Ugonjwa wa ngozi sehemu za siri

Ugonjwa wa ngozi sehemu za siri

Yapo magonjwa mbali mbali ya ngozi ambayo huweza kuathiri Sehemu za Siri za Mwanaume na Mwanamke, na katika Makala hii tumechambua baadhi,

Kuwasha na maumivu ni dalili za mara kwa mara ikuwa una Ugonjwa wa ngozi. Dalili Nyingi hazina madhara lakini dalili hizi zinaweza kuashiria hali ya kutatanisha zaidi ambayo ingehitaji Msaada wa mapema.

Maambukizi ya mara kwa mara ni kama vile ya  Fangasi(candida),Masundosundo au warts, magonjwa ya ngozi kama vile pumu ya ngozi/ eczema au psoriasis.

Kuna pia hali zisizo za kawaida ambazo zinaweza kuathiri ngozi ya sehemu za Siri kama vile ugonjwa wa sclerosis au lichen planus n.k. Uvimbe na matuta yanaweza kutokea. Saratani za ngozi zinaweza kutokea n.k

Ugonjwa wa ngozi sehemu za siri

Baadhi ya Magonjwa ambayo huweza Kuathiri ngozi ya Sehemu za Siri ni pamoja na;

1. Fangasi sehemu Za Siri,Candida (thrush)

Ugonjwa wa Fangasi sehemu za Siri ni miongoni mwa magonjwa ambayo kwa kiasi kikubwa hushambulia ngozi ya Sehemu za Siri, Na moja ya dalili kubwa ni Mtu kupata muwasho sehemu za Siri.

#SOMA Zaidi hapa Fangasi sehemu za Siri kwa Mwanaume na Mwanamke

2. Maambukizi ya Genital herpes

Ugonjwa huu husababisha malengelenge kwenye sehemu za siri,unaweza kujitokeza na kundi la malengelenge madogo na/au vidonda. Vidonda vinaweza kuonekana kwenye vulva, ngozi ya matako,ngozi ya perianal au ngozi kwenye mapaja ya juu. Kawaida huweza kudumu kwa wiki kadhaa.

#Soma Zaidi hapa kuhusu Genital herpes

3. Masundosundo au Genital warts pamoja na molluscum contagiosum

Genital warts husababishwa na kirusi kinachojulikana kama human papillomavirus (HPV).

Tatizo hili pia huweza kuathiri ngozi ya Sehemu Za Siri.

#SOMA Zaidi hapa kuhusu Genital warts

Molluscum contagiosum haya ni maambukizi ya ngozi ambayo husababishwa na kirusi kinachoitwa pox virus, na inatoa vipele vidogo vya rangi ya ngozi kwenye ngozi.  Unaweza kupata kwa kugusana, ngozi kwa ngozi eneo la sehemu za siri,ambapo hii ni sehemu ya kawaida ya maambukizi.

4. Saratani ya Ngozi,

Pia Saratani ya ngozi huweza kuathiri eneo la ngozi ya Sehemu za Siri, hapa tunazungumzia Saratani kama vile melanoma skin cancer.

5. Magonjwa mengine ya ngozi ni pamoja na;

• Psoriasis
  Psoriasis ni ugonjwa sugu wa uchochezi kwenye ngozi ambao huathiri karibu 2% ya idadi ya watu. Psoriasis isiyo ya kawaida inaweza kuathiri ngozi kwenye sehemu ya kinena, uke, mikunjo ya paja, Vulva, ngozi ya perianal, na matako.
• Lichen sclerosus
  Lichen sclerosus ni ugonjwa sugu wa ngozi ambao unaweza kuathiri ngozi ya sehemu za siri. Unaweza kusababisha uwekundu au michubuko, mabaka meupe, kupoteza kwa usanifu wa kawaida wa uke na kubana kwa mlango wa uke.  Dalili ni pamoja na kuwasha,maumivu wakati wa kujamiiana n.k.  Sababu ya lichen sclerosus haijulikani lakini wakati mwingine inahusishwa na hali nyingine za autoimmune kama vile ugonjwa wa tezi.
• Lichen planus
  Lichen planus ya ngozi ni upele wa kawaida unaowasha ambao huelekea kuisha ndani ya wiki 2. Lichen planus ya vulva, hata hivyo, inaweza kudumu kwa muda mrefu zaidi, na kwa baadhi ya wanawake inaweza kusababisha maumivu ya sehemu ya uke.

KWA USHAURI ZAIDI,ELIMU AU TIBA JUU YA TATIZO HILI TUWASILIANE KWA NAMBA +255758286584.