Connect with us

Afya News

Kampeni ya chanjo dhidi ya polio kwa watoto yazinduliwa ukanda wa Ziwa Chad

Doctor Ombeni

Published

on

Kampeni ya chanjo dhidi ya polio kwa watoto yazinduliwa ukanda wa Ziwa Chad

Mawaziri wa afya kutoka Cameroon, Jamhuri ya Afrika ya Kati CAR, Niger, Nigeria na Chad wamekutana leo huko N’Djamena Chad kuzindua kampeni ya pamoja ya chanjo dhidi ya polio kwa watoto zaidi ya milioni 83 walio na umri wa chini ya umri wa miaka mitano katika Ukanda wa Ziwa Chad.

Hii ni hatua muhimu katika kukabiliana na kirusi cha polio cha aina ya pili kinachosambaa katika eneo hili. Imesema taarifa iliyotolewa leo na Shirika la Umoja wa Mataifa la Afya Duniani WHO huko N’Djamena mji mkuu wa Chad.

Katika kipindi cha miezi 12 iliyopita, WHO inasema kirusi hiki kimegunduliwa katika mazingira ya maji taka na kwa watu waliopatwa nacho katika nchi za Cameroon, Niger, Nigeria na Chad, ambapo jumla ya visa 210 viliripotiwa, 140 kati ya hivyo vikisababisha ugonjwa wa kupooza.

Ingawa Jamhuri ya Afrika ya Kati CAR, haijaripoti kisa chochote, bado kuna hatari kubwa ya maambukizi kuvuka mipaka limeonya shirika la WHO.

Limeongeza kuwa Kampeni za chanjo kati ya Aprili 2024 na Januari 2025 zilifanikiwa kuwafikia watoto milioni 12. Ili kuongeza kinga, kampeni nyingine ya pamoja itafanyika kuanzia tarehe 24 hadi 28 Aprili 2025, ikilenga maeneo ya mipakani yenye hatari kubwa na usimamizi hafifu wa afya.

Wahudumu wa afya zaidi ya milioni moja kushiriki kampeni

Kwa mujibu wa WHO kampeni hii itaendeshwa na wahudumu wa afya wapatao milioni 1.1, wakiwemo watoa chanjo, watoa elimu ya afya na wasimamizi.

Mawaziri wa afya pia watafanya kikao cha ndani kujadili changamoto, takwimu za ugonjwa huo na ushirikiano wa kuvuka mipaka, kwa mujibu wa Mpango wa Kikanda wa Kutokomeza Polio Afrika 2024-2025.

Waziri wa Afya wa Chad, Mhe. Dkt. Abdelmadjid Abderahim amesema “Ukanda wa Ziwa Chad unasalia kuwa eneo muhimu katika mapambano yetu dhidi ya polio. Kwa kushirikiana kama kanda, tunaimarisha dhamira yetu ya kuutokomeza ugonjwa wa polio kabisa.”

Mashirika ya kimataifa kama WHO, Shirika la Umoja wa Mataifa la Kuhudumia Watoto UNICEF, Wakfu wa Gates, Muungano wa chanjo duniani Gavi na Rotary International yanaunga mkono juhudi hizi, pamoja na jamii na viongozi wa maeneo husika. Mkutano huo unaambatana na Wiki ya Chanjo Afrika yenye kaulimbiu “Chanjo kwa wote inawezekana”.

WHO imesema mpango huu ni mfano wa mshikamano katika afya ya kimataifa ili kujenga mustakabali usio na polio kwa watoto wa Ukanda wa Ziwa Chad na zaidi.

✚

Ushauri,Elimu,Tiba

Medical Consultation: Karibu afyaclass Kwa Ushauri na Tiba, Kama una Tatizo lolote la kiafya, tafadhali Wasiliana na Daktari moja kwa moja hapa || Call au Sms(+255758286584) au Whatsapp.

Je, unahitaji ushauri binafsi au matibabu ya tatizo lolote?

