza kutekelezwa mara moja.

Wizara ya Afya inaendelea kuzikumbusha Hospitali zote za Umma kusimamia na kutekeleza Waraka huu Namba 1 wa Mwaka 2021 wa KUTOZUIA MAITI NA KUWEKA UTARATIBU WA KULIPIA GHARAMA ZA MATIBABU NA MADENI. Waraka huu ulisainiwa na aliyekuwa Katibu Mkuu Wizara ya Afya wakati huo Prof.… pic.twitter.com/u4Ag3vRo4s

— Wizara ya Afya Tanzania 🇹🇿 (@wizara_afyatz) January 21, 2024