kuvimba vidole vya mikono chanzo chake

kuvimba vidole vya mikono chanzo chake

Chanzo cha kuvimba Vidole vya Mikono ni nini? fahamu kupitia makala hii sababu mbali mbali zinazoweza kupelekea mtu kuvimba vidole vya mikono;

1. Uhifadhi wa Maji(Fluid Retention)

Kuvimba Vidole vya Mikono kunaweza kutokea wakati mwili unapokusanya kiwango kikubwa cha maji kwenye tissues au joints,

Unaweza hata kuwa na shida ya kupenyeza pete kwenye kidole kwa sababu ya kuvimba, Kula Chakula cha chumvi sana kunaweza kuchangia shida hii pia,

Lakini Wakati mwingine, vidole na mikono yako kuvimba inaweza kuashiria tatizo la kiafya linalohitaji uchunguzi zaidi.

2. Kufanya Mazoezi sana, pamoja na kupata Joto

Moyo wako, mapafu, na misuli zinahitaji oksijeni ili kuchochea mazoezi yako. Kwa hiyo, damu nyingi huenda kwenye maeneo hayo na chini inapita kwenye mikono yako.

Mishipa midogo ya damu huguswa na mabadiliko haya kisha kupanuka na kusababisha vidole vya mikono kuvimba,

Kitu kama hicho hutokea wakati mwili wako unapopata joto kutokana na hali ya hewa ya joto. Ili kupoa, mishipa ya damu kwenye ngozi yako huvimba ili kuruhusu joto kuondoka. Hii ni kawaida kabisa.

3. Kuumia au kupata jeraha(Injury)

Unaweza kupata shida ya kuvimba vidole vya mikono baada ya kuumia, Kuumia huko kunaweza kuhusisha;

• kuchanika kwa Ligament,
• kuteguka vidole vyako,
• kujeruhi tendon,
• kutenganisha au hata kuvunjika kwa mfupa.

Ikiwa jeraha sio mbaya sana, matumizi ya vitu vya baridi kama barafu, kupumzika, na kutumia dawa za maumivu inaweza kuwa njia bora zaidi.

Muone daktari wako ikiwa huwezi kunyoosha kidole chako au vidole, una homa, au una maumivu makali.

4. Maambukizi(Infections)

Hizi hapa ni aina tatu za maambukizi ambayo huweza kusababisha kuvimba vidole vya mikono;

(i) Herpetic whitlow: Haya ni maambukizi ya herpes ambayo huweza kusababisha malengelenge madogo, yaliyovimba, yenye damu kwenye vidole.

(ii) Paronychia: Maambukizi kwenye kucha za vidole(nail base) yanayosababishwa na bacteria au fungus.

(iii) Felon: Maambukizi yanayosababisha maumivu pamoja na usaha kujaa kwenye ncha ya kidole,

Maambukizi kwenye kidole kama hayajapata tiba huweza kusambaa sehemu zingine za mwili.

5. Ugonjwa wa Arthritis, ambapo kuna aina mbili;

• Rheumatoid arthritis (RA)
• Psoriatic arthritis

Tatizo la Rheumatoid arthritis (RA) huweza kuathiri joints na kusababisha kuvimba,maumivu pamoja na kukakamaa,

Dalili hizi kwa mara ya kwanza huanza kuonekana kwenye joints za mikononi pamoja na vidole kwa ujumla, na kwa kawaida tatizo la Rheumatoid arthritis (RA) huathiri mikono yote miwili.

Psoriatic arthritis, tatizo hili huathiri watu wenye shida ya ngozi ambayo kwa kitaalam hujulikana kama psoriasis,

Mara nyingi tatizo hili husababisha uvimbe kwenye vidole vya mikono na miguu.

Aina zote mbili za arthritis ni mbaya na zinaweza kusababisha uharibifu wa viungo na matatizo mengine ya mwili ikiwa hujapata matibabu.

6. Kupata tatizo la Gout

Tatizo hili huweza kuwapata watu wanaokula sana nyama, vyakula vya baharini(seafood) pamoja na Pombe.

Gout huweza kusababisha maumivu na kuvimba kwenye vidole, hasa kwenye kidole kikubwa cha mguuni, ingawa hata kwenye joints za vidole vya mikononi huweza kutokea pia.

Tatizo la gout hutokea pale ambapo kukiwa na kiwango kikubwa cha uric acid kwenye damu ambacho hutengeneza fuwele au crystals kwenye joints.

