Dalili za mimba hutokea baada ya siku ngapi

Kila mwanamke ana safari yake ya kuwa mama, hivyo dalili na wakati vinaweza kutofautiana. Baadhi ya wanawake wanaweza kuanza kuona dalili za mwanzo za ujauzito wiki moja au mbili baada ya mimba kutungwa, wakati wengine wataanza kuhisi dalili karibu na wiki nne au tano baada ya mimba kutungwa.

Wanawake wengine wanaweza wasihisi dalili hadi kipindi chao cha HEDHI kitakapochelewa sana, au hata zaidi katika ujauzito. Kulingana na utafiti uliochapishwa katika Jarida la “Journal of Clinical Epidemiology”, wanawake wengi (asilimia 59) walipata dalili za mwanzo wa ujauzito kwa wiki yao ya tano au ya sita, wakati asilimia 71 waliripoti dalili mwishoni mwa wiki ya sita na asilimia 89 kwa wiki ya nane.

Ikiwa hujisikii dalili zozote, usijali! Wanawake wengine hawatasikia dalili yoyote mapema na Watakwenda kuwa na mimba yenye afya – fikiria kuwa mmoja wa wale walio na bahati!

Dalili za Awali za Ujauzito

Dalili za mapema za Ujauzito huweza kuwa ni pamoja na;

1. Mwanamke kukosa hedhi,Missed Period

Ikiwa uko tayari kupata mtoto, huenda umekuwa ukifuatilia kipindi chako cha Hedhi na ukitazama kwa makini kila wakati unapotumia choo ili kuona kama kimeonekana mwezi huu.

Kukosa hedhi mara nyingi ni moja ya dalili za kwanza za ujauzito na inaweza kuwa ishara kwamba mtoto yuko njiani. Chukua Kipimo cha ujauzito ili kuona kama wewe ni mjamzito.

2. Matiti kubadilika umbo au size,kuuma,kuvimba,au hata kuwa na vidonda Sore Breasts

Je, matiti yako yanauma na kuvimba? Maumivu ya matiti ni dalili nyingine kwamba unaweza kuwa mjamzito, lakini kwa bahati mbaya, baadhi ya wanawake hupata maumivu haya kama sehemu ya mzunguko wao wa kawaida wa hedhi,hivyo inaweza kuwa vigumu kutambua tofauti.

Kwa kawaida, ikiwa umeshika mimba, maumivu haya huzidi zaidi baada ya muda, na unaweza kuanza kuona mabadiliko katika jinsi matiti yako yanavyoonekana.

3. Eneo la kuzunguka Chuchu kuwa Jeusi Zaidi, Darkening Areolas

Kama nilivyosema awali, kuwa matiti yako yanaweza kuanza kuonekana tofauti – umeona weusi zaidi kwenye eneo la areola(eneo kuzunguka chuchu)?

Areola ni eneo karibu na chuchu zako. Eneo hili Iinaweza kuanza kuonekana na weusi zaidi mapema wiki moja au mbili baada ya mimba kutungwa, na kufanya hii kuwa mojawapo ya dalili za mwanzo za ujauzito.

Unaweza pia kuanza kuona mishipa inayoonekana zaidi na matuta madogo yakijitokeza kwenye ukingo wa areola. Mishipa Hii inaitwa Montgomery tubercles na itasaidia kulainisha chuchu zako ili kuwa tayari kwa mtoto wako kunyonyeshwa anapozaliwa. Huu ni mwanzo tu wa mabadiliko ya matiti katika kipindi cha ujauzito!

4. Mwili kuchoka sana,Fatigue

Je, unahisi uchovu kwa kufanya shughuli zako za kawaida za kila siku? Kwa bahati mbaya, uchovu unaweza kuongezeka Zaidi kwa muda wote wa ujauzito wako,

Mwili wako unazalisha damu zaidi ili kubeba virutubisho kwa mtoto wako anayekua. Unapaswa kuanza kujisikia uchovu na nguvu kupungua zaidi wakati wa trimester ya pili ya Ujauzito.

