Mama mjamzito anatakiwa alale vipi

Staili za kulala kwa mama mjamzito,Soma hapa kufahamu

Inaweza isiwe mara ya kwanza kwako kusikia kwamba,si kila staili ya kulala ni nzuri kwa mama mjamzito,

huenda ukawa umesikia mama mjamzito akilala sana chali atagandamiza mshipa mkubwa wa damu uonapita eneo la mgongoni na kusababisha mzunguko mbaya wa damu, mtoto kukosa hewa,chakula na hata kupoteza maisha.

Ni kweli kabsa sio kila staili ya kulala ni nzuri na salama kwa mama mjamzito, na Leo tunakuchambulia baadhi ya staili za kulala kwa mama mjamzito;

Staili za kulala kwa mama mjamzito

✓ Ulale ubavu wa Kushoto Au Kulia?

Siku zote madaktari wanashauri kina mama wajawazito kulala ubavu mmoja hasa upande wa kushoto ili kuepuka kuzaa mtoto mfu au mtoto mwenye uzito mdogo kwa sababu mwanamke mjazito anapolalia ubavu wake wa kushoto huongeza mzunguko wa damu kwa kiumbe kilichomo ndani yake.

Ukweli ni kwamba, Kulala upande wa kushoto wakati wa ujauzito huwezesha mtiririko mzuri wa damu na kuhakikisha kwamba viungo muhimu na mtoto hupokea virutubisho na oksijeni.

Sleeping on the left side during pregnancy facilitates blood flow, ensuring that vital organs and the baby receive the nutrients and oxygen. 

Pengine wajiuliza namna gani sahihi ya kulala kwa mjamzito? Wakati wa ujauzito madaktari wanapendekeza zaidi ulae kwa ubavu hasa kama mimba yako imeshakuwa kubwa. Hii ni kwasababu ya kuepuka kubonyeza mshipa mkubwa wa damu na kuzuia mtiririko mzuri wa damu inayozunguka kuelekea kwenye kizazi.

Kulala Kwa Ubavu wa Kushoto

Kulala kwa ubavu wa kushoto ni mkao sahihi zaidi kwa mama mjamzito ikilinganishwa na staili zingine za kulala kwa mjamzito. Kwasababu mkao huu unaruhusu mzunguko mzuri wa damu kutoka kwenye moyo wa mama kuelekea kwa mtoto.

Kulala kwa ubavu wa kushoto pia kunapunguza mgandamizo kwenye ini na figo. Hii itasaidia kupunguza kuvimba kwa vidole vya mikono , miguu na kwenye enka.

Je ni kweli Kulala Upande flani Ni kigezo cha Jinsia ya Mtoto?

Unaweza kuwa umesikia tetesi kwamba mwanamke akipenda kulalia upande flani basi ni jinsia fulani ya mtoto. Hii ni tetesi tu haina ukweli wowote. Hakuna utafiti wowote unaoonesha ukweli wa jambo hili.

Miezi Mitatu Ya Kwanza Ya Ujauzito(First Trimester)

Kipindi hiki unaruhusiwa kulala kwa namna yoyote, aidha kwa ubavu wa kushoto, kulia, kulalia tumbo au hata mgongo. Lakini kama unataka kujizoesha mapema kwa ajili ya baadae basi anza kulala kwa kuweka mto katikati ya miguu yako. Hii itakusaidia ufurahie usingizi na usipate kashkashi zozote.

Miezi Mitatu Ya katikati ya ujauzito(Second trimester)

Kadiri tumbo linavoongezeka utahitaji kupata godoro imara ambalo halibonyei sana kujizuia mgongo kujikunja sana unapolala. Endelea kutumia mto katikati ya miguu.

Miezi mitatu ya mwisho(Third trimester)

Endelea kutumia mto kukupa sapoti katika miezi hii ya mwisho kuelekea kujifungua. Katika kipindi hiki pendelea zaidi kulala kwa ubavu wa kushoto. Na mara chache lala kwa ubavu wa kulia, hakikisha pia unaweka mto mwingine eneo la kichwa liwe juu kidogo.

✓ Kulala Chali je ni Sahihi na Salama?

