Mama ashtakiwa kwa mauaji baada ya kutokea kwa kifo cha mwanae mwenye umri wa miaka minne kilichotokana na majeraha ya kisu.
Mwanamke mmoja amefikishwa mahakamani nchini Uingereza baada ya kushtakiwa kwa mauaji ya mwanawe mdogo.
Keziah Macharia, mwenye umri wa miaka 41, kutoka Barabara ya Montague huko Dalston, Hackney, alifikishwa kizuizini katika Mahakama ya Thames Ijumaa asubuhi akikabiliwa na shtaka la kumuua mwanae Kobi Macharia Dooly, ambaye alipatikana na majeraha mabaya ya kisu nyumbani kwake London siku ya Jumatano, Desemba 20.
Uchunguzi maalum wa maiti ulipangwa kufanyika siku hiyo hiyo, Polisi wa Metropolitan walisema Ijumaa asubuhi.
Polisi walianzisha uchunguzi baada ya kuitwa kwenye anwani hiyo katika Barabara ya Montague mwendo wa saa 10.50 jioni Jumatano.
Maafisa wanasema waliitwa kwenye anwani hiyo kufuatia kile walichokiita ‘wasiwasi kwa ajili ya ustawi wa mtoto’.
Maafisa wa upelelezi wanasema Kobi alipatikana katika anwani mtaani akiwa na majeraha ya visu.
Huduma za dharura zilimkimbiza hospitalini lakini baadaye alifariki kutokana na majeraha yake, licha ya juhudi kubwa za matabibu.
Majirani walikuwa wamemtaja Kobi kama mvulana ‘mwenye furaha’ mara nyingi akionekana akicheza kwenye skuta yake, na waliwaambia waandishi wa habari mwanamke alionekana akiongozwa na polisi akiwa amevalia nguo za kulalia.
Mwana mtaa mmoja aliliambia shirika la habari la PA ‘familia yenye upendo’ iliishi kwenye anwani hiyo, na kuongeza kuwa maafisa walilazimika kuingia kwenye ghorofa ya juu mtaani.
Mkazi huyo, mtengeneza nywele mwenye umri wa miaka 36, alisema: aliongeza: ‘Mara nyingi tulimwona mvulana akicheza kwenye skuta yake. Alikuwa na furaha na mwenye nguvu. ‘
Polisi wa Metropolitan hapo awali walisema hawatafuti mtu mwingine yeyote kuhusiana na shambulio hilo baada ya mwanamke huyo kukamatwa.
Msimamizi Mkuu wa Upelelezi James Conway alisema: ‘Tunafanya kazi na washirika wetu, ikiwa ni pamoja na Halmashauri ya Hackney na jumuiya ya shule, ili kuhakikisha msaada upo kwa watu wanaohitaji.’
.jpeg)
0 Comments