5. Kuongezeka kwa Hisia ya Harufu

Je, harufu ya mayai ambayo kwa kawaida hutengenezwa kwa kiamsha kinywa inakufanya uhisi kichefuchefu?

Hisia za harufu huwa juu mara nyingi na huhusishwa na hali ya kichefuchefu na kutapika hasa wakati wa asubuhi(morning sickness) na kawaida hupungua baada ya trimester ya 1.

Hapa ndipo mtu huanza kupenda harufu za baadhi ya vitu na kuanza kuchukia harufu za baadhi ya vitu.

6. Tumbo kuanza kujaa gesi mara kwa mara

Dalili nyingine ya ujauzito ni gesi. Kuongezeka kwa progesterone na estrojeni ndio sababu ya dalili hii na inaweza kusababisha maumivu ya tumbo, tumbo kujaa n.k. Dalili hii inaweza kuwa karibu kwa miezi 9 yote ya ujauzito.

7. kubadilika kwa Mood, Mood Swings

Unaweza kuanza kupata mabadiliko ya mhemko sawa na yale unayohisi katika siku za kwenye kipindi chako cha kawaida cha HEDHI.

Mabadiliko haya yasiyoweza kudhibitiwa katika hisia zako hutokea kutokana na mabadiliko katika homoni zako, hasa katika miezi mitatu ya kwanza ya ujauzito wakati viwango vya estrojeni na progesterone hubadilika sana.

Hapa ndiyo unaweza kuona hali ya hasira za haraka, n.k. kitu ambacho hukioni kwenye hali ya kawaida labda ukiwa kwenye kipindi chako cha Hedhi.

8. Tumbo kukaza na kuuma uma,

Sawa na maumivu ya matiti, Tumbo kukaza ni ishara ya mapema ya ujauzito. Cramping haipaswi kuwa kali. Ikiwa una maumivu makali, au ikiwa maumivu haya huambatana na damu kutoka na sio dalili yako ya hedhi, wasiliana na daktari wako mara moja.

9. Kutoa vitone vya damu,Spotting

Je, umeona vitone vya damu wiki 1-2 baada ya ovulation na kujamiiana? Hii Inaweza kuwa kutokwa na damu wakati wa yai lilirotubishwa kujishikiza kwenye kuta za mji wa mimba,kitendo ambacho hujulikana kama Implantation.

Kutokwa na damu hii hutokea siku sita hadi 12 baada ya mimba kutungwa, wakati yai lililorutubishwa linapochimba ndani ya utando wa uterasi, na kusababisha muwasho kidogo.

Unaweza kuchanganya damu hii na mwanzo wa kipindi chako cha HEDHI, lakini inaweza kumaanisha kuwa Mjamzito.

10. Joto la Mwili kuongezeka(High Basal Body Temperature)

Wanawake wengi hawatambui kwamba joto lao la Mwili linaweza kuwapa ishara kwamba wao ni wajawazito. Ikiwa umekuwa ukisoma joto la mwili wako mara kwa mara utagundua endapo kuna mabadiliko,

Kama unapata usomaji wa juu-kuliko wa kawaida, basi unaweza kununua Kipimo cha Mimba,Upime.

Lakini Fahamu; halijoto yako inaweza kuwa juu au huongezeka unapotoa yai,kipindi cha ovulation, kisha hupungua polepole katika sehemu ya mwisho ya mzunguko wako hadi hedhi yako ianze. Lakini ikiwa umepata mimba wakati wa mzunguko wako, joto lako halitapungua; badala yake, litaongezeka.

11. Kukojoa Mara kwa Mara

Je, unahisi hamu ya kwenda kukojoa zaidi ya kawaida? Kulazimika kukojoa mara kwa mara ni dalili ya kawaida ya ujauzito na itabaki katika kipindi cha ujauzito wako wote.

Hizo ni baadhi tu ya Dalili ambazo tumechambua ndani ya afyaclass kwa siku la Leo, Unaweza kupata dalili Zingine zaidi ya hizi….!!!!