Wanawake wajawazito wanaopenda kulala chali wapo kwenye hatari ya kuzaa mtoto mfu(stillbirth),kulingana na wanasayansi. Katika utafiti uliofanyika nchini Ghana, wanawake wajawazito ambao walipenda kulala chali wakati wa ujauzito walikuwa kwenye hatari mara tano zaidi ya kuzaa watoto wenye uzito mdogo na kwa wanawake wengine walizaa watoto wafu.

Utafiti huu ulifanyika nchini Ghana kutokana na kuwa kati ya watoto 1000 wanaozaliwa 20 hadi 50 kati yao hufariki dunia. Hata hivyo, utafiti mpya uliofanyika nchini New Zealand pia umehusisha kulala chali kwa mwanamke mjamzito na idadi kubwa ya watoto kufariki wanaozaliwa katika nchi zenye raia wenye kipato kikubwa.

✓ Kulala kwa Tumbo ni Salama?

Pengine umekuwa ukijiuliza vipi naweza kulala kwa tumbo nikiwa na mimba na isilete madhara yoyote? Jibu ni ndio unaweza kulala kwa tumbo kwa week 16 za kwanza za mimba. Kadiri mimba inavokuwa kubwa wewe mwenyewe itakushinda kulala na tumbo na itabidi ubadili mkao.

Usiwe na hofu kwamba mimba itaharibika pengine ikitokea kwa bahati mbaya umelala na tumbo. Mtoto analindwa na majimaji ya amniotic fluid kwenye chupa yake.

✓ Kulala kwa Mgongo

Kulala kwa mgongo ni salama ukiwa kwenye miezi mitatu ya mwanzo. Baada ya hapo kulala kwa mgongo itakuwa siyo salama kwani itasababisha upate matatizo ya maumivu chini ya mgongo, bawasili, matatizo ya tumbo na pia damu kutozunguka vizuri inavotakiwa.

Ikitokea mara chache usiku ukajisahau na kulala kwa mgongo basi usiwe na hofu badilisha tu mkao na maisha yaendelee vizuri mpaka ukishajifungua.

Ni matumaini yangu umejifunza na kuelewa vizuri kuhusu Staili za kulala kwa mama mjamzito.... Mungu akujalie Uzazi Salama, na Ujifungue salama katika Safari hii....!!!!!!!

Dalili za hatari kwa mama mjamzito ni zipi

Moja ya Vitu ambavyo Wakina mama Wajawazito hupewa ELIMU wanapohudhuria kliniki kuanzia Siku ya Kwanza ni Pamoja na kufundishwa Kuhusu Dalili za hatari wakati wa Ujauzito(Danger Signs),

Ukiwa unafahamu Dalili za hatari wakati wa Ujauzito itasaidia sana Kuchukua hatua Mapema Pale unapoona Viashiria vya hatari kwenye Ujauzito wako.

Kwa hali ya Kawaida,Asilimia kubwa ya Mahudhurio ya Kliniki huwa Manne,lakini mabadiliko hutokea kulingana na hali ya Ujauzito wako,

Hivo basi,Mahudhurio ya kliniki huweza kuzidi MANNE(4) kulingana na Hali ya Ujauzito wako

MAHUDHURIO MANNE YA KLINIKI

1. Hudhurio la Kwanza:Ujauzito ukiwa na umri wa kabla ya wiki 16, Lakini kila hospital huweza kuweka utaratibu wao wa Muda wa kuanza Hudhurio la kwanza la kliniki, Ila Protocol,Baada tu ya kuwa Mjamzito unatakiwa kuanza kliniki
2. Hudhurio la Pili: Ujauzito ukiwa na wiki 20 mpaka 24
3. Hudhurio la Tatu: Ujauzito ukiwa na wiki 28 mpaka 32
4. Hudhurio la Nne: Ujauzito ukiwa na wiki 36 Mpaka 40

Ziko dalili nyingi ambazo zinaweza kumpata mama mjamzito na iwapo utaona dalili hizi ni vyema ukafika katika kituo cha kutolea huduma mapema iwezekanavyo.

