Afya News
Wizara ya Afya yakemea Imani POTOFU dhidi ya Mabusha/ngirimaji
WIZARA YA AFYA YAKEMEA IMANI POTOFU DHIDI YA MABUSHA/NGIRIMAJI
Na Alex Nkondo, WAF – Handeni, Tanga
Wataalamu wa afya wanaohudumu katika kambi maalumu ya uchunguzi na matibabu ya mabusha/ngirimaji wameendelea kutoa huduma kwa wananchi huku wakisisitiza umuhimu wa usafi wa mazingira, kujikinga na mbu pamoja na kuachana na imani potofu zinazohusishwa na ugonjwa huo.
Hayo yamesemwa leo, Novemba 18, 2026, wilayani Handeni, mkoani Tanga, na Mratibu wa Magonjwa Yaliyokuwa Hayapewi Kipaumbele wa Wilaya ya Handeni, Dkt. Clarence Mangowi, wakati akizungumzia maendeleo ya kambi hiyo na umuhimu wa wananchi kuchukua hatua za kujikinga dhidi ya magonjwa hayo.
Dkt. Mangowi amesema utunzaji wa mazingira, hususan kuondoa mazalia ya mbu na kuhakikisha mazingira yanakuwa safi, ni hatua muhimu katika kupunguza maambukizi ya ugonjwa wa matende unaoweza kusababisha mabusha/ngirimaji.
Aidha, amewataka wananchi kuachana na imani potofu zinazohusisha ugonjwa wa mabusha na masuala ya kishirikina, akieleza kuwa ugonjwa huo unaweza kuchunguzwa na kutibiwa katika vituo vya kutolea huduma za afya kulingana na chanzo chake.
Chat Nasi Whatsapp
"Ungana na Wasomaji zaidi ya 12,000 wanaopata huduma ndani ya afyaclass, Kama unachangamoto yoyote ya kiafya; Kwa Ushauri&Tiba tuwasiliane hapa kupitia WhatsApp, Kama huna Whatsapp tuma SMS au Piga +255758286584."
Chat WhatSapp HapaAmesisitiza umuhimu wa wananchi kujitokeza katika kambi hiyo ili kupata huduma za uchunguzi, ushauri wa kitaalamu na matibabu stahiki, badala ya kuficha hali zao au kuchelewa kutafuta huduma kutokana na hofu, unyanyapaa na taarifa zisizo sahihi.
Dkt. Mangowi amewahimiza wananchi kuendelea kushirikiana na wataalamu wa afya, kuzingatia usafi wa mazingira na kutumia fursa ya huduma zinazotolewa katika kambi hiyo ili kupunguza madhara ya mabusha/ngirimaji na kuboresha afya na ustawi wa jamii.
Ushauri,Elimu,Tiba
Medical Consultation: Karibu afyaclass Kwa Ushauri na Tiba, Kama una Tatizo lolote la kiafya, tafadhali Wasiliana na Daktari moja kwa moja hapa || Call au Sms(+255758286584) au Whatsapp.
Je, unahitaji ushauri binafsi au matibabu ya tatizo lolote?
💬 Wasiliana na Daktari Hapa(Whatsapp)