Vitu vya kufanya na kuzingatia kwa mtu mwenye uzito mkubwa na Presha kubwa

Vitu vya kufanya na kuzingatia kwa mtu mwenye uzito mkubwa na Presha kubwa Lakini wakati mwingine hupata dalili hii Uzito Kwenye Moyo.

Kwa mtu mwenye uzito mkubwa, presha ya juu, na ameambiwa ana “uzito kwenye moyo”, mara nyingi kauli hiyo inaweza kumaanisha moyo umeanza kufanya kazi kwa nguvu zaidi au misuli ya moyo, hasa ukuta wa ventrikali ya kushoto, umekuwa mnene (Left Ventricular Hypertrophy—LVH). Presha ya juu isiyodhibitiwa ni sababu kuu ya hali hii.

Vitu vya kufanya na kuzingatia;

Kudhibiti presha kwa umakini:

Pima presha mara kwa mara na andika majibu ya vipimo vyako. #Fahamu pia hapa jinsi ya kupima presha kwa Usahihi

Kama Umepewa dawa za presha, zitumie kwa mpangilio bila kuacha mwenyewe hata kama unajisikia vizuri.

Dawa zinaweza kuhitajika pamoja na mabadiliko ya mtindo wa maisha kulingana na kiwango cha presha pamoja na hali ya moyo kwa mgonjwa.

Kupunguza uzito taratibu:

Uzito mkubwa huongeza mzigo kwenye moyo na huongeza hatari ya presha.

Lengo si kupunguza uzito haraka, bali kupunguza taratibu kupitia chakula bora na shughuli za mwili salama. Hata kupungua kwa kiasi kidogo kunaweza kusaidia udhibiti wa presha.

-Kupunguza matumizi ya chumvi nyingi

Epuka kuongeza chumvi nyingi kwenye chakula.

Punguza vyakula vilivyosindikwa, chipsi, nyama zilizosindikwa, snacks zenye chumvi nyingi na vyakula vya fast food.

Badala yake Kula Mlo wenye mboga za majani, matunda, nafaka zisizokobolewa, kunde, samaki na protini zisizo na mafuta mengi ni bora kwa afya ya moyo.

-Kufanya mazoezi kwa kiwango kinachofaa

Kutembea ni mwanzo mzuri wa mazoezi kwa changamoto hii.

Kama daktari ameruhusu, kuongeza shughuli za mwili taratibu ikiwemo mazoezi mengine kunaweza kusaidia kupunguza uzito na presha.

Kama ana dalili za moyo, Usianze mazoezi makali bila kupimwa kwanza.

Epuka Matumizi ya Kilevyi chochote

–Kuepuka sigara, Epuka kabsa Matumizi ya Sigara

Sigara huongeza mzigo kwenye moyo na mishipa ya damu.

Mtu mwenye presha na tatizo la moyo anashauriwa kuacha kabisa.

–Kuacha pombe

Matumizi ya Pombe kwa kiasi kikubwa Kunaweza kuongeza presha na kuongeza hatari ya matatizo ya moyo.

Kuchunguza sukari na mafuta kwenye damu

Ni vizuri kupima blood glucose/HbA1c, cholesterol, pamoja na kazi ya figo kwa sababu kisukari, cholesterol na ugonjwa wa figo vinaweza kuongeza hatari ya matatizo ya moyo.

Kufanya Vipimo vya Moyo

Kufanya uchunguzi wa moyo Kama “uzito kwenye moyo” umetokana na matatizo ya Moyo ni muhimu pia, Fanya kipimo cha ECG, X-ray au ultrasound, hii ni muhimu kujua hasa tatizo ni nini. Echocardiogram (ECHO) inaweza kuonyesha unene wa misuli ya moyo, ukubwa wa vyumba vya moyo na hali ya valves.

Kulala vizuri na kudhibiti msongo wa mawazo

Lala takribani saa 7–9 za usingizi kwa usiku.

Msongo mkubwa wa mawazo, Kukosa usingizi na uzito mkubwa vinaweza kufanya udhibiti wa presha kuwa mgumu.

Dalili za kwenda hospitali haraka

Usisubiri nyumbani kama unapata maumivu/kubanwa kifuani, kupumua kwa shida sana, kuzimia, udhaifu wa ghafla upande mmoja wa mwili, kuongea kwa shida, au presha ikiwa 180/120 mmHg au zaidi,pamoja na Dalili Zingine.

Hakikisha Unaenda hospital au kukutana na Wataalam wa Afya kwa Changamoto na pia;

Kwa Ushauri Zaidi,Elimu na Tiba tuwasiliane kupitia namba +255758286584.