Mlipuko kutoka kwa bomba la mafuta lililoharibiwa waua watu 20

Mlipuko kutoka kwa bomba la mafuta lililoharibiwa waua watu 20.

Takriban watu 20 wamefariki kutokana na mlipuko uliotokea katika eneo la kuchotea mafuta katika eneo la Omoku, Ogba/Egebema/Ndoni katika Jimbo la Rivers nchini Nigeria.

Kisa hicho kilitokea Jumapili asubuhi, Desemba 24, baada ya vijana kudaiwa kuvunja bomba la kampuni moja ya kimataifa ya mafuta inayofanya kazi katika eneo hilo na kuanza kuchota mafuta.

Moto huo uliwaua wale wote waliokuwa wakichota mafuta karibu na bomba hilo,

Huku Watu 20 wakihofiwa kufariki, wengi wao waliungua kwa viwango tofauti na wanapokea matibabu katika hospitali tofauti eneo hilo.

“Ni tukio baya sana. Hebu fikiria vifo vya watu 20 katika wakati kama huu. Tulijifunza kwamba baadhi ya vijana walichoma bomba la kampuni hiyo.

“Ukienda katika Hospitali Kuu na zahanati zingine za kibinafsi huko Omoku, utaona watu wengi waliojeruhiwa wametawanyika kila mahali katika hospitali za serikali na za kibinafsi wakipokea matibabu,” chanzo kiliongeza.

Katibu Msaidizi wa kikundi cha walinzi katika eneo hilo, Baraza la Ushauri la Amani na Usalama la Onelga, Emeka Agbabere, alilaumu tukio hilo kwa uchomaji mafuta kinyume cha sheria.

Agbabere alisema vikundi, Kamati ya Maendeleo ya Jamii na vijana walielekezwa na mfalme katika eneo hilo kusitisha shughuli za uchomaji mafuta huko.

Hata hivyo alielezea kusikitishwa kwake, kwamba kampeni za mara kwa mara za vijana kukomesha uvamizi haramu hazijazaa matokeo.