Maneno ya mwisho ya Edward Lowassa kabla ya Kufariki.

Kutoka Monduli Mkoani Arusha @AyoTV_ ilifanya mahojiano na Fred Lowassa ambaye ni Mtoto wa kwanza wa Waziri Mkuu Mstaafu Hayati Edward Lowassa lakini pia ni Mbunge wa Jimbo la Monduli ambapo pamoja na mambo mengine amezungumzia jinsi Edward Lowassa alivyokuwa kwa Watoto wake na kwa Marafiki zake.

“Alikuwa ni Baba aliyependa Watoto wake, Baba mkali hakutaka utani Shuleni, na alitaka kila Jumapili twende Kanisani, kwenye kazi ya Siasa msingi ni ubunifu, uchapakazi, ujitahidi kuwa Mtu wa maridhiano”

“Mara ya mwisho naongea na Mzee aliniambia najisikia vizuri, akasema nina maumivu hapa, akaomba tumletee supu kabla halijatokea tatizo pale Muhimbili, Baba alikuwa Mwaminifu yani akisema Wewe ni rafiki yangu hata aje nani amwambie nini yeye atasema hapana huyu namwamini ni Rafiki yangu na nitahangaika nae mpaka mwisho, Lowassa hakuwahi kumsaliti Rafiki yake hata mmoja”

Via:MillardAyoUPDATES

#BREAKING: Waziri Mkuu Mstaafu wa Tanzania, Edward Lowassa (70) amefariki Dunia leo.

Waziri Mkuu Mstaafu wa Tanzania, Edward Lowassa (70) amefariki Dunia leo February 10,2024 katika Taasisi ya Moyo ya Jakaya Kikwete Jijini Dar es Salaam.

Makamu wa Rais , Dkt. Philip Mpango ametangaza taarifa za kifo cha Lowassa muda huu akiwa LIVE kupitia TBC.

Via:TBC

Lowassa alihudumu katika nafasi ya waziri mkuu kati ya mwaka 2005 hadi 2008 chini ya uongozi wa rais wa zamani Jakaya Kikwete.

Mwaka wa 2015 aliwania urais kwenye uchaguzi mkuu akiwa mgombea wa chama cha (CHADEMA) ambapo alishindwa na aliyekuwa rais hayati John Magufuli.

Serikali imetangaza siku tano za maombolezo ya kitaifa kuanzia leo Jumamosi.

#RIP #Edward Lowassa