KWA USHAURI ZAIDI,ELIMU NA TIBA JUU YA TATIZO LOLOTE TUWASILIANE KWA NAMBA +255758286584.

Dalili za hatari baada ya kujifungua kwa upasuaji

Baada ya kufanyiwa Upasuaji wa kujifungua kwa kitaalam Cesarean Section(C-Section), Moja ya vitu muhimu vya kuzingatia ni hali ya kidonda chako,

Unashauriwa kukitunza kidonda kwa uangalifu ili kisipate Maambukizi yoyote(infections), na Ukiona Dalili hizi hakikisha unapata Msaada mapema;

1. Kuvimba eneo la kidonda ulipofanyiwa upasuaji

2. Kidonda kuanza kuvuja maji maji

3. Kidonda kuvuja Damu

4. Kupata maumivu makali sana ya kidonda ambayo hayaishi hata baada ya kutumia dawa

5. Sehemu ya Kidonda kubadilika rangi na kuwa nyekundu Sana(Redness around the incision)

6. Kidonda kutoa harufu mbaya n.k

Vitu ambavyo huongeza hatari ya kupata madhara wakati wa kujifungua kwa Upasuaji

Ingawa ni mara chache sana kutokea,ila vitu hivi huweza kuchangia madhara;

– Mtoto kuwa Mkubwa Sana

– Mama kuwa Mnene kupita kiasi

– Kuwa na Labor ya Muda mrefu Zaidi

– Kuwa na Mzio au Allergies na dawa za USINGIZI

– Damu yako kuwa ndogo Sana

– Kuwa na magonjwa kama vile Kisukari n.k

#SOMA hapa kwanini Wanawake wengi hujifungua kwa Upasuaji?

Madhara ya Kujifungua kwa Upasuaji(Complications)

Haya ni baadhi ya madhara ambayo huweza kutokea baada ya kujifungua kwa Upasuaji;

• Maambukizi ya kidonda

• Kupata homa

• Kupoteza damu nyingi

• Kupata majeraha kwa baadhi ya viungo(organs)

• Hali ya Dhararua inayopelekea utolewe kabsa kizazi(emergency hysterectomy)

• Kupata madhara kutokana na kuwa na allergy au mzio na dawa za Usingizi

• Mtoto kudhurika wakati wa Upasuaji

• Mama kupoteza Maisha N.k

Kwa bahati nzuri, matatizo makubwa kutokana na kujifungua kwa upasuaji ni nadra sana kutokea. Katika nchi zilizoendelea, vifo vinavyotokana na uzazi ni nadra sana kutokea.

Na Mara nyingi vifo havihusiani na kitendo cha Upasuaji bali vinahusiana na matatizo ya ujauzito ambayo hukufanya kuzaa kwa upasuaji.

KWA USHAURI ZAIDI,ELIMU AU TIBA TUWASILIANE KWA NAMBA +255758286584.

Wajawazito 43,323 wagundulika kuwa na VVU

Takwimu za Wizara ya Afya zinaonesha jumla ya Vituo 7,830 sawa na 96% ya Vituo 8,164 vinavyotoa Huduma za Afya ya Uzazi na Mtoto viliweza kutoa huduma za kuzuia Maambukizi ya VVU na Kaswende kutoka kwa mama kwenda kwa Mtoto

Jumla ya Wajawazito 1,453,235 sawa na 97.4% ya Wajawazito 1,492,931 waliohudhuria Kliniki walipimwa VVU katika kipindi cha Julai 2023 hadi Machi 2024 ikilinganishwa na Wajawazito 1,627,685 sawa na 98.9% ya Wajawazito 1,645,417 waliopimwa katika kipindi kama hicho Mwaka 2022/23

Wajawazito 43,323 sawa na 2.98% ya Wajawazito wote walibainika kuwa na maambukizi ya VVU kwa kipindi cha Julai 2023 hadi Machi 2024 ikilinganishwa na Wajawazito 47,475 sawa na 2.85% waliobainika kuwa na maambukizi ya VVU kwa kipindi kama hicho Mwaka 2022/23

Linapokuja suala la afya ya wanaume, saratani ya Tezi dume inachukua nafasi kubwa. Ni aina ya pili ya saratani inayogunduliwa kwa wingi kwa wanaume duniani kote, ikifuatiwa na saratani ya mapafu.