💬 Wasiliana na Daktari Hapa(Whatsapp)

🏆Certified| Doctor from Afyaclass. Maudhui haya ni kwa ajili ya elimu ya jumla ya afya. Unapohitaji ushauri wa kina, uchunguzi, au matibabu binafsi, wasiliana na daktari kupitia namba:+255758286584.Pia tufwatilie kupitia: @Facebook | @Instagram | @YouTube.

Click to comment

Leave a Reply

Your email address will not be published. Required fields are marked *

Guest Avatar

LATEST POSTS

Utafiti8 hours ago

Wanaume Wahimizwa Kupima Saratani ya Tezi Dume Kuanzia Miaka 50

Wanaume Wahimizwa Kupima Saratani ya Tezi Dume Kuanzia Miaka 50 Chanzo: CNN Health Mwandishi: Jacqueline Howard Tarehe: Novemba 12, 2026...

magonjwa ya watoto11 hours ago

Changamoto ya Ngozi Kwa Watoto,fahamu hapa

Changamoto ya Ngozi Kwa Watoto: Sababu, Dalili, Magonjwa Yanayoonekana Mara kwa Mara na Njia za Kuzuia Ngozi ni kiungo kikubwa...

Utafiti15 hours ago

Asilimia 63 ya Wauzaji wa Matunda Wanatumia Kemikali Kuchelewesha au Kuharakisha Kuiva kwa Ndizi na Nyanya

Wataalamu waonya kuhusu matumizi yasiyo sahihi ya kemikali katika kuiva kwa matunda, wakisema baadhi ya kemikali zinaweza kuwa na madhara...

WHO1 day ago

WHO yatoa Miongozo ya Kwanza ya Utambuzi na Udhibiti wa Kisukari cha Aina ya Kwanza kwa Watu Wazima

Shirika la Afya Duniani (World Health Organization – WHO) limetoa kwa mara ya kwanza miongozo ya kimataifa kuhusu utambuzi na...

magonjwa ya wanaume2 years ago

Madhara ya punyeto,Soma Hapa Kufahamu ukweli wa Mambo

Madhara ya punyeto,Soma Hapa Kufahamu ukweli wa Mambo Tabia hii imekuwa ikiwaathiri Wanaume Wengi kwa hivi Sasa,Je unazifahamu athari au...

magonjwa1 day ago

HPV ni Ugonjwa gani?,Fahamu hapa

Human Papilloma Virus (HPV): Maana Yake, Magonjwa Inayosababisha Na Athari Zake Kwa Afya Human Papilloma Virus (HPV) ni nini? Human...

Hospital1 day ago

Waziri wa Afya,amewapongeza watumishi wanne kwa kuokoa maisha ya mama na mtoto

Waziri wa Afya,amewapongeza watumishi wanne kwa kuokoa maisha ya mama na mtoto Waziri wa Afya, Mohamed Omary Mchengerwa, amewapongeza watumishi...

Ebola2 days ago

Ugonjwa wa Ebola ulivyoleta Athari kwa watoto DRC

Ugonjwa wa Ebola ulivyoleta Athari kwa watoto DRC Kufikia tarehe 4 Novemba, watoto 2,959 wenye umri chini ya miaka 18...

magonjwa ya wanawake3 days ago

Madhara ya kuvurugika kwa homoni za kike (Hormonal Imbalance in women)

Kuvurugika kwa hormone au vichocheo ni nini? Kuvurugika kwa hormone au vichocheo hutokea pale mwili unapozalisha homoni kwa kiwango kikubwa...

Hospital4 days ago

Muhimbili kufanya upasuaji wa kurejesha nguvu za kiume (Penile Implant Surgery)

Muhimbili kufanya upasuaji wa kurejesha nguvu za kiume (Penile Implant Surgery) Hospitali ya Taifa Muhimbili-Mloganzila imeendelea kuboresha huduma za kibingwa...