Ziko jamii za watu ambazo zimekuwa zikichukulia dalili hizi kama hali ya kawaida na wengine wamekuwa wakijitibia nyumbani pasipo kujua madhara yanayoweza kutokea iwapo hatua stahiki hazitachukuliwa.

Je Dalili za Hatari ni Zipi?

1 Kuvuja damu Ukeni

2. Mwili kutetemeka au kupata convulsions/fits

3. Kupata Maumivu makali sana ya kichwa

4. Pamoja na macho kuona marue rue

5. Kuwa na Homa kali

6. Kupata maumivu makali sana ya Tumbo

7. Kuvimba sana miguu,uso Pamoja na mikono.

HIZI HAPA NI BAADHI YA DALILI ZA HATARI WAKATI WA UJAUZITO

1. Mama mjamzito Kuishiwa nguvu au kushindwa/kukosa nguvu za kutoka kitandani

2. Changamoto ya upumuaji (kuhema haraka haraka au kukosa pumzi)

3. Dalili zote za Degedege

4. Dalili zote za kifafa cha mimba kama vile;

• mjamzito kuona marue rue
• mjamzito kuvimba sana miguu,mikono na uso
• mjamzito kuumwa sana na kichwa
• presha kuwa juu sana pamoja na uwepo wa protein kwenye mkojo n.k

5. Homa kali au joto la mwili kuwa juu sana

6. Maumivu makali ya tumbo

7. Kupungua kwa kucheza kwa mtoto tumboni kusiko kwa kawaida. Au mtoto kuacha kucheza kabisa.

8.Chupa ya uzazi kupasuka kabla ya wakati yaani premature rupture of membrane

8. Maumivu makali ya kichwa na nuru hafifu

9. Kutokwa na damu ukeni

10. Kuvimba vidole, uso na miguu sana

11. Kutapika sana na kukosa hamu ya kula

N.K

Kila mama mjamzito pamoja na mwenza wake wana haki ya kupata elimu juu ya dalili hizi na iwapo wataziona basi ni vyema wakafika katika kituo cha afya ili kuokoa maisha ya mtoto tumboni pamoja na maisha ya mama mjamzito.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

Vyakula vya mama mjamzito anavyostahili kula

Fahamu kuhusu Vyakula Bora Ambavyo Mama Mjamzito Anastahili Kula ili Yeye na Mtoto Wawe na Afya Bora, Soma zaidi hapa kwenye Makala hii;

Kwa ajili afya ya mama na mtoto ni muhimu sana mama mjamzito apate chakula bora kilicho na madini yote kama vitamini na protini,

Mama mjamzito anatakiwa apate gramu 100 za protini kila siku. Mama mwenye ujauzito anapaswa kula vizuri kwa ajili ya afya yake na ile ya mtoto aliye tumboni.

Ifuatayo ni orodha ya baadhi ya vyakula ambavyo anatakiwa apate mama mjamzito kila siku ya ujauzito wake ili kuwa na afya bora.

Vyakula vya mama mjamzito anavyostahili kula

Vyakula bora ambavyo mama mjamzito na mtoto wake wanastahili kula Ni pamoja na;

1. chakula Jamii ya Kunde;

Mbegu za Kunde ni sehemu muhimu ya chakula kwa mama mjamzito kwa sababu huwa na kiwango kikubwa cha protini.

Kwa watu wasiokula nyama au wana uwezo mdogo tu kujipatia nyama mbegu za jamii ya kunde zinatosheleza mahitaji ya protini.

Hivi ni vyakula vya mimea kama vile;

• Soya,
• Peas,
• Karanga,
• Alfa alfa,
• Mikunde,
• maharage.

2. Mayai;

Mayai mawili kwa siku husaidia kuupa mwili protini, vitamini A na madini ambayo itasaidia kuzuia kupatwa na maradhi ya magonjwa mbali mbali.

3. Maziwa na vyakula vya jamii ya maziwa;

Ni muhimu mama mjamzito kupata Glasi nne au zaidi za maziwa ya aina yoyote pamoja na/au vyakula vyenye jamii ya maziwa kama jibini, mtindi na siagi.

Maziwa ni muhimu kwani yana protini, calcium, vitamini na virutubisho vingi.