Kwa sababu tezi dume ni kiungo cha uzazi ambacho kazi yake kuu ni kusaidia kuzalisha mbegu za kiume – yaani majimaji ambayo hubeba manii wakati wa mshindo.

Watafiti kwa muda mrefu wamekuwa wakijiuliza kuhusu athari za tendo la ndoa kwenye saratani ya tezi dume.

Je, kumwaga mbegu za kiume hukulinda dhidi ya hatari ya saratani ya Tezi dume?

Tafiti za Kisayansi Zinasemaje?

Kuna ushahidi unaounga mkono swali hili. Utafiti uliofanywa katika kipindi cha miaka 33 iliyopita ulionesha kuwa tafiti saba kati ya 11 – ziliona kuna manufaa ya kumwaga mbegu dhidi ya kujilinda na saratani ya tezi dume.

Vile vile, kumwaga manii kunaweza kuongeza kinga ya mwili na kupunguza hatari ya maambukizi – ambapo ni miongoni mwa chanzo cha kukua kwa saratani hii.

Kumwaga mbegu za kiume pia kunaweza kupunguza shughuli za mfumo wa neva, na huzuia seli fulani za kibofu kugawanyika, na kupunguza hatari ya kuwa na saratani.

Umri ni muhimu pia. Kumwaga mbegu mara nyingi hutoa kinga zaidi kwa watu kati ya umri wa miaka 20 na 50 na kuendelea. Lakini kuna hatari kwa vijana wa umri wa miaka 20 na chini ya hapo.

Kumwaga manii kwa kiwango kikubwa wakati wa ujana – kibofu bado kikiwa hakijakomaa, kuna hatari ya kupata saratani ya kibofu miongo kadhaa baadaye.

Utafiti kutoka Chuo Kikuu cha Harvard nchini Marekani ulionesha kuwa wanaume wanaomwaga manii mara 21 au zaidi kwa mwezi wana hatari ndogo ya kupata saratani ya tezi dume kwa 31% kuliko wanaume wanaomwaga mara nne hadi saba kwa mwezi.

Matokeo kama hayo yalipatikana nchini Australia, ambapo saratani ya tezi dume ilikuwa chini ya 36% kwa wanaume walio chini ya umri wa miaka 70, kwa wanaume waliomwaga mara tano hadi saba kwa wiki, ikilinganishwa na wanaume waliomwaga chini ya mara tatu kwa wiki.

Lakini utafiti mwingine unaeleza kuwa kumwaga mbegu zaidi ya mara nne kwa mwezi kunahesabiwa ni kumwaga mara kwa mara na hilo hutoa kinga kwa rika fulani la watu.

Kumwaga mbegu kunaweza kukulinda dhidi ya saratani ya kibofu, lakini pia yawezekana wanaume wanaomwaga manii mara kwa mara wana maisha bora, ambayo hupunguza uwezekano wa kupata saratani.

Kuwa na mzungumko mdogo wa kumwaga mbegu, kunaweza kuhusishwa na kupungua kwa shughuli za kimwili– hayo ni mambo ambayo yanaweza kuchangia kukua kwa saratani.

Homoni za testosterone ni muhimu

Homoni ya testosterone, inafahamika kwa kuongeza hamu ya tendo la ndoa, hivyo mwanaume mwenye viwango vya chini vya testosterone anaweza asiwe na hamu ya tendo.

Maoni ya zamani yalikuwa; viwango vya juu vya testosterone kwa wanaume huongeza hatari ya saratani ya Tezi dume, maoni ya sasa yanaonesha haiongezi hatari hii, na badala yake kiwango cha chini cha testosterone ndicho huongeza hatari.

Wanaume walio na saratani ya Tezi dume, huonyesha kuwa viwango vya testosterone ni vya chini. Hivyo kuwa na homoni nyingi za testosterone hupunguza hatari ya saratani ya Tezi dume kwa wanaume na kuongeza hamu ya kushiriki tendo la ndoa.

