News
Upasuaji wa urembo kuotesha nywele kwenye kipara wafanyika muhimbili
![](https://afyaclass.com/mk_omb/uploads/2024/02/repost_photo_1-6.jpg)
Upasuaji wa urembo kuotesha nywele kwenye kipara wafanyika muhimbili
Watalaam wa upasuaji Hospitali ya Taifa Muhimbili (MNH) kwa kushirikiana na wenzao kutoka nchini Marekani wamekamilisha kambi maalum ya siku tano iliyohusisha upasuaji wa urembo na upasuaji wa matibabu (Cosmetic and Reconstructive Surgery) kwa wagonjwa nane.
Akizungumza wakati wa kuhitimisha kambi hiyo na kwa niaba ya timu nzima iliyoshiriki, Daktari Bingwa wa Upasuaji wa MNH, Dkt. Ibrahim Mkoma, amesema upasuaji uliofanyika ni wa matibabu kwa wagonjwa waliokuwa na changamoto mbalimbali ikiwemo waliopata ajali ya kuungua moto na wenye misuli iliyokakamaa kutokana na majeraha n.k.
Amesema, kuna mtoto ambaye kichwa chake kilizaliwa kikiwa na vinundu vidogo vidogo mithili ya visunzua (skin tag) ambavyo viliondolewa na kufanya sehemu kubwa ya kichwa chake kuwa na kipara, hivyo amefanyiwa upasuaji wa kuwekewa puto (tissue expander) kwenye kichwa sehemu yenye nywele karibu na kipara ili ngozi ya eneo hilo iweze kuongezeka na kukuza nywele ambazo baada ya mwezi mmoja zitakuwa zimeota sehemu kubwa na kuruhusu kufanyiwa upasuaji wa kuvuta ngozi hiyo ikiwa na nywele na kufunika sehemu yenye kipara hivyo kumwezesha mtoto huyo kurudi katika hali yake ya kawaida.
Upasuaji huo umefanyika kwa kushirikiana na Watalaam wa Upasuaji kutoka Shirika lisilo la Kiserikali la Marekani ReSurge International ambao wana uzoefu mkubwa duniani katika kujenga uwezo wa kufanya upasuaji wa matibabu na urembo.
-
Magonjwa5 days ago
Ugonjwa wa ngozi sehemu za siri
-
Uzazi/Ujauzito3 days ago
Dalili za hatari baada ya kujifungua kwa upasuaji
-
Magonjwa2 days ago
Dalili za infection kwenye damu,mchafuko wa damu
-
Uzazi/Ujauzito1 day ago
Dalili za mimba hutokea baada ya siku ngapi
-
Events4 days ago
Chad yafanikiwa kuondoa Ugonjwa wa trypanosomiasis,WHO yatangaza
-
News3 days ago
TANZIA:Yusuf Manji afariki dunia akipatiwa Matibabu Marekani
-
Magonjwa3 hours ago
kuharisha na kutapika ni dalili za ugonjwa gani