Virutubisho hivi Vitasaidia ukuaji wa mifupa na misuli, Ni muhimu kwa kuongeza damu, kusaidia usingizi na kusawazisha mapigo ya moyo.

4. Viazi tamu;

Viazi vitamu vina vitamini A ambayo husaidia ukuaji wa macho ya mtoto,ngozi na mifupa

5. Nyama;

Nyama ya nguruwe,kuku au ng'ombe huwa na protini nyingi sana na husaidia katika ukuaji wa mwili wa mtoto hasa kwa mama mjamzito wa miezi minne.

6. Nafaka na vyakula vya Wanga;

Vyakula hivi huupa mwili nguvu ya kufanya kazi na pia ukuaji wa mtoto tumboni.

Vyakula hivi ni kama vile;

• mahindi,
• mtama,
• mihogo,
• vyakula vya ngano kama mkate n.k.

7. Matunda kama Parachichi;

Parachichi Ni matunda ambayo yana mafuta mengi maarufu kama fatty acid. parachichi inasaidia katika ukuaji wa ubongo,ngozi nyororo na ukuaji wa misuli ya mtoto tumboni.

8. Mboga za majani;

Mboga za majani kama spinach, kabeji, mchicha na matembele. Mboga hizi zinafaa ziwe zenye rangi ya kijani iliyokolea kwa sababu hizi ndizo zenye virutubisho vya kutosha.

Mboga hizi zitampa mama na mtoto wake Vitamin A na B, pia virutubisho vitakavyosaidia mwili kupata protini ya kutosha, ukuaji wa mwili, na utengenezaji wa damu. Kutopata mboga za kutosha kunaweza sababisha mama kupata ugonjwa wa Anemia(Upungufu wa damu).

9. Mafuta ya samaki;

Mafuta ya samaki huwa na Omega fatty acids ambayo inasaidia ukuaji wa ubongo na macho ya mtoto.

10. Maji;

Maji ni muhimu kwa mwili kwa sababu inasaidia kwenye mmenyenyo na unyonywaji chakula na pia husaidia kuzuia choo kigumu, Maji pia huzuia uvimbe wa mwili na maambukizi ya mfumo wa mkojo(UTI)

VYAKULA VYA KUEPUKA MAMA MJAMZITO

Je Ni vyakula gani vya kuepuka kula wakati wa ujauzito?

Ili mtoto azaliwe akiwa na afya njema pamoja na akili timamu, akiwa tumboni lazima alishwe lishe bora na mlo sahihi. Mwenye jukumu la kutoa lishe bora na sahihi kwa kiumbe kilichomo tumboni ni mama. Anatakiwa kujua aina ya vyakula anavyopaswa kula. Vivyo hivyo, anatakiwa kujua aina ya vyakula vya kuviepuka.

Katika makala ya leo, tunaangalia Pia orodha ya vyakula vilivyokatazwa. Mama mja mzito haruhusiwi kuvila vyakula vifuatavyo kwa faida ya kiumbe kilichomo tumboni na kwa faida yake mwenyewe:

1. Nyama mbichi

Epuka kula samaki wabichi mara kwa mara au nyama mbichi au iliyopikwa lakini haikuiva vizuri. Utajiepusha na uwezekano wa kula bakteria na vijidudu vingine hatari kwa afya ya mtoto tumboni. Mjamzito anapokula nyama, anatakiwa kuhakikisha imeiva sawasawa.

2. ‘Soseji” na “Sandwich”

Mjamzito haruhusiwi kula ‘soseji’, ‘sandwichi’ za nyama na vyakula vingine vilivyotengenezwa kwa nyama. Inaaminika kuwa nyama zinazoandaliwa kwa ajili ya kutengenezea vyakula kama hivyo, huwa vimewekewa vihifadhi vyakula (preservatives) ambavyo vinaweza visiwe vizuri kwa afya ya mtoto.

3. Samaki wenye zebaki (Mercury)

Wajawazito wamekatazwa kula samaki wenye kiasi kingi cha madini ya zebaki. Ulaji wa zebaji kwa wajawazito umehusishwa na uzaaji wa watoto taahira. Mfano wa samaki hao ni pamoja na Papa, Chuchunge na dagaa wakubwa.

