WHO
WHO yataka huduma jumuishi za VVU na saratani ya shingo ya kizazi ili kuokoa maisha ya wanawake
Shirika la Afya Duniani (WHO) limetoa wito wa kuimarishwa kwa huduma jumuishi za Virusi Vya Ukimwi na saratani ya shingo ya kizazi ili kuhakikisha wanawake na wasichana wanaoishi na magonjwa hayo wanapata huduma za kinga, uchunguzi, utambuzi na matibabu kwa wakati.
Wito huo umetolewa leo huko Geneva, Uswisi, ambayo ni Siku ya kimataifa ya Kutokomeza Saratani ya Shingo ya Kizazi, huku WHO ikionya kuwa wanawake wanaoishi na VVU wako katika hatari kubwa mara sita zaidi ya kupata saratani hiyo ikilinganishwa na wanawake wasio na VVU.
Licha ya changamoto hizo, juhudi za kimataifa za kukabiliana na ugonjwa huo zinaendelea kuimarika. WHO imesema zaidi ya asilimia 50 ya wasichana katika Kanda ya Afrika walipokea angalau dozi moja ya chanjo dhidi ya virusi vya Human Papiloma, HPV mwaka 2025.
Aidha, takribani nchi 133 duniani zimeanzisha huduma za uchunguzi wa saratani ya mlango wa kizazi.
WHO inasisitiza kuwa wanawake wanaoishi na VVU wanapaswa kupata huduma hizi kwa usawa, bila ubaguzi wala ucheleweshaji.
Malengo ya kimataifa ya 2030
WHO inalenga kutekeleza Mkakati wake wa Kimataifa wa malengo ya 90-70-90 ifikapo mwaka 2030. Haya yanajumuisha kuwapatia chanjo asilimia 90 ya wasichana dhidi ya HPV kabla ya umri wa miaka 15, kuwafanyia uchunguzi asilimia 70 ya wanawake kwa vipimo bora, na kuhakikisha asilimia 90 ya waliobainika kuwa na ugonjwa huo wanapata matibabu na huduma stahiki.
Chat Nasi Whatsapp
"Ungana na Wasomaji zaidi ya 12,000 wanaopata huduma ndani ya afyaclass, Kama unachangamoto yoyote ya kiafya; Kwa Ushauri&Tiba tuwasiliane hapa kupitia WhatsApp, Kama huna Whatsapp tuma SMS au Piga +255758286584."
Chat WhatSapp HapaMkurugenzi wa Idara ya VVU, Kifua Kikuu, Homa ya Ini na Maambukizi ya Zinaa wa WHO, Dkt Tereza Kasaeva, amesema kuunganisha huduma za VVU na saratani kutasaidia kupunguza vifo na kuboresha maisha ya wanawake.
Hakuna mwanamke anayeachwa nyuma
WHO pia inashirikiana na Shirika lake tanzu la Kimataifa la Utafiti wa Saratani (IARC) kuchunguza uwezekano wa kujumuisha HPV35 katika chanjo za baadaye.
Shirika hilo linasisitiza kuwa hali ya mtu ya kuishi na VVU haipaswi kamwe kuwa kikwazo cha kupata huduma za saratani kwa wakati. Lengo ni kuhakikisha kila mwanamke na msichana anapata huduma bora bila kuachwa nyuma.
Source:UN
Ushauri,Elimu,Tiba
Medical Consultation: Karibu afyaclass Kwa Ushauri na Tiba, Kama una Tatizo lolote la kiafya, tafadhali Wasiliana na Daktari moja kwa moja hapa || Call au Sms(+255758286584) au Whatsapp.
Je, unahitaji ushauri binafsi au matibabu ya tatizo lolote?
💬 Wasiliana na Daktari Hapa(Whatsapp)