7. Baadhi ya dawa, Zipo pia baadhi ya dawa ambazo huweza kuchangia uwepo wa tatizo hili la kuvimba Vidole vya Mikono.

8. Ugonjwa wa Figo

Figo zako hufanya kazi ya kuondoa taka mwili na maji ya ziada kutoka mwilini,

Moja ya ishara za kwanza ikiwa kuna shida kwenye figo ni pamoja na kuvimba kwenye vidole vyako, miguu na eneo karibu na macho yako.

Una uwezekano mkubwa wa kupata ugonjwa wa figo ikiwa una kisukari au shinikizo la damu.

Dhibiti matatizo haya ili kulinda figo zako au kuzuia ugonjwa kuwa mbaya zaidi. Ikiwa figo zako hazifanyi kazi vizuri, utahitaji kupandikiza au kufanyiwa dialysis.

9. Ujauzito

Kipindi cha Ujauzito ni kipindi ambacho mwili wa Mwanamke huweza kupokea mabadiliko mengi sana,

Moja ya mabadiliko hayo ni pamoja na; Mwanamke kuvimba vidole vya mikono, kwenye vifundo vya miguu(ankles) pamoja na miguu kwa ujumla.

Ingawa kuanza kuvimba sana kwa gafla maeneo kama vile; Usoni,kwenye mikono pamoja na kuvimba sana miguu huweza kuwa kiashiria cha tatizo la kifafa cha mimba(preeclampsia).

Tatizo hili huweza kuambatana na dalili zingine kama vile;

• Kupata maumivu makali ya kichwa
• Kupata maumivu ya tumbo
• Kuona marue rue au kupata shida ya kutokuona vizuri n.k

10. Ugonjwa wa SeliMundu(Sickle Cell Disease)

Seli nyekundu za damu kwa kawaida huonekana kama donuts na zinaweza kubadilika. Unapokuwa na ugonjwa wa seli mundu, seli huwa ngumu na zenye umbo la mpevu au hujulikana zaidi kama “crescent-shaped”.

Seli Hizi hukwama kwenye mishipa midogo ya damu na kuzuia mtiririko wa damu, Hali hii huweza kusababisha maumivu pamoja na kuvimba Kwenye mikono na miguu.

11. Tatizo la Lymphedema

Uvimbe huu hutokea wakati maji kwenye mfumo wa limfu hayawezi kuvutwa vizuri.

Wakati mwingine ni athari ya upande wa matibabu ya saratani. Wanawake walio na saratani ya matiti mara nyingi huondolewa nodi za limfu kwenye makwapa ili kuangalia saratani.

Hii inaathiri mtiririko wa limfu na inaweza kusababisha uvimbe kwenye mikono.

Mionzi inaweza kuharibu nodes na kufanya tatizo kuwa mbaya zaidi. Lymphedema inaweza kutokea wakati wowote baada ya matibabu. Haiwezi kuponywa, lakini inaweza kudhibitiwa.

12. Ugonjwa kama Raynaud’s Disease

Ugonjwa wa Raynaud ni tatizo la nadra kutokea ambalo huathiri mishipa ya damu kwenye vidole vya mikono na vidole vya miguuni.

Tatizo hili huweza kusababisha mishipa kuwa myembamba wakati unahisi baridi au mkazo(stress). Ukosefu wa mtiririko wa damu hufanya vidole kuwa vya baridi na kupata maumivu.

Vidole vinaweza kugeuka rangi na kuwa vyeupe au bluu, Wakati mishipa ya damu inafunguka na damu kurudi, vidole vyako vinaweza kuvimba. Katika hali mbaya zaidi, ukosefu wa mtiririko wa damu unaweza kusababisha vidonda au hata kuua tishu.

13. Tatizo la Scleroderma

Huu ni ugonjwa unaohusisha mfumo wa kinga Mwili ambao hudanganya mwili wako kutengeneza protini nyingi inayoitwa collagen.

Hii huimarisha na kuifanya ngozi kuwa ngumu na inaweza kuathiri sehemu nyingine za mwili pia,

Mikono yako inaweza kuwa migumu na vidole vyako vinaweza kuvutwa zaidi au kuvimba. Watu wengine wana dalili ndogo. Katika hali mbaya zaidi, viungo vinaweza kujeruhiwa. Scleroderma haiondoki yenyewe bali inaweza kutibiwa.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.