4. Mayai Mabichi

Ulaji wa mayai mabichi au vyakula vilivyochanganywa na mayai mabichi, mjamzito haruhusiwi kuvila. Kuna baadhi ya ‘Ice Cream’ na ‘mayonaizi’ hutengenezwa kwa kuchanganywa na mayai mabichi. Mjamzito amekatazwa kuvila vyakula hivyo.

5. Maini

Epuka ulaji wa maini kwa kiwango kikubwa sana wakati wa ujauzito, Mbali na Maini kuwa na kiwango kikubwa cha madini aina ya chuma ambayo ni muhimu sana kwenye utengenezaji wa damu na kuongeza wingi wa damu kwa mjamzito. Hata hivyo, yana kiasi kikubwa cha Vitamin A ambacho huweza kuwa na madhara kwa mtoto kikizidi.

6. Maziwa mabichi

Maziwa mabichi huweza kuwa na bakteria ajulikanae kama ‘Listeria’, ambaye huweza kusababisha kuharibika kwa mimba. Unapokunywa maziwa, hakikisha yamechemshwa au kama ni ya paketi hakikisha ni yale yaliyoandikwa‘Pasteurized’ na siyo ‘Unpasteurized’.

7. Kafeini (Caffeine)

Ingawa baadhi ya utafiti unaonesha kuwa unywaji wa kiasi kidogo cha kafeini hauna madhara, lakini kuna utafiti mwingine unaonesha kuwa unywaji wa kafeini una uhusiano na kuharibika kwa mimba. Kafeini ni aina ya kirutubisho kinachopatikana ndani ya kahawa.

Iwapo mjamzito atakunywa kahawa, basi anywe kiasi kidogo sana kisichozidi kikombe kimoja kwa siku. Kwa kawaida kahawa hukausha maji mwilini, hivyo unywaji wake husaidia kukauka maji mwilini ambayo ni muhimu sana kwa mjamzito.

Utafiti mwingine unaonesha kuwa kafeini inahusishwa pia na uharibikaji wa mimba, uzaaji wa watoto ‘njiti’ na watoto wenye uzito mdogo. Ni vizuri kunywa maji ya kutosha, maziwa na juisi na kuepuka kunywa vinywaji vyenye kahawa.

8. Pombe

Hakuna ushahidi unaothibitisha kuwa unywaji wa pombe kiasi kidogo wakati wa ujauzito hauna madhara, kwa maana hiyo matumizi ya pombe hayaruhusiwi kabisa wakati wa ujauzito, hata kama ni kidogo.
Unywaji wa pombe wakati wa ujauzito huweza kuathiri ukuaji mzuri wa mtoto. Kutegemeana na kiasi atakachokunywa mjamzito, pombe inaweza kumsababishia mtoto ugonjwa hatari utokanao na pombe (Fetal Alcohol Syndrome).

VYAKULA GANI NI MUHIMU SANA KUTUMIWA NA WAJAWAZITO?

Lishe bora wakati wa ujauzito ni muhimu sana, kwani lishe hii hutumika kwa mama na mtoto anaendelea kukua tumboni. kwa kawaida mahitaji ya chakula na virutubisho mwilini mwa mwanamke huongezeka wakati wa ujauzito na kadri ujauzito unavyoendelea kukua, virutubisho hivyo hutumika kujenga mwili wa mama na mtoto. hivyo maamuzi ya lishe au lishe mama anayopata huathiri pia maendeleo ya mtoto anayekua mwilini mwake. tutaona vyakula muhimu vya kuzingatia lishe bora wakati wa ujauzito na baadhi ya vitu vya kukwepa.

Mlo kamili (balanced diet), ni muhimu kwa ajili ya maendeleo mazuri ya afya ya mjamzito na mtoto tumboni. Pamoja na mlo kamili mjamzito hupewa virutubisho ziada (supplements) kwa ajili ya kuongeza madini kama ya chuma na Foliki. Mlo kamili unajumuisha vyakula vya wanga, protini, mafuta, vitamini, madini na maji kama inavyochambuliwa hapa chini:

- Nafaka na vyakula vya wanga

Vyakula hivi huupa mwili nguvu za kufanya kazi ikiwemo ukuaji wa mtoto tumboni. Vyanzo vya wanga ni kama nafaka mbalimbali(mahindi,mtama,ulezi n.k), viazi, ndizi, mihogo. Ni vizuri mjamzito awe anapata nafaka kamili(whole grains) kama mahindi, ngano na mchele usiokobolewa; cereals n.k.

