Mfalme Charles atoka hospitalini siku tatu baada ya upasuaji wa tezi dume(Picha)

Mfalme Charles atoka hospitalini siku tatu baada ya upasuaji wa tezi dume kuongezeka (Picha)

Mfalme Charles III ameruhusiwa kutoka hospitalini baada ya kufanyiwa upasuaji wa kutibu Tezi dume iliyoongezeka, kulingana na Taarifa ya Buckingham Palace.

Charles, mwenye umri wa miaka 75, alipigwa picha akiondoka The London Clinic Jumatatu alasiri, Januari 29,  na mkewe, Queen Camilla, kando yake.

“Mfalme aliruhusiwa kutoka hospitalini alasiri ya leo kufuatia matibabu yaliyopangwa na amepanga tena mazungumzo na umma yawe hapo baadae ili kuruhusu muda wa kupata nafuu binafsi,”

ikulu ilisema katika taarifa. “Mkuu wake anapenda kuwashukuru timu ya madaktari na wote waliohusika katika kuunga mkono ziara yake hospitalini, na anashukuru kwa ujumbe mzuri ambao amepokea katika siku za hivi karibuni.”

Charles aliaruhusiwa kutoka Kliniki ya London siku hiyo hiyo ambayo binti-mkwe wake Kate, Princess wa Wales, aliruhusiwa kutoka hospitali hiyo hiyo.

Kate, umri miaka 42, alienda nyumbani kutoka hospitali kwa faragha Jumatatu baada ya kukaa kwa takriban wiki mbili kufuatia “upasuaji uliopangwa wa tumbo” ambao ulifanyika Januari 16, kulingana na Kensington Palace.

Upasuaji huo “ulifanikiwa,” kulingana na ikulu. Kate, ambaye ameolewa na Prince William, mtoto wa Charles na mrithi wa kiti cha enzi ni mama wa watoto wao watatu.

Ikulu haikutoa maelezo zaidi juu ya aina ya upasuaji aliofanyiwa Kate, lakini ilisema kuwa hana uwezekano wa kurejea majukumu yake ya umma hadi baadaye msimu huu wa kuchipua.

Charles anatarajiwa kuanza tena mazungumzo ya umma baada ya “muda mfupi wa kupona.”