Utafiti mwingine ulionyesha kuwa wanaume ambao humwaga mara kwa mara – wana viwango vya juu vya homoni ya testosterone. Na hawa ndiyo wanaume ambao pia wana hatari ndogo ya kupata saratani ya Tezi dume.

Kufanya tendo la ndoa na kumwaga mbegu za kiume kuna faida kwa Tezi dume, ikiwa ni pamoja na faida kwenye moyo, ubongo, mfumo wa kinga, usingizi na hisia.

Uhusiano kati ya kumwaga manii na kuzuia saratani ya Tezi dume haueleweki kikamilifu – Hivo tafiti zaidi zinahitajika – lakini ukweli unabaki kuwa kumwaga kuna faida kwa afya ya mwanaume.

Faida na hasara za kukanda mwili

Watu wengi wana Desturi ya kukanda mwili kwa maji ya moto hasa kwa wakina mama baada ya kujifungua,

Je, kukanda mwili maji kiafya ipoje?

Madhara ya kukanda wazazi kwa maji ya moto,bila shaka wanawake wengi au watu wengi kwenye jamii hawajui kama kuna madhara ya kumkanda mama ambaye ndyo katoka kujifungua,kwani ni kitendo ambacho kimezoeleka kwenye jamii nyingi, na wengi wao huamini kama Tiba kwa mama ambaye ametoka kujifungua.

MADHARA YA KUKANDA WAZAZI KWA MAJI YA MOTO NI PAMOJA NA;

– Kumuweka mama baada ya kujifungua kwenye hatari ya kupata maambukizi mbali mbali ya magonjwa

– Kumsababishia mama ambaye kajifungua maumivu makali ya mwili ikiwemo ukeni

– kuzuia mama baada ya kujifungua kupona kwa haraka zaidi

– Kufanya uharibifu wa kwenye maumbile yake au sehemu za siri

– Kusababisha tatizo la kulegea kwa misuli ya ukeni

– Mama baada ya kujifungua kupata majeraha ambayo huweza kutokana na maji ya moto

– Mama kuvuja damu nyingi baada ya kujifungua, kwani maji moto hufungua mishipa ya damu iliyojifunga mara baada ya mtoto kutoka na pale damu huanza kuvuja upya

– Mama baada ya kujifungua kupata shida ya kufumuka nyuzi alizoshonwa kama aliongezewa njia wakati wa kujifungua

– Uke wa mama baada ya kujifungua kutengeza uwazi,hali ambayo huweza kusababisha matatizo mengine kama vile uke kujaa hewa na kujamba

– Mama baada ya kujifungua kupata shida ya kuwa na malenge lenge ukeni pamoja na kutanuka misuli ya ukeni kwani wengi wao hukalishwa kwenye kigoda wakati wa zoezi hili

– Fahamu mama akijifungua hupoteza maji mengi mwilini hivo maji hupungua sana mwilini na kusababisha mishipa ya damu kusinyaa, endapo mama huyu atakandwa na maji ya moto huzidi kulainisha mishipa ya damu na kufanya itanuke, hali ambayo huweza kusababisha presha ya damu kupungua na kusababisha maradhi ya moyo baada ya kujifungua tatizo ambalo kwa kitaalam hujulikana kama postpartum carsiomypathy

– Mwili wa mama aliyejifungua kuweza kuvimba, baadhi ya wakina mama wanaokandwa na maji moto baada ya kujifungua hupatwa na tatizo lingine la mwili kuvimba n.k

– Kusababisha vifo kwa wakina mama baada ya kujifungua, soma hapa chini

Wizara ya Afya, Maendeleo ya Jamii, Jinsia, Wazee na Watoto ilitoa ufafanuzi kuhusu swala hili la kuwakanda na maji ya moto wanawake wakishajifungua, mnamo Mwaka 2019 wakati wa uzinduzi wa Kampeni ya Jiongeze Tuwavushe Salama nakusema ni hatari zaidi kwao.