- Nyama, samaki na vyakula vya protini

Hivi ni muhimu kwenye kuujenga mwili, hasa kipindi cha miwezi wa 4 mpaka wa 9 ambacho viungo mbalimbali vya mtoto vinajengwa. Ni muhimu mama apate vyakula vya protini vya kutosha ili kuhakikisha ukuaji wa mtoto unaenda vizuri. Nyama za kuku, ng’ombe, mbuzi, senene, panzi na wanyama wengine ; vyanzo vya protini za mimea kama maharage, soya, njugu, njegere, karanga,korosho n.k . Samaki, maziwa, mayai ni vyanzo vingine vya protini muhimu

- Vyakula vya mafuta

Hutumika kwenye kuupatia mwili nguvu pamoja na ujengaji wa seli za mwili. Mara nyingi vyakula kama nyama, karanga, ufuta, alizeti,senene, panzi, samaki na matunnda kama maparachichi huwa na mafuta. Ni vizuri kutumia mafuta yatokanayo na mimea ili kupunguza mafuta yenye lehemu(cholesterol) nyingi.

- Mboga za majani na matunda

Matunda na mboga za majani ni sehemu muhimu sana ya mlo wakati wa ujauzito, kwani huupatia mwili vitamini, madini na kambakamba kwa ajili ya kulainisha chakula. Vitamini husaidia kuimarisha kinga ya mwili sambamba na ufanyaji kazi wa mwili. Madini kama ya chuma, kalsiamu, zinki, madini joto(Iodine) na magneziamu ni muhimu kwa ukuaji salama wa mtoto tumboni mwa mama.Vitamini B9 (Foliki asidi) na madini ya chuma hutolewa kama virutubisho ziada kliniki wakati wa ujauzito ili kutosheleza mahitaji ya mwili na kuzuia hatari ya upungufu wa damu kutokea.

- Maji

Maji ni muhimu kwenye mmenyenyo na unyonywaji wa chakula, pia husaidia kuzuia choo kigumu, mwili kuvimba na maambukizi ya mfumo wa mkojo (UTI). Inashauriwa mjamzito anywe maji si chini ya lita 2.3 kwa siku, yanaweza kuwa katika chai, juisi, soda, au maji yenyewe. Ni vema zaidi kama akinywa maji kama maji zaidi na kupunguza vinywaji kama soda.

MFANO WA MPANGILIO WA MLO

Ili kuhakikisha mlo kamili mjamzito anaweza kufuata mfano wa mpangilio wa mlo ufuatao. Katika mpangilio huu inashauriwa kuchagua aina moja ya chakula kutoka katika kila herufi A mpaka E ili kuweza kuupata mlo kamili.

Mfano:

MLO WA ASUBUHI:

A – Chungwa/ Embe/ Ndizi mbivu/ Parachichi
B – Mkate/ Maandazi/ Chapati/ Vitumbua/ Uji
C – Karoti
D – Mayai
E – Maziwa/ Mtindi/ Siagi/ Maziwa ya Soya

MLO WA MCHANA:

A – Parachichi/ Papai/ Ndizi/ Embe na chungwa
B – Ugali/ Wali/ Ndizi/ Makande/ Tambi
C – Mchicha/ matembele/ Mnavu/ Kisamvu/ Spinach/ Kabeji
D – Maharage/ Samaki/ Kuku/ Njugu/ Nyama/ Dagaa
E – Maziwa/ Mtindi/ Siagi/ Maziwa ya Soya.

MLO WA USIKU:

A – Parachichi/ Papai/ Ndizi/ Embe na Chungwa
B – Wali/ Ndizi/ Viazi/ Tambi/ Chapati
C – Mchicha/ Matembele/ Mnavu/ Kisamvu/ Spinach/ Kabeji,
D – Maharage/ Samaki/ Kuku/ Njugu/ Nyama/ Dagaa
E – Maziwa/Mtindi/Siagi/Maziwa ya Soya.

