Tukio la kuzama kwa meli iitwayo MV Maman Benita.

Shirika la Uwakala wa Meli Tanzania (TASAC) limetoa taarifa kuhusu tukio la kuzama kwa meli iitwayo MV Maman Benita iliyotokea katika Ziwa Tanganyika ambapo limesema meli hiyo iliyosajiliwa chini ya bendera ya Jamhuri ya Kidemokrasia ya Kongo, inamilikiwa na kampuni ya Kikongo, iitwayo Etablissement Manimani.

“Meli hiyo iliyoanza safari yake tarehe 6 Aprili 2024 majira ya saa 12:00 jioni ikitokea bandari ya Kigoma kuelekea Kalemie, Jamhuri ya Kidemokrasia ya Kongo ilikuwa imebeba jumla ya abiria 27 wakiwemo Watanzania watano, Wachina wanne , Raia wa Kongo 16, Raia mmoja wa Kenya pamoja na Mtoto mdogo”

“Meli hiyo iliyotarajiwa kuwasili Kalemie majira ya saa 8:00 usiku, haikufika ambapo asubuhi ya tarehe 7 Aprili 2024, wavuvi walifanikiwa kumwokoa abiria mmoja mwenye asili ya China na kisha kutoa tarifa kwa Mamlaka za Serikali ya Kongo juu ya kuzama kwa meli ya MV Maman Benita katika eneo la Kabimba, Nchini Kongo, baada ya kupata taarifa hiyo, zoezi la utafutaji na uokoaji lilianza mara moja ambapo hadi kufikia majira ya saa 1:00 usiku wa tarehe 7 April, 2024, Wahanga 17 walikuwa wameshaokolewa, kati yao ikijumuisha Wachina 2, Watanzania 3, na Wakongo 12”

“Chanzo cha kuzama kwa meli bado hakijajulikana isipokuwa Nahodha wa meli hiyo ameokolewa na timu ya Wataalamu tayari imekwenda eneo la tukio kwa ajili ya ufuatiliaji, zoezi la utafutaji kuokoa abiria waliosalia linaendelea”

Credits:MillardAyoUPDATES

📸PhotosEditor: Via MillardAyo

Reviewed by; @afyaclass

Boti yaua watu 94 waliokuwa wakikimbia mlipuko wa ugonjwa wa kipindupindu

Takriban watu 94 wamefariki, 26 hawajulikani waliko nchini Msumbiji baada ya boti isiyokuwa na leseni kupinduka.

Takriban watu 94 wamefariki wakiwemo watoto na wengine 26 hawajulikani walipo baada ya boti ya feri kupinduka katika pwani ya kaskazini mwa Msumbiji.

Boti hiyo ilikuwa imebeba watu waliokuwa wakikimbia mlipuko wa ugonjwa wa kipindupindu unaolikumba taifa hilo la Afrika Mashariki, shirika la utangazaji la serikali TVM liliripoti.

Meli hiyo ilikuwa mashua ya wavuvi iliyojaa kupita kiasi na haikuwa na leseni ya kusafirisha watu, Lourenco Machado, msimamizi wa INSTRASMAR, alisema kwenye Television ya serikali Jumatatu.

“Siku ya Jumapili tulisajili tukio la baharini ambapo takriban watu 94 walikufa wakati mashua iliyokuwa imebeba watu 130 ilipopinduka. Tumepata miili 94 na 26 haipo,” alisema.

Boti hiyo ilikuwa ikisafirisha watu kutoka Lunga katika jimbo la Nampula kwenda Kisiwa cha Msumbiji, alisema, akiongeza kuwa ripoti za awali zilionyesha kuwa ilikumbwa na wimbi kubwa la maji.

Abiria walikuwa wakikimbia mlipuko wa kipindupindu, Lilisema shirika la utangazaji la TVM, likimnukuu msimamizi mwingine wa baharini wa eneo hilo.

Jaime Neto, waziri wa mambo ya nje wa jimbo la Nampula, pia alisema kuwa abiria hao walikuwa wakikimbia kipindupindu.

“Kwa sababu boti hiyo ilikuwa imejaa watu wengi na haikufaa kubeba abiria, iliishia kuzama,” akiongeza kuwa watoto wengi walikuwa miongoni mwa waliofariki.

Credits; TVM

Photos: TVM,LIB, BBC

Editor; @afyaclass

Reviewed by: Dr.Ombeni Mkumbwa