Wizara ilisema kwamba kukandwa na maji ya moto kunaweza kusababisha mama kutokwa na damu nyingi na hata kifo.

“Hatuwezi kushauri wanawake waliojifungua kukandwa maji ya moto, japo suala hilo limezoeleka kwa wengi, lakini hakuna uthibitisho wa kitaalamu wa kumponya mwanamke kwa kutumia maji hayo isipokuwa kumletea madhara,” Maelekezo ya Wizara

Mbali na wanajamii wenyewe pia wakunga wa jadi wengi huendelea kuamini kwamba kumkanda na maji moto mama aliyejifungua ni muhimu sana kwani husaidia kuondoa uchafu uliosalia tumboni baada ya mtoto kutoka,je hii ni kweli?

Hiyo ni dhana tu na hakuna ukweli wowote juu ya hili pia ifahamike kwamba, hakuna uchafu wowote unaotakiwa kutolewa na maji ya moto au kwa kukandwa kwani uchafu wote ikiwemo placenta au kondo la nyuma hutolewa na wataalam wa afya wakati mama anajifungua na hata mabaki yote ikiwemo mabonge ya damu hutolewa yote nje kwani yakibaki huweza kusababisha tatizo la mama kuvuja damu nyingi baada ya kujifungua,hivo ifahamike kwamba mama anasafishwa vizuri hakuna kitu chochote kinabakishwa ndani baada ya kujifungua,

Swala la kukandwa na maji moto,kuminywa au eti kurudisha uke kwenye hali yake ya kawaida kwa mama baada ya kujifungua halina mantiki yoyote na badala yake kwa kufanya hivo unaendelea kuharibu uke au maumbile ya mwanamke na kusababisha madhara mengine.

Hata hivyo, dhana hiyo ilijengeka zaidi na kupata mashiko zamani kwa kile walichodai kwamba kulikuwa hakuna hospital za kutosha au ambazo zipo karibu na maeneo ya watu walio wengi,hivo watu kwenye jamii walikuwa wanaamini hiyo ni miongoni mwa tiba kwa mama ambaye kajifungua na yupo nyumbani.

KWA USHAURI ZAIDI,ELIMU AU TIBA JUU YA TATIZO LOLOTE TUWASILIANE KWA NAMBA +255758286584.

Mtoto huweza kuzaliwa akiwa na mabaka mabaka ya rangi ya blue hasa hasa maeneo ya makalioni na mgongoni, mabaka mabaka haya kwa kitaalam hujulikana kama Mongolian spot.

MABAKA MABAKA HAYA HUDUMU KWA MUDA GANI?

Mabaka mabaka(mongolian spot) huweza kupotea yenyewe ndani ya muda mfupi au kudumu  kwa kipindi kirefu hata miaka Minne na kuendelea,

Kwa wengine hupotea yenyewe baada ya mtoto kufikia umri wa kubalehe Na baadhi ya watoto wachache mabaka mabaka haya huendelea kuwepo maisha yao yote.

CHANZO CHA MABAKA MABAKA HAYA NI NINI?

– Chanzo cha mabaka mabaka haya au Mongolian spot, ni kutokana na uwepo mkubwa wa seli hai kwa ajili ya kuleta rangi kwenye ngozi maarufu kama melanocytes hasa hasa maeneo ya makalioni na mgongoni,

ndyo sababu kubwa ya rangi ya ngozi katika maeneo haya kubadilika na kuwa blue kutokana na uwepo wa kiwango kikubwa cha Melanocytes ambazo huzalisha melanin(kwa ajli ya kuipa ngozi rangi yake).

MATIBABU YA MONGOLIAN SPOT

– Tatizo hili kwa mtoto huweza kuisha lenyewe wala hakuna matibabu yoyote ambayo hufanyika kwa mtoto mwenye shida hii kwenye ngozi yake

KWA USHAURI ZAIDI,ELIMU AU TIBA JUU YA TATIZO LOLOTE LA KIAFYA TUWASILIANE KWA NAMBA +255758286584.