SOMA Zaidi Hapa: Kuhusu Vyakula vya kuepuka Wakati wa Ujauzito

Cr Source:

• Afyatrack
• Healthline
• WebMd

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

 MADHARA YA FENI KWA MAMA MJAMZITO

Makala hii imetoa maelekezo kuhusu madhara mbali mbali ya Kulala na Feni au kutumia feni Kwa mama mjamzito, na sio hivo tu madhara haya huweza kumpata mtu yoyote hata ambao sio wajawazito,watoto n.k

1. Kupatwa na shida ya kupiga chafya sana mara kwa mara, hii ni kutokana na vumbi ambalo huweza kuingia kwenye mfumo wa hewa kutoka kwenye mazingira yanayokuzunguka,

Hivo mtu huweza kuwa na allergic reaction dhidi ya vumbi pamoja na vitu mbali mbali kutokana na matumizi ya feni

2. Ngozi kukauka sana, hii huweza kutokea na kuonekana kwenye maeneo mbali mbali ya mwili wako kama vile,kwenye mikono,miguuni pamoja na Lips za mdomoni kupauka sana

3. Hali ya mdomo kukauka kupita kawaida na wengine hadi midomo kuchanika kwenye Lips, hii ni kutokana na hewa ya feni kupuliza na kukausha kabsa unyevu unyevu mdomoni

4. Mama mjanzito kupatwa na tatizo la Pua kuvimba au kwa kitaalam hujulikana kama Runny nose,

Hali hii hutokea mara nyingi hasa kwa wale wajawazito ambao wanalala na feni karibu sana,kiasi kwamba hewa ya feni inapuliza karibu kabsa na pua,

Kitu ambacho huweza kusababisha unyevu unyevu ndani ya pua au kwenye Nasal passage kukauka, na kupelekea mwili kuanza kuongeza juhudi za kurudisha unyevu unyevu ndani ya pua na kisha mama mjamzito kuvimba pua yake

5. Kupatwa na shida ya Macho kuwasha sana yaani Eye irritation, Hali hii huweza kutokea kutokana na vumbi pamoja na Impurities mbali mbali kuingia machoni kutokana na kupulizwa na hewa ya feni,

Lakini pia baadhi ya watu kupatwa na shida ya allergic reaction kwenye ngozi ya macho

6. Mtu kupatwa na Hali ya koo kukauka kupita kawaida, pamoja na kiu ya maji kuongezeka sana mara kwa mara

KUMBUKA; Kama umeshindwa kabsa na wewe ni mjamzito unashauriwa kupunguza sana speed ya Feni yako na pia iwe mbali na wewe,usiweke feni karbu sana na wewe.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

 MADHARA YA TANGAWIZI KWA MJAMZITO

- Ukweli ni kwamba wakina mama wengi wajawazito hutumia tangawizi,hasa pale wakipatwa na shida kama vile kichefuchefu pamoja na kutapika,

hali ambazo huweza kuanza kwenye miezi 3 ya mwanzo kwenye ujauzito yaani First tremester

Hali ya kichefuchefu na kutapika wakati wa ujauzito kwa kitaalam hujulikana kama Hyperemesis gravidarum na Emesis Gravidarum.

Endapo matumizi ya Tangawizi ni ya kiwango kidogo sana mfano Gram 1 ya Tangawizi Mbichi na sio ile ya Unga, sio tatizo kwa mama mjamzito.

• Pia Tangawizi hii huweza kutumiwa na Wajawazito ambao wapo kwenye hatari ya kupatwa na kisukari cha Mimba yaani Pre diabetic Gestational, na ni chanzo kizuri cha Calcium,madini chuma,Zinc n.k

MADHARA YA TANGAWIZI KWA MAMA MJAMZITO

- Endapo mama mjamzito utatumia tangawizi kwa kiwango kikubwa unaweza kupatwa na madhara mbali mbali kama vile;

