Daktari kijana nchini DRC, Victor Kingombe, amefariki dunia kwa Ebola

Daktari kijana nchini DRC, Victor Kingombe, amefariki dunia kwa Ebola

Daktari kijana nchini Jamhuri ya Kidemokrasia ya Kongo (DRC), Victor Kingombe, amefariki dunia kwa maambukizi ya virusi vya Ebola katika kituo cha matibabu mjini Kisangani, alipokuwa akihudumu.

Aidha, Wafanyakazi wenzake wa afya na wanafamilia walihudhuria mazishi yake, huku timu maalumu ikiwa imevaa mavazi ya kujikinga wakati wa kuuhamisha mwili wake.

Kifo cha daktari huyo kimetokea wakati maambukizi ya Ebola yakiongezeka katika baadhi ya maeneo nje ya kitovu cha mlipuko.

Ingawa maambukizi yamepungua katika mkoa wa Ituri, Kivu Kaskazini imeripoti ongezeko la asilimia 73 ndani ya wiki tatu.

Kwa upande wake, Shirika la Afya Duniani (WHO) limeonya kuhusu kuenea kwa ugonjwa huo kutokana na changamoto za kiusalama, uhamaji wa wananchi, migomo ya wafanyakazi wa afya na mwingiliano mkubwa wa watu.

Makamu Gavana wa Tshopo, Didier Lomoyo Iteku, amesema kifo cha daktari huyo ni ushahidi kwamba Ebola ni ugonjwa wa kweli na amewataka wananchi kuamini huduma za afya.

Hata hivyo, Serikali ilianza kuwapatia chanjo ya Ervebo wafanyakazi wa afya mjini Kisangani mwezi Agosti, huku tafiti za matibabu mapya zikiendelea.

Chanzo: Africa News