Hospital
Zaidi ya watu milioni 4.7 duniani kote hupoteza maisha kila mwaka kutokana na UVIDA
Zaidi ya watu milioni 4.7 duniani kote hupoteza maisha kila mwaka kutokana na tatizo la Usugu wa Vimelea Dhidi ya Dawa (UVIDA), hali inayotajwa kuwa tishio kubwa kwa afya ya jamii na maendeleo ya binadamu iwapo hatua madhubuti hazitachukuliwa kudhibiti matumizi holela ya dawa.
Hayo yameelezwa na Mfamasia kutoka Hospitali ya Rufaa ya Mkoa Mwananyamala (MRRH), Atugonza Kyaruzi, wakati hospitali hiyo ikiungana na mataifa mengine duniani kuadhimisha Wiki ya Uelimishaji kuhusu Usugu wa Vimelea Dhidi ya Dawa Duniani (World AMR Awareness Week).
Akizungumza wakaki akitoa elimu kwa umma, Kyaruzi amefafanua kuwa UVIDA hutokea pale vimelea vya magonjwa kama vile bakteria, virusi, fangasi na vimelea vya malaria vinapobadilika na kushindwa kuathiriwa na dawa ambazo awali zilikuwa zikivitibu.
”Uvida kwa sasa ni changamoto na janga la kidunia, kwani takwimu zinaonesha mpaka sasa kuna vifo milioni 4.7 duniani kote, ambapo zimesababishwa na UVIDA na tafiti zinaonesha kama hatuta chukua hatua stahiki ifikakapo 2050 kutakuwa na vifo milioni 10″
Takwimu za kidunia zinaonesha kuwa zaidi ya watu milioni 4.7 hupoteza maisha kila mwaka kwa sababu ya UVIDA. Chanzo kikuu cha tatizo hili ni tabia ya baadhi ya wananchi kutumia dawa holela bila kufanyiwa vipimo wala kupata ushauri wa wataalamu wa afya, pamoja na kutokumaliza dozi wanazopangiwa,” amesema Kyaruzi.
Aidha, Mfamasia huyo ametoa wito kwa wananchi kuacha tabia ya kujinunulia dawa kiholela madukani au kushirikishana dawa majumbani pindi wanapohisi dalili za ugonjwa, na badala yake wafike katika vituo vya kutolea huduma za afya ili wapate uchunguzi wa kitaalamu na tiba sahihi.
Vilevile, amewakumbusha watumishi wa afya na jamii kwa ujumla kuzingatia namna sahihi ya matumizi ya dawa, ili kuondoa uwezekano wa mtu kupata changamoto zitokanazo na UVIDA.
Chanzo: mwananyamalarrh
Ushauri,Elimu,Tiba
Medical Consultation: Karibu afyaclass Kwa Ushauri na Tiba, Kama una Tatizo lolote la kiafya, tafadhali Wasiliana na Daktari moja kwa moja hapa || Call au Sms(+255758286584) au Whatsapp.
Je, unahitaji ushauri binafsi au matibabu ya tatizo lolote?
💬 Wasiliana na Daktari Hapa(Whatsapp)