1. Kuharibu mimba hasa ikiwa changa kama umetumia kwa kiwango kikubwa

2. Kupatwa na shida ya mvurugiko wa tumbo mara kwa mara

3. Kupatwa na shida ya kiungulia zaidi kwa baadhi ya wajawazito

4. Kupatwa na tatizo la maumivu makali ya kichwa kwa baadhi ya wajawazito

5. Na wengine huweza kupatwa na matatizo kama vile maumivu makali ya tumbo, kuharisha n.k

KUMBUKA; Endapo unatumia dawa kama Nifedipine,Metformin,Insulin,Asprin, Ongea kwanza na wataalam wa afya kabla ya matumizi ya Tangawizi.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

 DAWA AMBAZO HAZIRUHUSIWI KUTUMIA MAMA MJAMZITO

Kuna dawa nyingi ambazo haziruhusiwi kwa matumizi ya mama mjamzito hasa katika miezi mitatu(3) ya mwanzo yaani first trimester ambapo uumbaji wa viungo mbali mbali vya mtoto aliyetumboni hufanyika.

Hivo zifuatazo ni baadhi ya dawa ambazo huweza kuongeza uwezakano wa mtoto kupata matatizo kwenye uumbaji wake na mama mjamzito anashauriwa kutokutumia kabsa au kutumia baadhi ya dawa hizi kwa maelekezo ya kina na uangalizi wa karibu kutoka kwa wataalam wa afya pale ambapo hakuna mbadala wake;

1. Dawa za maumivu jamii ya Asprin pamoja na Ibuprofen(Motrin,Advil)

2. Dawa jamii ya Isotretinoin ambapo mwanzoni zilikuwa zinajulikana kwa jina la Accutane

3. Thalidomide ambayo hutumika kwa ajili ya kutibu magonjwa mbali mbali ya ngozi pamoja na tatizo la multiple myeloma

4. Albendazole za minyoo,badala yake mama mjamzito hushauriwa kutumia mebendazole pale afikapo kliniki

5. Dawa jamii ya Bismuth subsalicylate kama vile Pepto-Bismol n.k

6. Dawa jamii ya phenylephrine

7. Dawa za mafua na kikohozi ambazo ndani yake zina Guaifenesin

8. Dawa jamii ya ACE inhibitors kama vile Benazepril pamoja na Lisinopril

9. Baadhi ya dawa kwa ajili ya kudhibiti hali ya mtu kutetemeka mwili(Seizures) mfano kwa mgonjwa wa kifafa cha mimba, dawa hizo ni kama vile Valproic acid haziruhusiwi kutumika kabsa

10. Baadhi ya dawa jamii ya viuwajivisimu(antibiotics) kama vile Doxycycline pamoja na Tetracycline

11. Dawa za methotrexate ambazo kuna muda hutumika kwa ajili ya tatizo la arthritis

12. Dawa jamii ya Warfarin kama vile coumadin

13. Dawa za lithium ambazo hutumika kutibu tatizo la Bipolar depression

14. Dawa jamii ya Alprazolam kama vile Xanax,Diazepam mfano wa valium n.k

15. Dawa jamii ya Paroxetine kama vile paxil ambazo hutumika kwa watu wenye matatizo ya depression pamoja na matatizo mengine

16. Matumizi ya dawa jamii ya Chloramphenicol huweza kusababisha matatizo kwenye damu pamoja na tatizo la mtoto kuzaliwa na shida ya Gray baby syndrome

17. Matumizi ya ciproflaxin maarufu kama Cipro kwa magonjwa mbali mbali kama vile UTI pamoja na Matumizi ya dawa za Levofloxacin

18. Matumizi ya dawa za Primaquine ambazo hutumika kutibu ugonjwa wa Malaria

19. Sulfonamides ikiwa na maana ya antibiotics au dawa zote zenye sulfa ndani yake

20. Matumizi ya antibiotics za Trimethopram(primsol) huweza kusababisha hitilafu kwa mtoto ambayo hujulikana kama neural tube defects

21. Matumizi ya Codeine kwa ajili ya kuondoa maumivu huweza kusababisha shida ya withdrawal symptoms kwa mtoto

22. Matumizi ya Lorazepam kwa ajili ya kutibu tatizo la wasi wasi au Anxiety disorders pamoja na matatizo mengine yanayohusu afya ya akili

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.